ഉപഭോക്താക്കളുടെ അനുമതിയില്ലാതെ സർവീസ് ചാർജ് ഈടാക്കിയ 41 റസ്റ്ററൻ്റുകൾക്ക് സിസിപിഎ നോട്ടീസ്

മുംബൈ: (KVARTHA) അനുമതി കൂടാതെ റസ്റ്ററൻ്റുകളിൽ ഭക്ഷണത്തിന് ബില്ലിനൊപ്പം സേവന ചാർജ് ഈടാക്കിയ സ്ഥാപനങ്ങൾക്ക് കേന്ദ്ര ഉപഭോക്തൃ സംരക്ഷണ അതോറിറ്റിയുടെ (സിസിപിഎ) നോട്ടീസ്. രാജ്യത്തുടനീളം 41 സ്ഥാപനങ്ങൾക്ക് ഇത്തരത്തിൽ നോട്ടീസ് നൽകിയതായാണ് വിവരം. 

ചായോസ്, ഫിയസ്റ്റ ബാർബിക് നേഷൻ, ലോപെറ ഫ്രഞ്ച് ബേക്കറി, ചൈന ഗേറ്റ് റസ്റ്ററൻ്റ്, ഫൂ അഹമ്മദാബാദ് റസ്റ്ററൻ്റ്, പട്നയിലെ കഫെ ബ്ലൂ ബോട്ടിൽ തുടങ്ങിയ പ്രമുഖ സ്ഥാപനങ്ങൾ ഇതിലുൾപ്പെടുന്നു. ഈ സ്ഥാപനങ്ങൾക്കെതിരെയുള്ള നടപടികൾ പുരോഗമിക്കുകയാണ്.

ചായോസിന് പിഴ

നോട്ടീസ് ലഭിച്ച സ്ഥാപനങ്ങളിൽ ചായോസിൻ്റെ നടത്തിപ്പു കമ്പനിയായ സൺഷൈൻ ടീഹൗസ് ലിമിറ്റഡിന് സിസിപിഎ 50,000 രൂപ പിഴ ചുമത്തിയിട്ടുണ്ട്. ഉപഭോക്താക്കളുടെ അനുമതി കൂടാതെ സേവന ചാർജ് ബില്ലിൽ ചേർത്തതിനാണ് നടപടി. ഇതിന് പുറമെ ബില്ലിങ് സോഫ്റ്റ്‌വെയറിൽ മാറ്റം വരുത്താനും കമ്പനിക്ക് കർശന നിർദേശം നൽകിയിട്ടുണ്ട്.

പരാതികൾ എൻസിഎച്ച് വഴി

ദേശീയ ഉപഭോക്തൃ ഹെൽപ്പ്‌ലൈൻ സംവിധാനത്തിലൂടെ ഉപഭോക്താക്കൾ നൽകിയ പരാതിയുടെ അടിസ്ഥാനത്തിലാണ് ഈ നടപടിയെന്ന് കേന്ദ്ര ഉപഭോക്തൃകാര്യ മന്ത്രാലയം വ്യക്തമാക്കി. കൃത്യമായ ബില്ലുൾപ്പെടെയാണ് അധികൃതർക്ക് പരാതി ലഭിച്ചിട്ടുള്ളത്. 2019-ലെ ഉപഭോക്തൃ സംരക്ഷണ നിയമമനുസരിച്ച് ഉപഭോക്താക്കളുടെ അനുമതിയില്ലാതെ ബില്ലിനൊപ്പം സേവന ചാർജ് ഉൾപ്പെടുത്തുന്നത് അധാർമിക നടപടിയായാണ് കണക്കാക്കുന്നതെന്ന് അധികൃതർ ചൂണ്ടിക്കാട്ടി.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ അപ്ഡേറ്റുകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമന്റായി രേഖപ്പെടുത്തുക.

Article Summary: CCPA fines Chaayos and notices 41 restaurants for service fees.

#CCPA #ServiceCharge #ConsumerProtection #RestaurantBill #ChaayosFine #IndiaNews #AmmuNews