Criticized | ജോര്‍ജിന്റെ സ്വഭാവം എല്ലാവര്‍ക്കുമറിയാം, നിയന്ത്രിക്കണമെന്ന അഭിപ്രായമുണ്ട്; നിവൃത്തികേട് കൊണ്ടാണ് പ്രതികരിക്കേണ്ടിവന്നതെന്നും തുഷാര്‍ വെള്ളാപ്പള്ളി

ജോര്‍ജിന്റെ സ്വഭാവം കേരളത്തില്‍ എല്ലാവര്‍ക്കുമറിയാം. എന്നാല്‍ അദ്ദേഹം സ്വയം തിരുത്തുമെന്ന് പ്രതീക്ഷയില്ല. പി സി ജോര്‍ജിനെ നിയന്ത്രിക്കണമെന്ന അഭിപ്രായമുണ്ട്. നിവൃത്തികെട്ടതുകൊണ്ടാണ് തനിക്ക് പ്രതികരിക്കേണ്ടിവന്നതെന്നും തുഷാര്‍ പറഞ്ഞു. പത്തനംതിട്ട വിജയ സാധ്യതയുള്ള മണ്ഡലമാണെന്ന് പറഞ്ഞ തുഷാര്‍ അനില്‍ ആന്റണി ബി ജെ പി യുടെ ദേശീയനേതൃത്വത്തിലുള്ള ആളാണെന്നും അതുകൊണ്ടുതന്നെ പി സി ജോര്‍ജ് അനില്‍ ആന്റണിയെ പരിചയപ്പെടുത്തേണ്ട ഒരാവശ്യവുമില്ലെന്നും അദ്ദേഹം അഭിപ്രായപ്പെട്ടു.

ലോക് സഭാ തിരഞ്ഞെടുപ്പില്‍ ബി ഡി ജെ എസ് നാലുസീറ്റില്‍ മത്സരിക്കുമെന്നും സ്ഥാനാര്‍ഥി പ്രഖ്യാപനം വൈകില്ലെന്നും തുഷാര്‍ വെള്ളാപ്പള്ളി പറഞ്ഞു. കോട്ടയം, മാവേലിക്കര, ഇടുക്കി മണ്ഡലങ്ങളിലാണ് മത്സരിക്കുക. ആലത്തൂര്‍ മണ്ഡലത്തിനുപകരം ചാലക്കുടിയോ എറണാകുളമോ ചോദിച്ചിട്ടുണ്ട്. ബി ജെ പി ആവശ്യപ്പെട്ടാല്‍ താന്‍ കോട്ടയത്ത് മത്സരിക്കുമെന്നും തുഷാര്‍ പറഞ്ഞു.