Follow KVARTHA on Google news Follow Us!
ad

Eating in Bed | കിടക്കയിൽ ഭക്ഷണം കഴിക്കുന്ന ശീലമുണ്ടോ? ശ്രദ്ധിക്കുക; അപകടങ്ങൾ ഇതാ

പല രോഗങ്ങൾക്കും മൂലകാരണമായി മാറുന്നു, Health, Lifestyle, ആരോഗ്യ വാർത്തകൾ
ന്യൂഡെൽഹി: (KVARTHA) കിടക്കയിൽ ഭക്ഷണം കഴിക്കുന്ന ശീലം ചിലർക്കുണ്ട്. എന്നാൽ ഇത് നല്ല ശീലമല്ലെന്ന് നിങ്ങൾക്കറിയാമോ? കിടക്കയിൽ ഭക്ഷണം കഴിക്കുന്നത് നിങ്ങളുടെ ആരോഗ്യത്തെ നശിപ്പിക്കും. ദഹനക്കേട്, ഉറക്കത്തിലെ പ്രശ്നങ്ങൾ, അലർജികൾ, ദന്തക്ഷയം തുടങ്ങിയ പ്രശ്‌നങ്ങളിലേക്ക് നയിച്ചേക്കാം. കൂടാതെ വൃത്തിഹീനമായ കിടക്കയും കട്ടിലും വിരിപ്പുമൊക്കെ പല രോഗങ്ങൾക്കും മൂലകാരണമായി മാറുന്നു. കിടക്കയിൽ ഭക്ഷണം കഴിക്കുന്നതിൻ്റെ ദോഷങ്ങൾ എന്തൊക്കെയാണെന്ന് നോക്കാം.
  
News, News-Malayalam-News, National, National-News, Health, Health-News, Lifestyle, Lifestyle-News, Unexpected risks of eating in your bed for your health.


നിങ്ങളുടെ ഉറക്കത്തെ ബാധിച്ചേക്കാം

കിടക്കയിൽ ഭക്ഷണം കഴിക്കുന്നത് നിങ്ങളുടെ ഉറക്കത്തെ ബാധിക്കുമെന്ന് ആരോഗ്യ വിദഗ്ധർ പറയുന്നു. കിടക്കയിൽ ഇരുന്നു ടിവി കാണുമ്പോൾ ഭക്ഷണം കഴിക്കുന്നത് പോലെയുള്ള പ്രവർത്തനങ്ങളിൽ ഏർപ്പെടുകയാണെങ്കിൽ, കിടക്ക സമാധാനപരമായ ഉറങ്ങാനുള്ള സ്ഥലമല്ലെന്ന് നിങ്ങളുടെ തലച്ചോറിനെ ചിന്തിപ്പിക്കും. കിടക്കയിൽ ഭക്ഷണം കഴിക്കുന്നത് നിങ്ങളുടെ ഉറക്കചക്രത്തെ തടസപ്പെടുത്തുകയും നിങ്ങൾക്ക് ശരിക്കും ആവശ്യമുള്ളപ്പോൾ വിശ്രമിക്കാനും ഉറങ്ങാനും കൂടുതൽ ബുദ്ധിമുട്ടുണ്ടാക്കുകയും ചെയ്യും.


രോഗാണുക്കളും ബാക്ടീരിയകളും വളരുന്നു

നിങ്ങളുടെ ബെഡ്‌ഷീറ്റുകൾ വൃത്തിയായി സൂക്ഷിക്കുന്നത് അത്ര എളുപ്പമല്ല, പ്രത്യേകിച്ചും നിങ്ങൾ ദിവസവും കിടക്കയിൽ ഭക്ഷണം കഴിക്കുകയാണെങ്കിൽ. ഇതോടെ കിടക്കയും വിരിപ്പുമൊക്കെ അണുക്കൾക്കും ബാക്ടീരിയകൾക്കും പ്രജനന കേന്ദ്രമായി മാറും. നിങ്ങളുടെ ഉറക്കം തടസപ്പെടാതിരിക്കാൻ കൃത്യമായ ഇടവേളകളിൽ ബെഡ് ഷീറ്റ് വൃത്തിയാക്കുകയോ മാറ്റുകയോ ചെയ്യേണ്ടതുണ്ട്.


ശ്രദ്ധ വ്യതിചലിപ്പിക്കും

കിടക്കയിൽ ഭക്ഷണം കഴിക്കുന്നത് നിങ്ങളുടെ ശ്രദ്ധ വ്യതിചലിപ്പിക്കും. ശ്രദ്ധ വ്യതിചലിക്കുമ്പോൾ അമിതമായി ഭക്ഷണം കഴിക്കാൻ പ്രവണത കാണിക്കുമെന്ന് ആരോഗ്യ വിദഗ്ധർ പറയുന്നു. നിങ്ങളുടെ ഭക്ഷണത്തിൻ്റെ ഓരോ കഷണവും ആസ്വദിക്കുന്നതിനേക്കാൾ വിശ്രമത്തിലാണ് ശ്രദ്ധ കേന്ദ്രീകരിക്കുന്നത് എന്നതിനാൽ, കിടക്കയിൽ ഭക്ഷണം കഴിക്കുന്നത് ശ്രദ്ധാപൂർവമുള്ള ഭക്ഷണം കഴിക്കലിനെതിരെ പ്രവർത്തിക്കുമെന്ന് നിരീക്ഷിക്കപ്പെട്ടിട്ടുണ്ട്.

ചില ആളുകൾ കിടക്കയിലാണെങ്കിൽ ഭക്ഷണം കഴിക്കുമ്പോഴും കിടക്കും, ഇത് പ്രശ്നം കൂടുതൽ വഷളാക്കും. കിടക്കയിലിരുന്ന് ഭക്ഷണം കഴിക്കുമ്പോൾ ടിവിയോ മൊബൈൽ സ്‌ക്രീനോ കാണാനുള്ള സാധ്യത കൂടുതലായതിനാൽ അമിതമായി ഭക്ഷണം കഴിക്കുന്നത് പ്രോത്സാഹിപ്പിക്കാനും ഇതിന് കഴിയും. ശരീരത്തെ ആരോഗ്യകരമാക്കുന്നതിനും എല്ലാ ശാരീരിക പോഷക ആവശ്യങ്ങളും നിറവേറ്റുന്നതിനും സമീകൃതവും നിയന്ത്രിതവുമായ ഭക്ഷണക്രമം അത്യന്താപേക്ഷിതമാണ്.

അമിതമായി ഭക്ഷണം കഴിക്കുന്നത് അമിതവണ്ണത്തിനും മറ്റ് രോഗങ്ങൾക്കും കാരണമാകുമെന്ന് പോഷകാഹാര വിദഗ്ധർ പറയുന്നു. ഭക്ഷണം കഴിച്ച ഉടൻ തന്നെ കിടക്കുന്നത് ദഹനക്കേട്, ഭക്ഷണത്തിൻ്റെ അപൂർണമായ ദഹനം മൂലമുണ്ടാകുന്ന നെഞ്ചെരിച്ചിൽ എന്നിവയ്ക്ക് കാരണമാകും. ഭക്ഷണം കഴിച്ചതിന് ശേഷം ബ്രഷ് ചെയ്ത് വായ കഴുകുന്നത് അവഗണിക്കുന്നത് വായ്നാറ്റത്തിനും ദന്തക്ഷയത്തിനും കാരണമായേക്കാം. കിടക്കയിൽ ഭക്ഷണം കഴിക്കുന്നത് അലർജി പ്രതിപ്രവർത്തനങ്ങളോ ശ്വാസകോശ സംബന്ധമായ പ്രശ്‌നങ്ങളോ ഉണ്ടാക്കുകയും ചെയ്യും.


മോശം ദഹനം

ഭക്ഷണം കഴിക്കുമ്പോൾ കിടക്കുന്നത് ദഹനരസങ്ങളുടെ സ്വാഭാവിക ഒഴുക്കിനെ തസപ്പെടുത്തുന്നു. ഇതുവഴി അസ്വസ്ഥത, വയറിളക്കം അല്ലെങ്കിൽ ആസിഡ് റിഫ്ലക്സ് എന്നിവയ്ക്ക് കാരണമാകും. പൊതുവേ, നിവർന്നുനിന്ന് ഭക്ഷണം കഴിക്കുന്നത് മികച്ച ദഹനത്തെ പ്രോത്സാഹിപ്പിക്കുകയും ആരോഗ്യകരവുമാണ്


ആവശ്യമില്ലാത്ത അതിഥികളെ ക്ഷണിച്ച് വരുത്തും

കട്ടിലിൽ കിടന്ന് ഭക്ഷണം കഴിക്കുന്നത് ഉറുമ്പുകളേയും മറ്റും ആകർഷിക്കും. ഒരു ചെറിയ കഷണം പോലും നിങ്ങളുടെ ബെഡ്ഷീറ്റിൽ ഉറുമ്പുകൾ നിരങ്ങാൻ ഇടയാക്കും. ഉറുമ്പ് കടിച്ചാൽ ശരീരത്തിൽ ചുവന്ന പാടുകൾ ഉണ്ടാകാം. കൂടാതെ പൂപ്പൽ, അണുക്കൾ എന്നിവയെയും ക്ഷണിച്ചു വരുത്തും, ഇത് അലർജിക്കും ശ്വാസകോശ സംബന്ധമായ പ്രശ്നങ്ങൾക്കും മറ്റ് അണുബാധകൾക്കും ഇടയാക്കും

നിങ്ങൾക്ക് പരിക്കോ അസുഖമോ ഇല്ലെങ്കിൽ കിടക്കയിൽ ഭക്ഷണം കഴിക്കുന്നത് ഒഴിവാക്കണം. വൃത്തിഹീനമായ കിടക്കയും ബെഡ്‌ഷീറ്റുകൾ അധികനേരം സൂക്ഷിക്കുന്നതും ഗുരുതരമായ പല രോഗങ്ങൾക്കും കാരണമാകും. രോഗത്തിൻ്റെ മൂലകാരണം അഴുക്കാണെന്ന് നമുക്കെല്ലാവർക്കും അറിയാം, അതിനാൽ കിടക്ക ഉറങ്ങാൻ മാത്രം ഉപയോഗിക്കുന്നതാണ് നല്ലത്.

Keywords: News, News-Malayalam-News, National, National-News, Health, Health-News, Lifestyle, Lifestyle-News, Unexpected risks of eating in your bed for your health.

Post a Comment