Cop suspended | സുഹൃത്തിന്റെ വീട്ടില് നിന്നും സ്വര്ണാഭരണങ്ങള് മോഷ്ടിച്ചെന്ന കേസിലെ പ്രതിയായ പൊലീസുകാരന് സസ്പെന്ഷന്
Oct 26, 2022, 13:27 IST
ADVERTISEMENT
കൊച്ചി: (www.kvartha.com) എറണാകുളം ഞാറക്കലില് സുഹൃത്തിന്റെ വീട്ടില് നിന്നും സ്വര്ണാഭരണങ്ങള് മോഷ്ടിച്ചെന്ന കേസിലെ പ്രതിയായ പൊലീസുകാരന് സസ്പെന്ഷന്. കൊച്ചി എ ആര് ക്യാംപിലെ പൊലീസ് ഉദ്യോഗസ്ഥനായ അമല്ദേവിനെയാണ് എറണാകുളം ഡി സി പി സസ്പെന്ഡ് ചെയ്തത്.
സുഹൃത്തിന്റെ വീട്ടില്നിന്ന് പത്ത് പവന് സ്വര്ണാഭരണങ്ങള് മോഷ്ടിച്ചെന്ന കേസില് അറസ്റ്റിലായ അമല്ദേവ് ഇപ്പോള് റിമാന്ഡിലാണ്. ഇയാള്ക്കെതിരെ നേരത്തെയും അച്ചടക്ക നടപടി എടുത്തിരുന്നു. ഞാറക്കല് സ്വദേശി നടേശന്റെ വീട്ടില് നിന്ന് മകന്റെ ഭാര്യയുടെ സ്വര്ണമാണ് അമല്ദേവ് മോഷ്ടിച്ചത്.
ഇതുസംബന്ധിച്ച നടേശന് പരാതി നല്കിയതിനെ തുടര്ന്നാണ് അമല്ദേവിനെ അറസ്റ്റ് ചെയ്തത്. സ്വര്ണം ഇദ്ദേഹത്തില് നിന്ന് കണ്ടെടുത്തിരുന്നു. നടേന്റെ മകന്റെ സുഹൃത്താണ് അമല്ദേവ്.
Keywords: Cop suspended for stealing gold from friend's house, Kochi, News, Robbery, Gold, Police, Suspension, Remanded, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
