ന്യൂഡൽഹി: (KVARTHA) സ്കൂളിൽ അഡ്മിഷൻ മുതൽ വീടോ സ്വത്ത് വാങ്ങുന്നതുവരെ എല്ലായിടത്തും ആധാർ കാർഡ് ഉപയോഗിക്കുന്നു. ഹോട്ടലിൽ മുറി ബുക്ക് ചെയ്യുന്നതുപോലുള്ള കാര്യങ്ങൾക്കും ആധാർ ആവശ്യമാണ്.
യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) യാണ് ആധാർ കാർഡ് നൽകുന്നത്. ഇത് അപ്ഡേറ്റ് ചെയ്തുകൊണ്ടിരിക്കുന്നത് വളരെ പ്രധാനമാണ്, പ്രത്യേകിച്ച്  മൊബൈൽ ഫോൺ നമ്പർ. 

ആധാർ കാർഡിന് അപേക്ഷിക്കുമ്പോൾ, മൊബൈൽ നമ്പർ രജിസ്റ്റർ ചെയ്യുന്നു. എന്നാൽ  മൊബൈൽ നമ്പർ മാറിയിട്ടുണ്ടെങ്കിൽ, അത് ആധാർ കാർഡിൽ അപ്ഡേറ്റ് ചെയ്യേണ്ടത് ആവശ്യമാണ്, അതുവഴെ ഒ ടി പി പോലുള്ള സേവനങ്ങൾ പ്രയോജനപ്പെടുത്താം.

ഒരാൾക്ക് ഒന്നിൽ കൂടുതൽ മൊബൈൽ നമ്പറുകൾ ഉണ്ടായിരിക്കുകയും ഏത് നമ്പർ ആധാറുമായി ബന്ധിപ്പിച്ചിട്ടുണ്ടെന്ന് അവർക്ക് ഓർമ്മയില്ലാത്തതും പലപ്പോഴും സംഭവിക്കുന്നു. ഇത് അറിയേണ്ടത് വളരെ പ്രധാനമാണ്, കാരണം നിരവധി സർക്കാർ, സ്വകാര്യ സേവനങ്ങൾക്ക് ഒ ടി പി ആവശ്യമാണ്, ഒ ടി പി ആധാറുമായി ബന്ധിപ്പിച്ച മൊബൈൽ നമ്പറിലേക്ക് മാത്രമേ അയയ്ക്കുകയുള്ളൂ.

ഏത് മൊബൈൽ ഫോൺ നമ്പറാണ് നിങ്ങളുടെ ആധാറുമായി ബേബിധിപ്പിച്ചിരിക്കുന്നതെന്ന് മറന്നുപോയിട്ടുണ്ടെങ്കിൽ, പരിഭ്രാന്തപ്പെടേണ്ടതില്ല. യുഐഡിഎഐ ഇത് അറിയാൻ ഒരു എളുപ്പ വഴി നൽകിയിട്ടുണ്ട്. വീട്ടിൽ ഇരുന്ന് നിമിഷങ്ങൾക്കുള്ളിൽ ഈ ജോലി ചെയ്യാൻ കഴിയും.

എങ്ങനെ പരിശോധിക്കാം?

● യുഐഡിഎഐ യുടെ ഔദ്യോഗിക വെബ്സൈറ്റ് https://uidai(dot)gov(dot)in/ എന്നതിലേക്ക് പോകുക.
● My Aadhaar വിഭാഗത്തിൽ ക്ലിക്ക് ചെയ്യുക.
● Aadhaar Service ഓപ്ഷനിലേക്ക് പോകുക. ഇതിൽ Verify an Aadhaar Number ക്ലിക്കുചെയ്യുക. നിങ്ങളുടെ 12 അക്ക ആധാർ നമ്പർ നൽകുക.
● ക്യാപ്ചാ കോഡ് ശരിയായി നൽകുക. തുടർന്ന് Proceed ക്ലിക്ക് ചെയ്യുക.
● ആധാറുമായി ബന്ധിപ്പിച്ചിട്ടുള്ള നിങ്ങളുടെ മൊബൈൽ നമ്പറിന്റെ അവസാനത്തെ മൂന്ന് നമ്പറുകൾ ദൃശ്യമാകും. മൊബൈൽ നമ്പർ ലിങ്ക് ചെയ്തിട്ടില്ലെങ്കിൽ, ഇവിടെ നമ്പറുകൾ ദൃശ്യമാകില്ല.

ശ്രദ്ധിക്കേണ്ട കാര്യങ്ങൾ

● ആധാർ കാർഡ് സുരക്ഷിതമായി സൂക്ഷിക്കുക.
● ആധാർ കാർഡ് നമ്പർ മറ്റുള്ളവരുമായി പങ്കിടരുത്.
● മൊബൈൽ നമ്പർ പതിവായി അപ്ഡേറ്റ് ചെയ്യുക.
● ഏതെങ്കിലും പ്രശ്നം ഉണ്ടെങ്കിൽ യുഐഡിഎഐ യുടെ ഹെൽപ്പ് ലൈൻ നമ്പറിൽ ബന്ധപ്പെടുക.

#Aadhaar #UIDAI #mobileverification #onlineservices #India