Expat Died | ഒമാനില്‍ വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ മലയാളി യുവാവിന് ദാരുണാന്ത്യം

മസ്ഖത്: (KVARTHA) ഒമാനില്‍ വാഹനാപകടത്തില്‍ മലയാളി യുവാവിന് ദാരുണാന്ത്യം. വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ മലപ്പുറം കൊണ്ടോട്ടി മുതുപറമ്പ് സ്വദേശിയായ പാലത്തുകുഴിയില്‍ മലയില്‍ ഹൗസില്‍ റഫീഖ് (37) ആണ് മരിച്ചത്.

സുഹൂല്‍ ഫൈഹ കംപനിയിലെ ജീവനക്കാരനായിരുന്നു. പിതാവ്: മുഹമ്മദ്. മാതാവ്: അലീമ. ഭാര്യ: ശഹാന: അഞ്ചും ഒന്നരയും വയസുള്ള രണ്ട് മക്കളുണ്ട്. മിസ്ഫ ജിഫ്നൈനില്‍ ശനിയാഴ്ച ഉച്ച കഴിഞ്ഞ് ട്രകുകള്‍ കൂട്ടിയിടിച്ചാണ് അപകടം ഉണ്ടായത്.

11 വര്‍ഷത്തോളമായി സുഹൂല്‍ ഫൈഹ കംപനിയിലുണ്ടായിരുന്ന റഫീഖ് മവേല മാര്‍കറ്റില്‍ ഡെലിവറി സൂപര്‍ വൈസറായായിരുന്നു ജോലി ചെയ്തിരുന്നത്. അപകട സമയത്ത് റഫീഖിനൊപ്പമുണ്ടായിരുന്ന ഒമാനി ഡ്രൈവര്‍ നിസ്സാര പരുക്കുകളോടെ രക്ഷപ്പെട്ടു.

Keywords: News, Gulf, Gulf-News, Accident-News, Oman News, Malayali, Expatriate, Died, Road Accident, Accidental Death, Injured, Oman: Malayali expatriate died in road accident.