Still Got it | വേണ്ടി വന്നത് വെറും 6 സെക്കൻഡ്, ഈ പ്രായത്തിലും ധോണിയുടെ ചുറുചുറുക്ക് അത്ഭുതകരം! ആ ക്യാച്ച് വൈറൽ

ചെന്നൈ: (KVARTHA) ഇതിഹാസ താരം മഹേന്ദ്ര സിംഗ് ധോണി ചെന്നൈ സൂപ്പർ കിംഗ്‌സിൻ്റെ നായകനല്ലെങ്കിലും ടീം അദ്ദേഹത്തിൻ്റെ കീഴിലാണ് കളിക്കുന്നതെന്ന് പറയാം. ധോണിയുടെ സമർത്ഥമായ നീക്കങ്ങൾക്ക് മുന്നിൽ ഗുജറാത്ത് ടൈറ്റൻസ് ഐപിഎൽ മത്സരത്തിൽ തകരുന്ന കാഴ്ചയാണ് ഒടുവിൽ കണ്ടത്. ചെന്നൈ 20 ഓവറിൽ ആറ് വിക്കറ്റിന് 206 റൺസെടുത്തപ്പോൾ മറുപടിയായി ഗുജറാത്ത് ടൈറ്റൻസിന് എട്ട് വിക്കറ്റിന് 143 റൺസ് മാത്രമാണ് അടിച്ചുകൂട്ടാനായത്. 63 റൺസിൻ്റെ തോൽവിയാണ് ഗുജറാത്ത് ടൈറ്റൻസിന് നേരിടേണ്ടി വന്നത്.

ധോനിയുടെ ചുറുചുറുക്ക് കുറഞ്ഞിട്ടില്ല

42-ാം വയസിലും ധോണി വിക്കറ്റ് കീപ്പർ എന്ന നിലയിൽ കാട്ടുന്ന അത്ഭുതപ്പെടുത്തുന്ന ചടുലത ഒരിക്കൽ കൂടി ഈ മത്സരം വെളിവാക്കി. ഡാരിൽ മിച്ചൽ എറിഞ്ഞ പന്ത് നാലാം സ്റ്റമ്പിൽ വലത് വശത്ത് 2.27 മീറ്റർ ഡൈവ് ചെയ്ത് ക്യാച്ചെടുത്ത് വിജയ് ശങ്കറിനെ പുറത്താക്കിയാണ് ധോണി തന്റെ പ്രതിഭ ഒരിക്കൽ കൂടി പ്രകടിപ്പിച്ചത്. ഈ ക്യാച്ച് പിടിക്കാൻ ധോണിക്ക് വേണ്ടിവന്ന സമയം ആറ് സെക്കൻഡ് മാത്രമായിരുന്നു എന്നതാണ് പ്രത്യേകത.

Still got it! 💪🏻🔥#ThalaThalaDhaan

pic.twitter.com/U1QZs6DmW1

— Chennai Super Kings (@ChennaiIPL) March 26, 2024

ഇതുമാത്രമല്ല ധോണി ഈ ക്യാച്ച് രണ്ടു കൈകൊണ്ടും പിടിക്കുകയും ചെയ്തു. പലപ്പോഴും വിക്കറ്റ് കീപ്പർമാർ ഒരു കൈകൊണ്ട് ഇത്തരം ക്യാച്ചുകൾ പിടിക്കുന്നത് കാണാറുണ്ടെങ്കിലും ഇരുകൈയ്യും നീട്ടി അത്തരം ക്യാച്ചുകൾ പിടിക്കുന്നത് ധോണിയുടെ മാത്രം കഴിവാണെന്ന് നെറ്റിസൻസ് അഭിപ്രായപ്പെട്ടു. ധോണിയുടെ ഈ ക്യാച്ചിന്റെ വീഡിയോ സാമൂഹ്യ മാധ്യമങ്ങളിൽ വൈറലായിട്ടുണ്ട്.

പ്രധാന വാര്‍ത്തകള്‍ നിങ്ങൾക്ക് ലഭിക്കാന്‍ വാട്സ് ആപ് ചാനലില്‍ അംഗമാകാം. ചാനലിൽ 🔔 (Bellbutton) അമർത്താൻ മറക്കരുത

 

Keywords: News, News-Malayalam-News, National, National-News, Sports, IPL, MS Dhoni, BCCI, Cricket, 'Still Got it': MS Dhoni's Age-defying Diving Catch Has Chepauk Crowd Go Berserk - WATCH.

< !- START disable copy paste -->