Valentine's Day | ഒരാളോട് പ്രണയം തോന്നിയോ, ഈ നിറത്തിലുള്ള റോസ് നൽകി മനസിലുള്ളത് പ്രകടിപ്പിക്കാം; റോസിന്റെ ഓരോ നിറത്തിനും പ്രത്യേക അർഥമുണ്ട്; അത്ഭുതപ്പെടുത്തും ഇക്കാര്യങ്ങൾ!

ആകർഷകമായ നിറമുള്ള റോസാപ്പൂക്കൾ നൽകുന്നതിലൂടെ, നിങ്ങളുടെ വികാരങ്ങൾ പങ്കാളിയോട് മനോഹരമായി പ്രകടിപ്പിക്കാൻ കഴിയും. റോസാപ്പൂവിൻ്റെ വ്യത്യസ്ത നിറങ്ങൾക്ക് വ്യത്യസ്ത പ്രാധാന്യമുണ്ടെന്നാണ് പറയുന്നത്. ചുവന്ന റോസ് പ്രണയത്തിൻ്റെ പ്രതീകമാണെന്ന് പലർക്കും അറിയാം. എന്നാൽ മഞ്ഞ, ഓറഞ്ച്, പിങ്ക് റോസാപ്പൂക്കൾ ആർക്കാണ് നൽകേണ്ടതെന്നും അതിൻ്റെ അർത്ഥമെന്താണെന്നും നിങ്ങൾക്കറിയാമോ? വിദഗ്ധർ ചൂണ്ടിക്കാട്ടുന്ന റോസാപ്പൂവിൻ്റെ ഓരോ നിറത്തിൻ്റെയും വൈകാരികമായ അർഥം അറിയാം.

ചുവന്ന റോസ്

പ്രണയത്തിൻ്റെയും മധുവിധുവിൻ്റെയും പ്രതീകമാണ് ചുവപ്പ്. വിവാഹിതരായ സ്ത്രീകൾ അവരുടെ ഭർത്താക്കന്മാരുടെ ദീർഘായുസിനായി ചുവന്ന നിറമുള്ള ഷൂസ്, ചുവന്ന വസ്ത്രം, ചുവന്ന വളകൾ തുടങ്ങിയവ ധരിക്കുന്നു. അതേസമയം, ചുവന്ന റോസാപ്പൂവും ഇത്തരത്തിലുള്ള സ്നേഹത്തെ പ്രതിനിധീകരിക്കുന്നു. റോസ് ഡേയിൽ നിങ്ങളുടെ പങ്കാളിക്ക് റോസ് നൽകണമെങ്കിൽ, ചുവപ്പ് നിറമായിരിക്കും ഏറ്റവും അനുയോജ്യം. ചുവന്ന നിറമുള്ള പൂക്കൾ സ്നേഹത്തിൻ്റെ ആഴം കാണിക്കും. നിങ്ങളുടെ സ്നേഹം ആരോടെങ്കിലും പ്രകടിപ്പിക്കാൻ ആഗ്രഹിക്കുന്നുവെങ്കിൽ, അവർക്ക് ഒരു ചുവന്ന പുഷ്പം സമ്മാനിക്കാം.

പിങ്ക് റോസ്

പിങ്ക് റോസാപ്പൂവ് നിങ്ങളുടെ ജീവിതത്തിൽ സവിശേഷമായവർക്ക് നൽകാം. ഈ നിറം സ്നേഹത്തിൻ്റെയും ബന്ധത്തിൻ്റെയും ആഴം അനുഭവിക്കുന്നതിൻ്റെയോ അല്ലെങ്കിൽ അതിൻ്റെ പ്രാധാന്യം പ്രകടിപ്പിക്കുന്നതിൻ്റെയോ പ്രതീകമാണ്. നിങ്ങളുടെ പങ്കാളിയുടെ കരുതലുള്ള മനോഭാവം നിങ്ങൾ ഇഷ്ടപ്പെടുകയും അവരോട് നന്ദി പറയുകയും ചെയ്യുന്നുവെങ്കിൽ, പിങ്ക് റോസാപ്പൂക്കളിലൂടെ നിങ്ങൾക്ക് ഇത് എളുപ്പത്തിൽ പ്രകടിപ്പിക്കാൻ കഴിയും.

മഞ്ഞ റോസ്

മഞ്ഞ സൗഹൃദത്തിൻ്റെ പ്രതീകമാണ്. നിങ്ങൾക്ക് ആരെങ്കിലുമായി സൗഹൃദം സ്ഥാപിക്കണമെങ്കിൽ മഞ്ഞ റോസാപ്പൂ നൽകി കൂട്ടുകൂടാം. നിങ്ങളുടെ റോസാപ്പൂവ് സ്വീകരിക്കുകയാണെങ്കിൽ, അവർ നിങ്ങളുടെ സൗഹൃദം സ്വീകരിച്ചുവെന്ന് മനസിലാക്കുക. ഇവിടെ നിന്ന് സൗഹൃദത്തിൻ്റെ പുതിയ തുടക്കം ആരംഭിക്കുന്നു. മഞ്ഞ റോസാപ്പൂ ഒരു ബന്ധത്തിൻ്റെ തുടക്കത്തെ പ്രതീകപ്പെടുത്തുന്നു. ഏതൊരു ബന്ധവും സുദൃഢമായ വികാരങ്ങൾ ഉൾക്കൊള്ളുമ്പോൾ അത് ശക്തമാണ്.

പങ്കാളിയും നല്ല സുഹൃത്താണെങ്കിൽ ആ ബന്ധം കൂടുതൽ ദൃഢമാകും. കാരണം സൗഹൃദം ഉണ്ടാകുമ്പോൾ പരസ്പര ബഹുമാനവും കരുതലും കൂടും. നിങ്ങളുടെ പങ്കാളിയെ നിങ്ങൾ എത്രമാത്രം ശ്രദ്ധിക്കുന്നുവെന്നോ അല്ലെങ്കിൽ അവർ നിങ്ങൾക്ക് എത്രത്തോളം പ്രധാനപ്പെട്ടവനാണെന്നോ കാണിക്കാൻ നിങ്ങൾ ആഗ്രഹിക്കുന്നുവെങ്കിൽ ഒരു മഞ്ഞ നിറത്തിലുള്ള റോസ് സമ്മാനിക്കാം .

ഓറഞ്ച് റോസ്

ഓറഞ്ച് റോസ് ആകർഷണത്തിൻ്റെ പ്രതീകമാണ്. നിങ്ങൾക്ക് ആരെയെങ്കിലും ഇഷ്ടപ്പെടുകയും അവരുമായുള്ള നിങ്ങളുടെ ബന്ധം സൗഹൃദത്തിനപ്പുറം ചുവടുവെയ്‌ക്കാൻ ആഗ്രഹിക്കുകയും ചെയ്യുന്നുവെങ്കിൽ, അവർക്ക് ഒരു ഓറഞ്ച് റോസ് നൽകുക. ഈ നിറത്തിലുള്ള റോസാപ്പൂ നൽകുന്നതിലൂടെ, നിങ്ങൾക്ക് അവരെ ഇഷ്ടമാണെന്ന് ആ വ്യക്തിയോട് പറയാൻ കഴിയും. ആരോടെങ്കിലും ബഹുമാനം പ്രകടിപ്പിക്കാനും ഓറഞ്ച് റോസാപ്പൂ നൽകാം.

പീച്ച് റോസ്

പങ്കാളിയോട് നിങ്ങൾ എത്രമാത്രം സന്തുഷ്ടരാണെന്നും ജീവിതത്തിൽ അവരുടെ സാന്നിധ്യം നിങ്ങൾക്ക് എത്രത്തോളം പ്രധാന്യമാണെന്നും ഇതിലൂടെ പ്രകടിപ്പിക്കാം. നിങ്ങൾക്ക് അവരെ അഭിനന്ദിക്കാനോ നന്ദി പറയാനോ ആഗ്രഹിക്കുന്നുവെങ്കിൽ പീച്ച് റോസ് നൽകാം.

വെളുത്ത റോസ്

വെളുത്ത റോസാപ്പൂക്കൾ കാണുമ്പോൾ ഒരാൾക്ക് ആശ്വാസം ലഭിക്കും. നിങ്ങളുടെ പങ്കാളിയുമായി ഏതെങ്കിലും വിഷയത്തിൽ അഭിപ്രായവ്യത്യാസമുണ്ടാകുകയോ നിങ്ങൾ അവനെ/അവളെ വേദനിപ്പിക്കുകയോ ചെയ്‌താൽ, ഒരു വെള്ള റോസാപ്പൂ നൽകി സ്നേഹത്തോടെ ആശ്വസിപ്പിക്കാം.

പർപ്പിൾ റോസ്

പർപ്പിൾ റോസാപ്പൂക്കൾ വളരെ ആകർഷകമായി കാണപ്പെടുന്നു, ഈ നിറത്തിലുള്ള റോസ് നിങ്ങളുടെ പങ്കാളിക്ക് നൽകിയാൽ, ആദ്യ മീറ്റിംഗിൽ തന്നെ നിങ്ങൾ അവരെ ഇഷ്ടപ്പെട്ടു തുടങ്ങിയെന്നാണ് ഇതിനർത്ഥം. സൗഹൃദ് ബന്ധത്തെ പ്രണയമാക്കി മാറ്റാൻ ആഗ്രഹിക്കുന്നുവെന്നും പർപ്പിൾ റോസിലൂടെ പറയാൻ കഴിയും.

കറുത്ത റോസ്

വാലൻ്റൈൻസ് വീക്കിൽ, നിങ്ങളുടെ പ്രണയവികാരം പല തരത്തിൽ പ്രകടിപ്പിക്കാനും ഈ സമയത്ത് വ്യത്യസ്ത നിറങ്ങളിലുള്ള റോസാപ്പൂക്കൾ നൽകി പങ്കാളിയെ ആകർഷിക്കാനും കഴിയും. എന്നാൽ ഈ സമയത്ത് കറുത്ത റോസാപ്പൂക്കൾ നൽകരുത്. കാരണം, കറുത്ത റോസാപ്പൂവ് നൽകിയാൽ, അതിനർത്ഥം നിങ്ങൾ അവരെ ഇഷ്ടപ്പെടുന്നില്ല അല്ലെങ്കിൽ നിങ്ങൾക്കിടയിൽ ഒരുതരം പിരിമുറുക്കമുണ്ടെന്നാണ്.

Keywords: Nrews, National, New Delhi, Valentine’s Week, Love, Lifestyle, Rose, Valentine's Day, Rose Day: Decode the meaning of different rose colours.
< !- START disable copy paste -->