Criticized | തിരഞ്ഞെടുപ്പ് ചട്ടം ലംഘിച്ചുള്ള സെനറ്റ് നിയമനം റദ്ദാക്കണമെന്ന് പി കെ ശ്രീമതി

 
ഇത്തരം നിയമനങ്ങള്‍ തീര്‍ത്തും തിരഞ്ഞെടുപ്പ് ചട്ടലംഘനമായി കണക്കാക്കേണ്ടതാണ്. തിരഞ്ഞെടുപ്പ് കമീഷനോട് അനുവാദം ചോദിച്ച് ചില ഇളവുകള്‍ വാങ്ങാറുണ്ടെങ്കിലും ഇത്തരം നിയമനങ്ങള്‍ക്ക് ഇളവ് ലഭിക്കില്ല. മാത്രമല്ല, തിരഞ്ഞെടുപ്പ് കമീഷന്റെ മുന്‍കൂര്‍ അനുവാദം വാങ്ങിയില്ല എന്നാണ് മനസിലാക്കുന്നതെന്നും പി കെ ശ്രീമതി പറഞ്ഞു.

കഴിഞ്ഞ തവണ 10 മണ്ഡലങ്ങളില്‍ മത്സരിച്ച എസ് ഡി പി ഐ ഇത്തവണ യുഡിഎഫിന് വോട് ചെയ്യുമെന്ന് പ്രഖ്യാപിച്ചു. ആറ്റിങ്ങല്‍ മണ്ഡലത്തില്‍ കഴിഞ്ഞ തിരഞ്ഞെടുപ്പില്‍ ബിജെപി അടൂര്‍ പ്രകാശിന് വോട് മറിച്ചെന്ന് കോണ്‍ഗ്രസ് നേതാവ് തുറന്ന് പറഞ്ഞിരിക്കുകയാണ്. രാജ്യത്ത് അത്യന്തം അപകടകാരികളായ ആര്‍ എസ് എസുമായും നിരോധിത സംഘടനായ പി എഫ് ഐയുടെ രാഷ്ട്രീയ രൂപമായ എസ് ഡി പി ഐയുമായും കേരളത്തിലെ കോണ്‍ഗ്രസ് ഒരേ സമയം ചങ്ങാത്തമുണ്ടാക്കുകയാണ്.

വര്‍ഗീയതയ്ക്കെതിരെ പോരാടുമെന്ന് പറയുന്ന വയനാട് സ്ഥാനാര്‍ഥി കൂടിയായ രാഹുല്‍ ഗാന്ധി ഇത് സംബന്ധിച്ച് വ്യക്തമാക്കണമെന്നും പി കെ ശ്രീമതി ആവശ്യപ്പെട്ടു. എല്‍ഡിഎഫ് കണ്ണൂര്‍ പാര്‍ലമെന്റ് മണ്ഡലം തിരഞ്ഞെടുപ്പ് കമിറ്റി സെക്രടറി എന്‍ ചന്ദ്രനും വാര്‍ത്താസമ്മേളനത്തില്‍ പങ്കെടുത്തു.