Follow KVARTHA on Google news Follow Us!
ad

Arrested | പാർകിലെ നീന്തൽക്കുളത്തിൽ യുവതിയോട് മോശമായി പെരുമാറിയെന്ന് പരാതി; പ്രൊഫസര്‍ അറസ്റ്റിൽ

പറശിനിക്കടവ് വിസ്മയ പാര്‍കിലാണ് കേസിനാസ്പദമായ സംഭവം Crime, Kannur, Malayalam News, Kerala News
കണ്ണൂര്‍: (KVARTHA) പാര്‍കിലെ നീന്തൽക്കുളത്തിൽ 22 വയസുകാരിയായ യുവതിയോട് മോശമായി പെരുമാറിയെന്ന പരാതിയിൽ കാസർകോട് പെരിയ കേന്ദ്ര സര്‍വകലാശാല ഇംഗ്ലീഷ് വിഭാഗം പ്രൊഫസര്‍ അറസ്റ്റില്‍. പഴയങ്ങാടി പൊലീസ് സ്റ്റേഷൻ പരിധിയിലെ ബി ഇഫ്തിഖാർ അഹ്‌മദ്‌ (51) ആണ് അറസ്റ്റിലായത്. തിങ്കളാഴ്ച വൈകുന്നേരം മൂന്നോടെ പറശിനിക്കടവ് വിസ്മയ പാര്‍കിലാണ് കേസിനാസ്പദമായ സംഭവം നടന്നത്.
  
Man arrested for misbehaving with woman

പ്രൊഫസർ കുടുംബസമേതമാണ് വിസ്മയ പാര്‍കില്‍ ഉല്ലാസത്തിനെത്തിയത്. പരാതിക്കാരിയായ മലപ്പുറം സ്വദേശിനിയും കുടുംബസമേതമാണ് വന്നത്. വേവ്പൂളില്‍ വെച്ച് ഇഫ്തിഖാർ അഹ്‌മദ്‌ യുവതിയെ കയറിപ്പിടിക്കുകയായിരുന്നുവെന്നാണ് പരാതി.

ഇവര്‍ ബഹളം വെച്ചതോടെ പാര്‍ക് അധികൃതര്‍ പൊലീസിനെ വിവരം അറിയിച്ചു. സ്ത്രീകള്‍ക്കെതിരെയുള്ള അതിക്രമം തടയല്‍ നിയമപ്രകാരമാണ് പരിയാരം പൊലീസ് ഇയാള്‍ക്കെതിരെ കേസെടുത്തത്. കോടതിയില്‍ ഹാജരാക്കിയ ഇയാളെ രണ്ടാഴ്ചത്തേക്ക് റിമാന്‍ഡ് ചെയ്തു.

Keywords: Crime, Kannur, Malayalam News, Kerala News, Arrested, Vismaya Park, Swimming Pool, Kasaragod, Periye, Central University, English, Pazhayangadi, Police, Case, Parassinikadavu, Court, Remanded, Man arrested for misbehaving with woman.

Post a Comment