പ്രൊഫഷണലുകളുടെ നെറ്റ്‌വർക്കിംഗ് പ്ലാറ്റ്‌ഫോം എന്ന നിലയിൽ പ്രശസ്തമായ ലിങ്ക്ഡിൻ വിദേശ ജോലി അന്വേഷിക്കാനും മികച്ചതാണ്. നിങ്ങളുടെ കഴിവുകളും അനുഭവവും വ്യക്തമാക്കുന്ന മികച്ച പ്രൊഫൈൽ തയ്യാറാക്കുക. കമ്പനികളും റിക്രൂട്ടർമാരും നിങ്ങളെ കണ്ടെത്താനും നല്ല ജോലികൾക്കായി അപേക്ഷിക്കാനും ഇത് സഹായിക്കും.
ഇൻഡീഡ് (Indeed):
ലോകമെമ്പാടുമുള്ള തൊഴിൽ അവസരങ്ങൾ നിങ്ങൾക്ക് മുന്നിൽ തുറന്ന് നൽകുന്ന ഇൻഡീഡ് മറ്റൊരു മികച്ച ഓപ്ഷനാണ്. നിങ്ങളുടെ താൽപ്പര്യങ്ങൾക്കനുസൃതമായി തിരഞ്ഞെടുക്കാനും വിദേശ രാജ്യങ്ങളിലെ ജോലികൾ കണ്ടെത്താനും നിങ്ങൾക്ക് ഇത് ഉപയോഗിക്കാം.
വൈ ആക്സിസ് (Y-Axis):
വിദേശ ജോലി തേടുന്നവർക്കായി പ്രത്യേകം രൂപകൽപ്പന ചെയ്ത പ്ലാറ്റ്‌ഫോമാണ് വൈ ആക്സിസ്. വിവിധ രാജ്യങ്ങളിലെ തൊഴിൽ അവസരങ്ങൾ, വിസ നടപടിക്രമങ്ങളെക്കുറിച്ചുള്ള വിവരങ്ങൾ, കരിയർ ഗൈഡൻസ് എന്നിവ വൈ ആക്സിസ് നൽകുന്നു.
ജോബ് ബാങ്ക് (Jobbank):
കാനഡയിലെ ഔദ്യോഗിക ജോബ് പോർട്ടലാണ് ജോബ് ബാങ്ക്. കാനഡയിൽ ജോലി ചെയ്യാൻ ആഗ്രഹിക്കുന്ന ഇന്ത്യക്കാർക്ക് ഇത് ഉപയോഗപ്രദമാണ്. വിവിധ മേഖലകളിലെ ജോലികൾ ഇവിടെ കാണാം.
യൂറോപ്പ.ഇയു (Europa.eu):
യൂറോപ്യൻ യൂണിയൻ രാജ്യങ്ങളിലെ തെഴിൽ അവസരങ്ങൾ ഇവിടെ കണ്ടെത്താം. യൂറോപ്യൻ യൂണിയൻ അംഗരാജ്യങ്ങൾ: ഓസ്ട്രിയ, ബെൽജിയം, ബൾഗേറിയ, ക്രൊയേഷ്യ, സൈപ്രസ്, ചെക്ക് റിപ്പബ്ലിക്, ഡെന്മാർക്ക്, എസ്റ്റോണിയ, ഫിൻലാൻഡ്, ഫ്രാൻസ്, ജർമ്മനി, ഗ്രീസ്, ഹംഗറി, അയർലൻഡ്, ഇറ്റലി, ലാത്‌വിയ , ലിത്വാനിയ, ലക്സംബർഗ്, മാൾട്ട, നെതർലാൻഡ്സ്, പോളണ്ട്, പോർച്ചുഗൽ, റൊമാനിയ, സ്ലൊവാക് റിപ്പബ്ലിക്, സ്ലൊവേനിയ, സ്പെയിൻ, സ്വീഡൻ.
ഇക്കാര്യങ്ങൾ ശ്രദ്ധിക്കുക
* മികച്ച ബയോഡാറ്റ: ആകർഷകവും കൃത്യമായ രീതിയിലുള്ളതും ആയ ബയോഡാറ്റ സൃഷ്ടിക്കുക. നിങ്ങളുടെ കഴിവുകളും അനുഭവങ്ങളും വിദേശ റിക്രൂട്ടർമാരെ ആകർഷിക്കുന്ന രീതിയിൽ എടുത്തുകാണിക്കുക.
* കവർ ലെറ്റർ: ഓരോ ജോലി അപേക്ഷയ്ക്കും പ്രത്യേകമായി രൂപകൽപ്പന ചെയ്ത കവർ ലെറ്റർ സഹിതം നിങ്ങളുടെ സിവി സമർപ്പിക്കുക. കമ്പനിയെയും നിങ്ങളുടെ യോഗ്യതകളെയും കുറിച്ച് കുറച്ച് പരാമർശിക്കുകയും എന്തുകൊണ്ടാണ് നിങ്ങൾ അനുയോജ്യനായ ഉദ്യോഗാർഥിയാണെന്ന് വിശദീകരിക്കുകയും ചെയ്യുക.
* ലിങ്ക്ഡിൻ പ്രൊഫൈൽ മികച്ചതാക്കുക: നിങ്ങളുടെ ലിങ്ക്ഡിൻ പ്രൊഫൈൽ അപ്ഡേറ്റ് ചെയ്ത് മികച്ചതാക്കുക. നിങ്ങളുടെ കഴിവുകളും അനുഭവങ്ങളും എടുത്തുകാണിക്കുന്ന കീവേഡുകൾ ഉപയോഗിക്കുക. വിദേശ കമ്പനികളിൽ നിന്നുള്ള റിക്രൂട്ടർമാർ നിങ്ങളെ കണ്ടെത്താൻ ഇത് സഹായിക്കും.
* വിസ നിയമങ്ങൾ മനസിലാക്കുക: നിങ്ങൾ ലക്ഷ്യമിടുന്ന രാജ്യത്തേക്കുള്ള വിസാ നടപടിക്രമങ്ങൾ മനസിലാക്കുക. ചില രാജ്യങ്ങൾക്ക് പ്രത്യേക കഴിവുകൾ ആവശ്യമെങ്കിൽ മറ്റുള്ളവർക്ക് വിദ്യാഭ്യാസ യോഗ്യത ആവശ്യമയിരിക്കും. https://www(dot)mea(dot)gov.(dot)n/passport-services(dot)html എന്ന ഇന്ത്യൻ വിദേശകാര്യ മന്ത്രാലയത്തിന്റെ വെബ്സൈറ്റിൽ വിവിധ രാജ്യങ്ങളിലേക്കുള്ള വിസ നടപടിക്രമങ്ങളെക്കുറിച്ചുള്ള വിവരങ്ങൾ ലഭ്യമാണ്.
Keywords: News, National, New Delhi, Job Portals, Recruitment, Foreign Jobs, Linked In, Education, Qualification, Visa, Best job portals for Indians seeking foreign jobs.
< !- START disable copy paste -->