Follow KVARTHA on Google news Follow Us!
ad

Paracetamol | ജാഗ്രതൈ: പാരസെറ്റമോൾ അമിതമായി കഴിക്കുന്നത് ഗുരുതരമായ കരൾ രോഗത്തിന് കാരണമാകുമെന്ന് പഠനം

അപകടകരമായ പാർശ്വഫലങ്ങൾക്ക് കാരണമാകാം Paracetamol, Diseases, Health, Lifestyle, ആരോഗ്യ വാർത്തകൾ
ന്യൂഡെൽഹി: (KVARTHA) മനുഷ്യ ശരീരത്തിലെ സുപ്രധാന അവയവങ്ങളിലൊന്നാണ് കരൾ. ശരീരത്തിനാവശ്യമായ പ്രോട്ടീനുകളുടെയും ഹോര്‍മോണുകളുടെയും ഉത്പാദനത്തിലും ശരീരത്തിലെ വിഷാണുക്കളുടെ ശുദ്ധീകരണത്തിലും കരള്‍ പ്രധാന പങ്കാണ് വഹിക്കുന്നത്. എന്നാൽ, സാധാരണ വേദനസംഹാരിയായ പാരസെറ്റമോൾ കരളിനെ തകരാറിലാക്കുമെന്ന ഞെട്ടിക്കുന്ന വെളിപ്പെടുത്തൽ നടത്തിയിരിക്കുകയാണ് ഒരു പഠനം.


എഡിൻബർഗ് സർവകലാശാലയിലെ ഗവേഷകർ എലികളിൽ നടത്തിയ പഠനങ്ങളിലൂടെ പാരസെറ്റമോൾ കരളിനെ എങ്ങനെ തകരാറിലാക്കുന്നു എന്നതിനെക്കുറിച്ചുള്ള പുതിയ വിവരങ്ങൾ വെളിപ്പെടുത്തി. ചിലപ്പോഴൊക്കെ മാരകവും സുഖപ്പെടുത്താൻ ബുദ്ധിമുട്ടുള്ളതുമായ അമിതമായ വിഷാംശത്തെക്കുറിച്ചുള്ള സുപ്രധാന വിവരങ്ങൾ പഠനം നൽകുന്നു.

കരൾ കോശങ്ങളുടെ പ്രവർത്തനത്തെ തകരാറിലാക്കുകയും കോശങ്ങളുടെ മരണത്തിന് പോലും കാരണമാവുകയും ചെയ്യുമെന്ന് ഗവേഷകർ ചൂണ്ടിക്കാട്ടുന്നു. ഇത്തരത്തിലുള്ള കോശനാശം കരൾ രോഗങ്ങളായ ക്യാൻസർ, സിറോസിസ്, ഹെപ്പറ്റൈറ്റിസ് എന്നിവയുമായി ബന്ധപ്പെട്ടിട്ടുരിക്കുന്നുവെന്നതാണ് ശ്രദ്ധേയമായ കാര്യം. സ്കോട്ടിഷ് നാഷണൽ ബ്ലഡ് ട്രാൻസ്ഫ്യൂഷൻ സർവീസിലെയും എഡിൻബർഗ്, ഓസ്ലോ സർവകലാശാലകളിലെയും ഗവേഷകർ ഉൾപ്പെട്ട പഠനം സയൻ്റിഫിക് റിപ്പോർട്സിൽ പ്രസിദ്ധീകരിച്ചിട്ടുണ്ട്.

പാരസെറ്റമോൾ ലോകത്തിലെ ഏറ്റവും ജനപ്രിയമായ വേദനസംഹാരിയാണ്. ശരീര താപനില കുറയ്ക്കാനും ഇത് ഉപയോഗപ്രദമാണ്. സുരക്ഷിതമായും നിർദേശിച്ച പ്രകാരവും ഇത് ഉപയോഗിക്കുമ്പോൾ ഫലപ്രദമാണ്. എന്നിരുന്നാലും, ഈ മരുന്നിൻ്റെ അമിത അളവ് അപകടകരമായ പാർശ്വഫലങ്ങൾക്ക് കാരണമാകുമെന്ന് പഠനങ്ങൾ സൂചിപ്പിക്കുന്നു. പുതിയ കണ്ടെത്തലുകൾ പാരസെറ്റമോളിൻ്റെ ഉപയോഗത്തിൽ ജാഗ്രത പാലിക്കേണ്ടതിൻ്റെ ആവശ്യകതയെ ഉയർത്തിക്കാട്ടുന്നു.
  
News, National, New Delhi, Paracetamol, Diseases, Health, Lifestyle, Edinburgh University, Paracetamol overdose poses severe risk of acute liver failure: Study.

Keywods: News, National, New Delhi, Paracetamol, Diseases, Health, Lifestyle, Edinburgh University, Paracetamol overdose poses severe risk of acute liver failure: Study.
< !- START disable copy paste -->

Post a Comment