എല്ലാ വർഷവും ഈ ആഘോഷ ദിനത്തിന്റെ തീയതി മാറി വരുന്നത് എന്തുകൊണ്ടാണെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ? ഗ്രിഗോറിയന്‍ കലണ്ടര്‍ പ്രകാരം ഈസ്റ്റര്‍ മാര്‍ച്ച് 22 നും ഏപ്രില്‍ 25നും ഇടയിൽ മാറിക്കൊണ്ടിരിക്കും. ജൂലിയന്‍ കലണ്ടര്‍ അനുസരിച്ച് ഈസ്റ്റര്‍ ഏപ്രില്‍ എട്ടിനും മെയ് എട്ടിനും ഇടയിലാണ് കൊണ്ടാടുന്നത്. മിക്ക ക്രിസ്ത്യൻ ആഘോഷങ്ങളിൽ നിന്നും വ്യത്യസ്തമായി, ഈസ്റ്റർ തീയതി ചന്ദ്രനെയും ചാന്ദ്ര ചക്രങ്ങളെയും ആശ്രയിച്ചിരിക്കുന്നു.
ക്രിസ്തുവിൻ്റെ മരണവും പുനരുത്ഥാനവും യഹൂദരുടെ പെസഹാ പെരുന്നാളിന് ശേഷമാണ് സംഭവിച്ചതെന്ന് ക്രിസ്ത്യാനികൾ വിശ്വസിക്കുന്നു, കാരണം അവസാനത്തെ അത്താഴം ഒരു പെസഹാ വിരുന്നായിരുന്നു. അതുകൊണ്ട് ആദ്യകാല ക്രിസ്ത്യാനികൾ പെസഹാ തീയതിക്ക് അനുസൃതമായി ഈസ്റ്റർ ആഘോഷങ്ങൾ ക്രമീകരിച്ചിരുന്നു. ജൂത കലണ്ടർ സൂര്യൻ്റെയും ചന്ദ്രൻ്റെയും ചക്രങ്ങളെ അടിസ്ഥാനമാക്കിയുള്ളതാണ്. അതിനാലാണ് ഈസ്റ്ററിൻ്റെ തീയതി വർഷം തോറും മാറുന്നത്. എന്നിരുന്നാലും, ക്രിസ്തുമതത്തിൻ്റെ എല്ലാ ശാഖകളും ഗ്രിഗോറിയൻ കലണ്ടർ പിന്തുടരുന്നില്ല
തുടക്കത്തിൽ, വസന്തകാലത്തിനു ശേഷമുള്ള ആദ്യത്തെ പൗർണമിക്ക് ശേഷമുള്ള ഞായറാഴ്ചയാണ് ഈസ്റ്റർ ആഘോഷിച്ചത്. അതിൻ്റെ തീയതി എല്ലാ വർഷവും മാറുന്നു. യേശു മരിക്കുമ്പോൾ പൂർണചന്ദ്രൻ ഉണ്ടായിരുന്നുവെന്നാണ് വിശ്വാസം. എന്നാൽ പൂർണചന്ദ്രൻ പ്രത്യക്ഷപ്പെടുന്നത് ഓരോ സമയ മേഖലയിലും മാറിക്കൊണ്ടിരിക്കും, അതിനാൽ പൗർണമിയുടെ 14-ാം ദിവസത്തിന് ശേഷം വരുന്ന ഞായറാഴ്ച ഈസ്റ്റർ ആയി ആഘോഷിക്കാൻ തീരുമാനിക്കുകയായിരുന്നു.
അതിനാൽ, ഈസ്റ്റർ തീയതി തീരുമാനിക്കുന്നതിന്, ആദ്യം ചന്ദ്രൻ്റെ സ്ഥാനം നിരീക്ഷിക്കുന്നു. മാർച്ച് 21-നോ അതിനു ശേഷമോ സംഭവിക്കുന്ന പൂർണ ചന്ദ്രനെ പാസ്കൽ പൗർണമി എന്ന് വിളിക്കുന്നു. പൂർണ ചന്ദ്രൻ പ്രത്യക്ഷപ്പെട്ടതിന് ശേഷമുള്ള ആദ്യത്തെ ഞായറാഴ്ചയാണ് ഈസ്റ്റർ വരിക. ഈ വർഷം മാർച്ച് 25 നാണ് പാസ്കൽ പൂർണ ചന്ദ്രൻ പ്രത്യക്ഷപ്പെട്ടത്. അതിനാൽ മാർച്ച് 31ന് ഈസ്റ്റർ ആഘോഷിക്കും. അടുത്ത തവണ മാർച്ച് 31ന് ഈസ്റ്റർ വരുന്നത് 2086ൽ ആയിരിക്കും.
അടുത്ത 10 ഈസ്റ്റർ തീയതികൾ:
2025: ഏപ്രിൽ 20
2026: ഏപ്രിൽ 5
2027: മാർച്ച് 28
2028: ഏപ്രിൽ 16
2029: ഏപ്രിൽ 1
2030: ഏപ്രിൽ 21
2031: ഏപ്രിൽ 13
2032: മാർച്ച് 28
2033: ഏപ്രിൽ 17
2034: ഏപ്രിൽ 9
Keywords: News, News-Malayalam-News, National, National-News, Easter, New Delhi, Christian, Good Friday, Why does Easter change every year?.
< !- START disable copy paste -->