EV Cars | 15 ലക്ഷം രൂപയിൽ താഴെ വിലയുള്ള 5 ശക്തമായ ഇലക്ട്രിക് കാറുകൾ; ഒറ്റ ചാർജിൽ 320 കിലോമീറ്റർ വരെ സഞ്ചരിക്കാം!

ടാറ്റ ടിഗോർ ഇവി (Tata Tigor)

ടാറ്റ ടിഗോർ ഇവിയുടെ പ്രാരംഭ വില 12 ലക്ഷം രൂപ മുതലാണ്. പൂർണമായി ചാർജ് ചെയ്താൽ റേഞ്ച് 315 കിലോമീറ്ററാണ്. 26 kwh ബാറ്ററി പായ്ക്കാണ് ഈ കാറിനുള്ളത്. പരമാവധി 55kW (54.2bhp) കരുത്തും 170Nm പീക്ക് ടോർക്കും നൽകുന്നു.

സിട്രോൺ സി 3 (Citroen eC3)

ഹാച്ച്ബാക്ക്, സ്‌മോള്‍ എസ് യു വി. ശ്രേണികളില്‍ ഒരുപോലെ തിളങ്ങാനെത്തിയ സിട്രോണിന്റെ സി3യുടെ അഞ്ച് സീറ്റിന് പ്രാരംഭ വില 11 ലക്ഷം രൂപയാണ്. ഒറ്റത്തവണ ചാർജ് ചെയ്താൽ 320 കിലോമീറ്റർ വരെ സഞ്ചരിക്കാൻ ഈ ഇലക്ട്രിക് കാറിനാവും. ഡി സി ഫാസ്റ്റ് ചാർജർ ഉപയോഗിച്ച്, അതിന്റെ ബാറ്ററി വെറും 57 മിനിറ്റിനുള്ളിൽ 10 മുതൽ 80% വരെ ചാർജ് ചെയ്യാമെന്ന് കമ്പനി പറയുന്നു.

എംജി എയർ ഇ.വി (MG Comet EV)

2.9 മീറ്റർ ഉയരമുള്ള ഇന്ത്യയിലെ ഏറ്റവും ചെറിയ ഇലക്ട്രിക് കാറാണ് എംജി എയർ ഇവി, 10 ലക്ഷം രൂപയാണ് പ്രാരംഭ വില. ഇതിന്റെ റേഞ്ച് 200-300 കിലോമീറ്ററാണ്. വൂലിങ്ങ് എയര്‍ ഇ.വിയെ അടിസ്ഥാനമാക്കി എം.ജി. മോട്ടോഴ്‌സ് ഒരുക്കിയ ഈ കുഞ്ഞന്‍ ഇലക്ട്രിക് വാഹനം ഏപ്രില്‍ 19-നാണ് ഇന്ത്യയില്‍ പ്രദര്‍ശനത്തിനെത്തിയത്.

ടാറ്റ നെക്‌സോൺ ഇവി പ്രൈം (Tata Nexon EV Prime)

14.99 ലക്ഷം രൂപ പ്രാരംഭ വിലയിൽ നിങ്ങൾക്ക് ഈ കാർ വാങ്ങാം. മണിക്കൂറിൽ 0-100 കിലോമീറ്റർ വേഗത കൈവരിക്കുന്നത് 9.9 സെക്കൻഡ് കൊണ്ടാണ്. 60 മിനിറ്റിനുള്ളിൽ 10-80% വരെ ചാർജ് ചെയ്യാനാവും. ഒരിക്കൽ പൂർണമായി ചാർജ് ചെയ്താൽ 312 കിലോമീറ്റർ വരെ സഞ്ചരിക്കാനാകും.

മഹീന്ദ്ര ഇ വെറിറ്റോ (Mahindra E Verito)

9.12 ലക്ഷം രൂപ പ്രാരംഭ വിലയിൽ നിങ്ങൾക്ക് മഹീന്ദ്ര ഇ വെറിറ്റോ വാങ്ങാം. ഡ്രൈവിംഗ് അനുഭവം സവിശേഷമാക്കുന്ന ഹോം ചാർജിംഗ്, ഫാസ്റ്റ് ചാർജിംഗ്, സുരക്ഷ തുടങ്ങിയ ഫീച്ചറുകൾ ഈ കാറിൽ സജ്ജീകരിച്ചിരിക്കുന്നു. 110 കിലോമീറ്ററാണ് ഈ കാറിന്റെ റേഞ്ച്.

Keywords: News, National, New Delhi, Car, EV, Automobile, Vehicle, Lifestyle, 5 powerful EV cars under ₹15 lakh.
< !- START disable copy paste -->