Gold Price | അക്ഷയതൃതീയ ദിനത്തില്‍ 2 തവണ വര്‍ധനവ് രേഖപ്പെടുത്തി കുതിപ്പുമായി സ്വര്‍ണവില; പവന് 680 രൂപ കൂടി

കൊച്ചി: (KVARTHA) സംസ്ഥാനത്ത് തുടര്‍ച്ചയായ രണ്ട് ദിവസം ഇടിവ് രേഖപ്പെടുത്തിയ സ്വര്‍ണവിലയില്‍ വര്‍ധനവ്. അക്ഷയതൃതീയ ദിനമായ വെള്ളിയാഴ്ച (10.05.2024) രാവിലെ തന്നെ രണ്ട് തവണത്തെ വര്‍ധനവുമായി സ്വര്‍ണവില കുതിക്കുകയാണ്. 22 ഗ്രാം സ്വര്‍ണത്തിന് 680 രൂപയും 18 ഗ്രാം സ്വര്‍ണത്തിന് 520 രൂപയുമാണ് വര്‍ധിച്ചത്.

അക്ഷയതൃതീയ ആയതിനാല്‍, രാവിലെ 7.30ന് സ്വര്‍ണ വ്യാപാരശാലകള്‍ തുറന്നതിനാല്‍ ആ സമയം ലഭിച്ചിരുന്ന വിലനിലവാരം അനുസരിച്ച് 45 രൂപ ഗ്രാമിന് വര്‍ധിച്ച് 6660 രൂപയും പവന് 360 വര്‍ധിച്ച് 53,280 രൂപയുമായി വ്യാപാരം ആരംഭിക്കുകയായിരുന്നു.

രാവിലെ 9.30 ന് മുമ്പ് റിസര്‍വ് ബാങ്ക് രൂപയുടെ വില നിലവാരവും, 24 കാരറ്റ് വിലയും മുംബൈ ലഭിച്ചിരുന്ന വിപണി വില നിലവാരവും എല്ലാം ചേര്‍ത്തപ്പോള്‍ 40 രൂപയുടെ വര്‍ധനവ് വീണ്ടും കൂടിയതായി ഗ്രാമില്‍ അനുഭവപ്പെട്ടു. അതനുസരിച്ച് ഗ്രാമിന് 6700 രൂപയും പവന് 53600 രൂപയുമായി. അന്താരാഷ്ട്ര സ്വര്‍ണവില 2352 ഡോളറിലും, രൂപയുടെ വിനിമയ നിരക്ക് 83.49 ലുമാണ്.

രാവിലെ (9.28am) രണ്ടാമത് ഒരു ഗ്രാം 22 കാരറ്റ് സ്വര്‍ണത്തിന് 40 രൂപയും പവന് 320 രൂപയുമാണ് കൂടിയത്. ഒരു ഗ്രാം 22 കാരറ്റ് സ്വര്‍ണത്തിന് 6700 രൂപയിലും പവന് 53600 രൂപയിലുമാണ് വ്യാപാരം നടക്കുന്നത്. ഒരു ഗ്രാം 18 കാരറ്റ് സ്വര്‍ണത്തിന് 30 രൂപയുടെയും പവന് 240 രൂപയുടെയും വര്‍ധനവ് രേഖപ്പെടുത്തി. ഒരു ഗ്രാം 18 കാരറ്റ് സ്വര്‍ണത്തിന് 5575 രൂപയിലും പവന് 44600 രൂപയിലുമാണ് വ്യാപാരം പുരോഗമിക്കുന്നത്.

വെള്ളിയാഴ്ച രാവിലെ രണ്ടാമത് വെള്ളി വിലയിലും വര്‍ധനവ് രേഖപ്പെടുത്തി. ഒരു ഗ്രാം സാധാരണ വെള്ളിക്ക് 88 രൂപയില്‍നിന്ന് 02 രൂപ വര്‍ധിച്ച് 90 രൂപയാണ് വിപണി വില. അതേസമയം, ഹാള്‍മാര്‍ക് വെള്ളിയുടെ വില രേഖപ്പെടുത്തിയിട്ടില്ല.

രാവിലെ (7am) ആദ്യം ഒരു ഗ്രാം 22 കാരറ്റ് സ്വര്‍ണത്തിന് 45 രൂപയും പവന് 360 രൂപയുമാണ് കൂടിയത്. ഒരു ഗ്രാം 22 കാരറ്റ് സ്വര്‍ണത്തിന് 6660 രൂപയിലും പവന് 53280 രൂപയിലുമാണ് വ്യാപാരം നടന്നത്. ഒരു ഗ്രാം 18 കാരറ്റ് സ്വര്‍ണത്തിന് 35 രൂപയും പവന് 280 രൂപയും വര്‍ധിച്ചിരുന്നു. ഒരു ഗ്രാം 18 കാരറ്റ് സ്വര്‍ണത്തിന് 5545 രൂപയിലും പവന് 44360 രൂപയിലുമാണ് വ്യാപാരം പുരോഗമിച്ചത്. അതേസമയം, വെള്ളിയാഴ്ച രാവിലെ ആദ്യം വെള്ളി വിലയില്‍ മാറ്റമില്ലായിരുന്നു. ഒരു ഗ്രാം സാധാരണ വെള്ളിക്ക് 88 രൂപയായിരുന്നു വിപണി വില.

വ്യാഴാഴ്ച (09.05.2024) ഒരു ഗ്രാം 22 കാരറ്റ് സ്വര്‍ണത്തിന് 10 രൂപയും പവന് 80 രൂപയുമാണ് കുറഞ്ഞത്. ഒരു ഗ്രാം 22 കാരറ്റ് സ്വര്‍ണത്തിന് 6615 രൂപയിലും പവന് 52920 രൂപയിലുമാണ് വ്യാപാരം നടന്നത്. ഒരു ഗ്രാം 18 കാരറ്റ് സ്വര്‍ണത്തിന് 05 രൂപയുടെയും പവന് 40 രൂപയുടെയും ഇടിവ് രേഖപ്പെടുത്തിയിരുന്നു. ഒരു ഗ്രാം 18 കാരറ്റ് സ്വര്‍ണത്തിന് 5510 രൂപയിലും പവന് 44080 രൂപയിലുമാണ് വ്യാപാരം പുരോഗമിച്ചത്. അതേസമയം, വ്യാഴാഴ്ച വെള്ളി വിലയില്‍ മാറ്റമില്ലായിരുന്നു. ഒരു ഗ്രാം സാധാരണ വെള്ളിക്ക് 88 രൂപയായിരുന്നു വിപണി വില.

Keywords: News, Malayalam News, Akshaya Tritiya, Gold Price, Gold Price Today, Silver Price, Gold News, Silver News, Gold Price May 10 Kerala.