US Report | ഇന്ത്യ അതിതീവ്ര ദാരിദ്ര്യം ഇല്ലാതാക്കിയെന്ന് അമേരിക്കന്‍ റിപ്പോര്‍ട്ട്; 'അസമത്വവും കുറഞ്ഞു; സർക്കാരിൻ്റെ ശക്തമായ നയങ്ങൾ മാറ്റത്തിന് സഹായകരമായി'

   രാജ്യത്തെ ദാരിദ്ര്യരേഖയ്ക്ക് താഴെയുള്ള ആളുകളുടെ വാങ്ങൽ ശേഷി (പര്‍ച്ചേസിംഗ് പവര്‍ പാരിറ്റി) 1.9 ഡോളറിലെത്തി. ഇന്ത്യയിൽ കടുത്ത ദാരിദ്ര്യം അവസാനിച്ചുവെന്ന് ഇത് സ്ഥിരീകരിക്കുന്നു. ഇന്ത്യയിലെ ഗ്രാമീണ മേഖലയിലെ ദാരിദ്ര്യ നിരക്ക് 2.5% ആണ്, നഗരങ്ങളിൽ ഇത് ഒരു ശതമാനം ആണ്. ഗ്രാമപ്രദേശങ്ങളിൽ ശുദ്ധജല ലഭ്യത ജനങ്ങൾക്കിടയിൽ രോഗങ്ങൾ കുറയ്ക്കുകയും കുടുംബങ്ങൾക്ക് കൂടുതൽ വരുമാനം നേടാൻ സഹായിക്കുകയും ചെയ്തുവെന്നും റിപ്പോർട്ട് ചൂണ്ടിക്കാണിക്കുന്നു. 2019 ഓഗസ്റ്റ് 15 ല്‍ ഇന്ത്യയിലെ ഗ്രാമതലത്തില്‍ പൈപ്പ് വെള്ളത്തിന്റെ ലഭ്യത 16.8 ശതമാനമായിരുന്നത് ഇപ്പോള്‍ 74.7 ശതമാനമായി.

ശൗചാലയ നിർമ്മാണം, വൈദ്യുതി, ഉജ്ജ്വല ഗ്യാസ് പദ്ധതി, ടാപ്പ് വെള്ളം, ആയുഷ്മാൻ ഭാരത് തുടങ്ങിയ പദ്ധതികൾ ഗ്രാമീണ ജനതയെ ദാരിദ്ര്യത്തിൽ നിന്ന് കരകയറ്റാൻ സഹായിച്ചിട്ടുണ്ട്.
അതിതീവ്ര ദാരിദ്ര്യനിര്‍മാര്‍ജനം ആഗോള ദാരിദ്ര്യരേഖ നിരക്കില്‍ ഗുണപരമായ മാറ്റം ഉളവാക്കുന്നുവെന്നും റിപ്പോര്‍ട്ട് പറയുന്നു. റിപ്പോർട്ട് പ്രകാരം സൂചികയിൽ ഇന്ത്യയുടെ സ്ഥാനം അമേരിക്കയേക്കാൾ മികച്ചതാണ്. അമേരിക്കയുടെ സൂചിക 39.8 ആണ്, ഇന്ത്യയുടേത് 34.2 ആണ്. ഇന്ത്യയിൽ, ഈ സൂചിക 2022-23 ൽ നഗരങ്ങളിൽ 36.7 ൽ നിന്ന് 31.9 ആയി കുറഞ്ഞു. ഗ്രാമപ്രദേശങ്ങളിൽ ഇത് 28.7ൽ നിന്ന് 27 ആയി കുറഞ്ഞു. ഇന്ത്യയിൽ വരുമാനം, ഉപഭോഗം, സമ്പത്ത് വിതരണം എന്നിവയിലെ അസമത്വം കുറഞ്ഞുവരുന്നതായി കണക്കുകൾ വ്യക്തമാക്കുന്നു. < !- START disable copy paste -->