ഇൻഡ്യയിലെ ആമസോൺ പ്രൈം സബ്സ്ക്രിപ്ഷന് നിരക്കുകള്‍ വർധിപ്പിക്കുന്നു; പുതുക്കിയ നിരക്കുകൾ ഉടന്‍ പ്രാബല്യത്തില്‍ വരും
Oct 22, 2021, 17:55 IST
ന്യൂഡെൽഹി: (www.kvartha.com 22.10.2021) ആമസോണ്‍ ഇൻഡ്യയിലെ പ്രൈം മെമ്പർഷിപിന്‍റെ സബ്സ്ക്രിപ്ഷന് നിരക്കുകള്‍ പുതുക്കാന്‍ ഒരുങ്ങുന്നു. പ്രൈം അംഗത്വ സബ്സ്ക്രിപ്ഷന് പ്ലാനുകളുടെ നിരക്ക് 50 ശതമാനം വരെ വര്‍ധിപ്പിക്കുമെന്നാണ് അമേരികന്‍ ടെക് ഭീമന്‍ അറിയിച്ചിരിക്കുന്നത്. വാര്‍ഷിക നിരക്ക് 500 രൂപയാണ് ഉയര്‍ത്തിയിരിക്കുന്നത്. പ്രതിമാസ പ്ലാനുകളുടെയും മൂന്ന് മാസ പ്ലാനുകളുടെയും നിരക്കുകള്‍ ഇതുപോലെ വര്‍ധിപ്പിക്കും. ആമസോണ്‍ ഗ്രേറ്റ് ഇൻഡ്യന്‍ ഫെസ്റ്റ്റിവലിനിടെയാണ് സബ്സ്ക്രിപ്ഷന് നിരക്കുകള്‍ ഉയര്‍ത്തുകയാണെന്ന പ്രഖ്യാപനം വന്നിരിക്കുന്നത്.
ആമസോണ്‍ പ്രൈം മെമ്പർഷിപിന് ഇൻഡ്യയില്‍ നിലവിലുള്ള വാര്‍ഷിക നിരക്ക് 999 രൂപയാണ്. ഇത് 1499 രൂപയാവും. മൂന്ന് മാസത്തെ പ്ലാന്‍ 329ല്‍ നിന്ന് 459 ആക്കി ഉയര്‍ത്തും. പ്രതിമാന പ്ലാനിന് ആമസോണ്‍ നിലവില്‍ ഈടാക്കുന്നത് 129 രൂപയാണ്. അത് 179 രൂപയായവും മാറും. അതേസമയം പുതുക്കിയ നിരക്കുകള്‍ എന്നു മുതലാണ് പ്രാബല്യത്തിൽ വരുന്നതെന്ന് കമ്പനി പുറത്തുവിട്ടിട്ടില്ല. ഉടന്‍ തന്നെ നിരക്കുകള്‍ വര്‍ധിപ്പിക്കുമെന്ന് മാത്രമാണ് അറിയിച്ചിരിക്കുന്നത്.
ഇത് ഉപയോക്താക്കള്‍ക്ക് ആമസോണ്‍ പ്രൈം വീഡിയോയിലേക്കുള്ള ആക്സസും ഇ കൊമേഴ്‌സ് പ്ലാറ്റ്‌ഫോമിലെ ദശലക്ഷക്കണക്കിന് ഇനങ്ങള്‍ക്കുള്ള ഏകദിന ഡെലിവറിയും വര്‍ദ്ധിപ്പിക്കുന്നു. ആമസോണ്‍ പ്രൈം വിഡിയോ, ആമസോണ്‍ മ്യൂസിക്, ആമസോണ്‍ ഓഡിബിള്‍, ആമസോണ്‍ ഷോപിങ് ആപ് ഉപയോഗിക്കുന്നവര്‍ക്ക് സൗജന്യ ഡെലിവറി, എന്നിങ്ങനെയാണ് പ്രൈം മെംബര്‍ഷിപ്പ് നല്‍കുന്ന ആനുകൂല്യങ്ങള്‍. പ്രൈം അംഗങ്ങള്‍ക്ക് ആമസോണ്‍ മ്യൂസിക് ഉപയോഗിച്ച്‌ പരസ്യരഹിതമായി 70 ദശലക്ഷം ഗാനങ്ങളിലേക്കും, പ്രൈം റീഡിംഗിലൂടെ ആയിരക്കണക്കിന് പുസ്തകങ്ങള്‍ തിരഞ്ഞെടുക്കാനും കഴിയും.
അഞ്ച് വര്‍ഷം മുന്‍പാണ് പ്രൈം മെമ്ബര്‍ഷിപ് ആമസോണ്‍ ഇൻഡ്യയില്‍ അവതരിപ്പിച്ചത്. നിലവില്‍ ഒ ടി ടി മേഖലയില്‍ ഇൻഡ്യയിലെ ശക്തമായ സാന്നിധ്യമാണ് പ്രൈം വീഡിയോ. ചലചിത്രങ്ങളുടെ ഡയറക്റ്റ് ഒ ടി ടി റിലീസുകളിലൂടെ മലയാളം അടക്കമുള്ള ഇൻഡ്യന്‍ പ്രാദേശിയ ഭാഷകളിലേക്കും ആമസോണ്‍ പ്രൈം വീഡിയോ ശക്തമായി കടന്നുചെന്നിട്ടുണ്ട്. മറ്റേത് ഒ ടി ടി പ്ലാറ്റ്ഫോമുകളിലുള്ളതിനേക്കാളും കൂടുതല്‍ ഇൻഡ്യന്‍ ഉള്ളടക്കങ്ങള്‍ സ്ട്രീം ചെയ്യുന്നതിനാല്‍ ആമസോണ്‍ പ്രൈം വിഡിയോക്ക് രാജ്യത്ത് കോടിക്കണക്കിന് വരിക്കാരാണുള്ളത്.
Keywords: India, National, News, Social Media, Top-Headlines, Film, Amazon Prome, Fare, Subsciption, Amazon Prime Subscription in India to Be Hiked Soon.
< !- START disable copy paste -->
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
