ന്യൂഡൽഹി: (KVARTHA) യാത്രയും വിനോദവും ഒന്നിച്ചു കൊണ്ടുവന്ന് ബാങ്ക് ഓഫ് ബറോഡയും ഈസ്‌മൈട്രിപ്പും ചേർന്ന് പുതിയൊരു ഡെബിറ്റ് കാർഡ്' പുറത്തിറക്കി. ഒരു പൊതുമേഖലാ ബാങ്ക് അവതരിപ്പിക്കുന്ന ആദ്യ കോ-ബ്രാൻഡഡ് ട്രാവൽ ഡെബിറ്റ് കാർഡാണിത്. യാത്ര ചെയ്യാൻ ഇഷ്ടപ്പെടുന്നവരും ജീവിതം ആസ്വദിക്കാൻ ആഗ്രഹിക്കുന്നവരുമായ നിങ്ങൾക്കായി പ്രത്യേകം തയ്യാറാക്കിയ ഈ കാർഡ് ഉപയോഗിച്ച് ധാരാളം ആനുകൂല്യങ്ങൾ ലഭിക്കും. 

ഓൺലൈൻ ഷോപ്പിംഗിനും സിനിമകൾ കാണുന്നതിനും ഉപയോഗിക്കാവുന്ന വൗച്ചറുകൾ മുതൽ, നിങ്ങളുടെ പ്രിയപ്പെട്ട സിനിമകളും സീരിസുകളും എപ്പോൾ വേണമെങ്കിലും കാണാനുള്ള സബ്സ്‌ക്രിപ്‌ഷനുകൾ വരെ, ഈ കാർഡ് നിങ്ങളുടെ യാത്രകളെ കൂടുതൽ സുഖകരവും രസകരവുമാക്കും. ഏതു തുകയ്ക്കുള്ള യാത്രയായാലും നിങ്ങൾക്ക് ബുക്ക് ചെയ്യാം. 

ഒരുപാട് ആനുകൂല്യങ്ങൾ 

പ്രത്യേക ദിവസങ്ങളിൽ കിഴിവ് ലഭിക്കുന്നതിന് പകരം വർഷം മുഴുവനും ആനുകൂല്യങ്ങൾ നേടാനുള്ള സൗകര്യം ഇതിൽ ഉപഭോക്താക്കൾക്ക് ലഭിക്കും. ആഭ്യന്തര, അന്തർദേശീയ വിമാന, ഹോട്ടൽ ബുക്കിംഗുകളിൽ 10% മുതൽ 15% വരെ വരെ കിഴിവ് ലഭിക്കും. ബസ് യാത്രകൾക്കും 10% കിഴിവ് ലഭ്യമാണ്.
എയർപോർട്ട് ട്രാൻസ്ഫറുകൾക്കും ഔട്ട്‌സ്റ്റേഷൻ ക്യാബ് ബുക്കിംഗിനും 10% കിഴിവ് ലഭിക്കും.

ഓരോ പാദത്തിലും രണ്ടുതവണ ആഭ്യന്തര എയർപോർട്ട് ലോഞ്ചിലേക്കും എല്ലാ വർഷവും രണ്ടുതവണ അന്താരാഷ്ട്ര ലോഞ്ചിലേക്കും നിങ്ങൾക്ക് സൗജന്യമായി പ്രവേശനം ലഭിക്കും. ഒ ടി ടി പ്ലാറ്റ് ഫോമുകളുടെ   (Amazon Prime, Zee5, Sony LIV) പ്രീമിയം വാർഷിക അംഗത്വം കൂടാതെ 12 മാസത്തേക്കുള്ള ഗാന പ്ലസ് സബ്‌സ്‌ക്രിപ്‌ഷനും നിങ്ങൾക്ക് സൗജന്യമായി ലഭിക്കും.

ബിഗ് ബാസ്‌ക്കറ്റ്, ബ്ലിങ്കിറ്റ്, ഫ്ലിപ്കാർട്ട് തുടങ്ങിയ ഓൺലൈൻ ഷോപ്പുകളിൽ ഉപയോഗിക്കാവുന്ന വൗച്ചറുകൾ, ബുക്ക്‌മൈഷോയിൽ സിനിമ കാണാൻ പോകുമ്പോൾ 250 രൂപ വരെ ലാഭിക്കാനുള്ള അവസരം, സോമാറ്റോയിലും ആമസോണിലും പ്രതിമാസം കിഴിവ്, അഞ്ചുകോടി രൂപ വരെയുള്ള എയർ ഇൻഷുറൻസ് പരിരക്ഷ, 24x7 സഹായ സേവനങ്ങൾ... ഇതെല്ലാം ഈ കാർഡ് വാഗ്ദാനം ചെയ്യുന്നു.

#TravelDebitCard #BankofBaroda #EaseMyTrip #TravelBenefits #Discounts #OTTSubscriptions