വിമാന സർവീസുകൾ വൈകുന്നു; സ്പൈസ് ജെറ്റിന് സിയാലിൻ്റെ നോട്ടീസ്, സ്ലോട്ട് പിൻവലിക്കുമെന്ന് താക്കീത്

കൊച്ചി: (KVARTHA) വിമാന സർവീസുകൾ തുടർച്ചയായി വൈകിയാൽ കടുത്ത നടപടി സ്വീകരിക്കുമെന്ന് അറിയിച്ച് കൊച്ചിൻ ഇൻ്റർനാഷണൽ എയർപോർട്ട് ലിമിറ്റഡ്. സർവീസുകൾ വൈകിയതിനെ തുടർന്ന് വിമാനക്കമ്പനിയായ സ്പൈസ് ജെറ്റിന് സിയാൽ കർശന നോട്ടീസ് നൽകി. 

ഓഗസ്റ്റ് ഒന്ന് മുതൽ വിമാന സർവീസുകൾ വലിയ തോതിൽ വൈകിയിരുന്നു. കൃത്യതയോടെ സർവീസ് നടത്തിയില്ലെങ്കിൽ സ്ലോട്ട് പിൻവലിക്കുമെന്ന് താക്കീത് നൽകിയാണ് സിയാൽ നോട്ടീസ് നൽകിയത്. ഇതിന് പുറമെ വിവിധ സേവനങ്ങൾ നൽകുന്നതിന് സിയാലിന് കുടിശികയായി കോടികൾ സ്പൈസ് ജെറ്റ് നൽകാനുണ്ടെന്നും അധികൃതർ വ്യക്തമാക്കുന്നു.

വിമാനങ്ങൾ റദ്ദാക്കി

വിമാനങ്ങൾ വൈകുന്നതിനൊപ്പം ചില സർവീസുകൾ റദ്ദാക്കുന്നതും യാത്രക്കാരെ വലയ്ക്കുന്നുണ്ട്. ഞായറാഴ്ച (ഓഗസ്റ്റ് 23) രാത്രി 9.20-ന് കൊച്ചിയിലെത്തേണ്ട സ്പൈസ് ജെറ്റിൻ്റെ ദുബൈ വിമാനം രാത്രി 12.25-നാണ് എത്തിയത്. 

ഇതിന് പുറമെ തിങ്കളാഴ്ച (ഓഗസ്റ്റ് 24) രാവിലെ 6.55-ന് കൊച്ചിയിൽ എത്തേണ്ട ഫുജൈറ വിമാനം റദ്ദാക്കി. ഞായറാഴ്ച രാത്രി 11.45-ന് കൊച്ചിയിൽ നിന്ന് പുറപ്പെടേണ്ട ഫുജൈറ വിമാനം ആദ്യം രാത്രി 9.40-ന് പുറപ്പെടുമെന്ന് അറിയിച്ചെങ്കിലും പിന്നീട് സർവീസ് പൂർണമായും റദ്ദാക്കുകയായിരുന്നു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Cochin International Airport Limited (CIAL) issued a strict notice to SpiceJet, warning of slot withdrawal if flight punctuality is not maintained, as continuous delays have plagued services since August 1, 2026, alongside crores of pending arrears.

#Kvartha #CIAL #KochiAirport #SpiceJet #FlightDelay #KeralaNews #MalayalamNews #ErnakulamNews #AviationNews #AmmuNews