വെബ് പതിപ്പിൽ ചാറ്റ് ലോക്ക്
വാട്സ് ആപ് ഇപ്പോൾ മറ്റൊരു പുതിയ സുരക്ഷാ ഫീച്ചറിൻ്റെ പണിപ്പുരയിലാണ്. ഈ പുതിയ ഫീച്ചർ വന്നതിന് ശേഷം, വാട്സ് ആപ്പ് ഉപയോക്താക്കൾക്ക് ഡെസ്‌ക്‌ടോപ്പ് പതിപ്പിലും ചാറ്റുകൾ ലോക്ക് ചെയ്യാൻ കഴിയും. മൊബൈൽ ആപ്പ് പതിപ്പിൽ ചാറ്റ് ലോക്ക് ഫീച്ചർ ഇതിനകം ലഭ്യമാണ്.
സുരക്ഷയ്ക്കുള്ള പാസ്കീകൾ
ആൻഡ്രോയിഡ് ഉപയോക്താക്കൾക്കായി മെറ്റാ പാസ്കീകൾ അവതരിപ്പിച്ചത് കഴിഞ്ഞ വർഷമാണ്, എന്നാൽ ഇപ്പോൾ ഇത് ഐഫോൺ ഉപയോക്താക്കൾക്കായി പുറത്തിറക്കുന്നു. ലോഗിൻ പ്രക്രിയ കൂടുതൽ സുരക്ഷിതമാക്കുന്ന ഫീച്ചറാണ് പാസ്കീ. ഇതുവഴി പാസ്‌വേർഡുകളില്ലാതെ അക്കൗണ്ടുകൾ സുരക്ഷിതമാക്കാൻ സഹായിക്കും. പാസ്‌വേർഡുകൾ ഓർത്തുവെക്കാൻ ബുദ്ധിമുട്ടുന്നവർക്ക് ആശ്വാസകരമാവും.
കമ്മ്യൂണിറ്റിയിൽ ഇവൻ്റുകൾ പിൻ ചെയ്യാം
ഇവൻ്റുകൾ പിൻ ചെയ്യാനുള്ള ഫീച്ചറും വൈകാതെ വാട്ട്‌സ്ആപ്പ് കമ്മ്യൂണിറ്റിയിൽ ലഭ്യമാകും. ഈ ഫീച്ചർ അവതരിപ്പിച്ച ശേഷം, കമ്മ്യൂണിറ്റി ഗ്രൂപ്പിൽ, വരാനിരിക്കുന്ന ഏത് ഇവൻ്റും പിൻ ചെയ്യാൻ നിങ്ങൾക്ക് കഴിയും. പുതിയ ഫീച്ചറിൽ ഏതെങ്കിലും പ്രത്യേക അവസരത്തിനോ പരിപാടിക്കോ റിമൈൻഡറുകൾ സജ്ജീകരിക്കാനും കഴിയും. നിലവിൽ ആൻഡ്രോയിഡിൻ്റെ ബീറ്റ പതിപ്പ് 2.24.3.20 ൽ ഈ ഫീച്ചർ പരീക്ഷണ ഘട്ടത്തിലാണ്.
വലിയ ഫയലുകൾ പങ്കിടാം
പുതിയ ഫയൽ ഷെയറിംഗ് സംവിധാനവും അവതരിപ്പിക്കാൻ ഒരുങ്ങുകയാണ് വാട്സ് ആപ്. ഈ ഫീച്ചർ അവതരിപ്പിച്ചതിന് ശേഷം, ഷെയർഇറ്റ്, ആൻഡ്രോയിഡ് നിയർബൈ എന്നിവയിലൂടെ പങ്കിടുന്നതുപോലെ തന്നെ വലിയ ഫയലുകളും എച്ച്ഡി ഫോട്ടോകളും വീഡിയോകളും വാട്ട്‌സ്ആപ്പ് ഉപയോക്താക്കൾക്ക് പരസ്പരം പങ്കിടാൻ കഴിയും.
Keywords: News, News-Malayalam-News, National, National-News, Lifestyle, Lifestyle-News, Technology, New WhatsApp Features You Must Know.