Follow KVARTHA on Google news Follow Us!
ad

Pragya Thakur | 'അതിനോട് ഞാൻ മാപ്പ് പറഞ്ഞിരുന്നു', ബിജെപി ഭോപ്പാലിൽ നിന്ന് സീറ്റ് നിഷേധിച്ചതിന് ശേഷം തീവ്ര ഹിന്ദുത്വ നേതാവ് പ്രഗ്യാസിങ് ഠാക്കൂറിൻ്റെ ആദ്യ പ്രസ്താവന പുറത്ത്

അലോക് ശർമയ്ക്കാണ് പാർട്ടി ഇത്തവണ ടിക്കറ്റ് നൽകിയത് Pragya Thakur, Lok Sabha Election, BJP, ദേശീയ വാർത്തകൾ, Politics
ഭോപ്പാൽ: (KVARTHA) ലോക്‌സഭാ തിരഞ്ഞെടുപ്പിനുള്ള 195 സ്ഥാനാർഥികളുടെ ആദ്യ പട്ടിക ബിജെപി പുറത്തിറക്കിയപ്പോൾ ഭോപ്പാലിൽ, വിവാദങ്ങളിലൂടെ കുപ്രസിദ്ധയായ പ്രഗ്യാസിങ് ഠാക്കൂറിന് പകരം അലോക് ശർമയ്ക്കാണ് പാർട്ടി ഇത്തവണ ടിക്കറ്റ് നൽകിയത്. മലേഗാവ് ഹിന്ദുത്വ സ്‌ഫോടന കേസില്‍ മുഖ്യ പങ്കാളിയെന്ന് ആരോപണം ഉയര്‍ന്ന പ്രഗ്യാസിങ് രാഷ്ട്രപിതാവ് മഹാത്മാ ഗാന്ധിയെ അപമാനിക്കുകയും രാഷ്ട്ര പിതാവിന്റെ ഘാതകന്‍ ഗോഡ്‌സെയെ പുകഴ്ത്തുകയും ചെയ്തും വിവാദം സൃഷ്ടിച്ചിരുന്നു.


ഇപ്പോഴിതാ ബിജെപിയുടെ ആദ്യ പട്ടികയിൽ ലോക്‌സഭാ സീറ്റ് നിഷേധിച്ചതിന് പിന്നാലെ പ്രതികരണവുമായി പ്രഗ്യാസിങ് രംഗത്തെത്തി. തൻ്റെ മുൻ പ്രസ്താവനകളും അതിനോടുള്ള പ്രധാനമന്ത്രി നരേന്ദ്ര മോദിയുടെ പ്രതികരണവും എംപി അനുസ്മരിച്ചു. തൻ്റെ മുൻ പ്രസ്താവനകൾ പ്രധാനമന്ത്രിയെ സന്തോഷിപ്പിച്ചിരിക്കില്ലെന്നാണ് അവർ പറയുന്നത്. പ്രസ്താവനയ്ക്ക് പ്രധാനമന്ത്രി മോദിയോട് മാപ്പ് പറഞ്ഞിരുന്നുവെന്നും അദ്ദേഹത്തെ വേദനിപ്പിക്കുകയല്ല തന്റെ ലക്ഷ്യമെന്നും അവർ പറഞ്ഞു.

'എനിക്ക് സംഘടനയാണ് പരമപ്രധാനം, സംഘടന എനിക്ക് നൽകുന്ന ഉത്തരവാദിത്തം ഞാൻ നിറവേറ്റും. ബിജെപി തത്വങ്ങളിൽ അധിഷ്ഠിതമായ സംഘടനയാണ്, അതിൽ ഒരു തരത്തിലുള്ള ചോദ്യവുമില്ല', പ്രഗ്യാസിങിനെ ഉദ്ധരിച്ച് ഇന്ത്യ ടുഡേ റിപ്പോർട്ട് ചെയ്തു. 2019ലെ ലോക്‌സഭാ തിരഞ്ഞെടുപ്പിൽ കോൺഗ്രസ് സ്ഥാനാർഥി ദിഗ്‌വിജയ് സിങ്ങിനെ പരാജയപ്പെടുത്തിയാണ് പ്രഗ്യാ ഠാക്കൂർ വിജയിച്ചത്.

എംപിയായതിന് ശേഷം, പ്രഗ്യാസിങ് ഠാക്കൂർ തൻ്റെ ഒരു പ്രസ്താവനയിൽ മഹാത്മാഗാന്ധിയുടെ കൊലപാതകിയായ നാഥുറാം ഗോഡ്‌സെയെ 'യഥാർത്ഥ രാജ്യസ്‌നേഹി' എന്ന് വിളിച്ചിരുന്നു. അതിന് ശേഷം രാജ്യത്തുടനീളം പ്രതിഷേധം ഉയർന്നു, പ്രഗ്യാ ഠാക്കൂറിൻ്റെ പ്രസ്താവനയിൽ പ്രധാനമന്ത്രി നരേന്ദ്ര മോദിയും അതൃപ്തി പ്രകടിപ്പിക്കുകയും മഹാത്മാഗാന്ധിയെ അപമാനിച്ചതിന് താൻ ഒരിക്കലും ക്ഷമിക്കില്ലെന്നും പറഞ്ഞിരുന്നു. പ്രഗ്യാ ഠാക്കൂറിൻ്റെ വിവാദ പ്രസ്താവനയാണ് സീറ്റ് നിഷേധിക്കാൻ കാരണമെന്നാണ് റിപ്പോർട്ട്. മധ്യപ്രദേശിലെ 29 മണ്ഡലങ്ങളിൽ 24 ഇടത്തും ബിജെപി സ്ഥാനാര്‍ഥികളെ പ്രഖ്യാപിച്ചിട്ടുണ്ട്.


Keywords: News, National, Bhopal, Pragya Thakur, Lok Sabha Election, BJP, Politics, Narendra Modi, Candidate, Report, Pragya Thakur reacts after BJP denies LS ticket in first list.
< !- START disable copy paste -->

Post a Comment