സ്കൂൾ, കോളജുകളടക്കം ഓൺലൈൻ സംവിധാനത്തിലാണ് പ്രവർത്തിച്ചത്. ചൊവ്വാഴ്ചയും ഓൺലൈൻ പഠനമായിരിക്കുമെന്ന് അറിയിച്ചിട്ടുണ്ട്. ബുധനാഴ്ച വരെ മോശം കാലാവസ്ഥയാണെന്നാണ് പ്രവചിച്ചിരിക്കുന്നത്. വെള്ളക്കെട്ടിനെ തുടർന്ന് പലയിടങ്ങളിലും ഗതാഗതം തടസപ്പെട്ടു. റോഡുകളിലും
കെട്ടിടങ്ങളുടെ പാർകിങ് പ്രദേശത്തും വെള്ളം നിറഞ്ഞിരിക്കുകയാണ്.
അതിനിടെ മഴയും സമ്പാദിക്കാൻ അവസരമാക്കി മാറ്റിയ ഒരു പ്രവാസിയുടെ വീഡിയോ സാമൂഹ്യ മാധ്യമങ്ങളിൽ വൈറലായിരിക്കുകയാണ്. മഴയിൽ റോഡിൽ വെള്ളക്കെട്ട് രൂപപ്പെട്ട സാഹചര്യത്തിൽ ഒരു വശത്ത് നിന്ന് മറ്റൊരു വശത്തേക്ക് ആളുകളെ പ്രത്യേക സംവിധാനത്തിൽ കടത്തിവിടുന്ന പാകിസ്താനി പ്രവാസിയെയാണ് വീഡിയോയിൽ കാണാനാവുക.
രണ്ട് ദിർഹം നൽകിയാൽ ഷൂസ് ഇട്ടവർക്ക് സുഖമായി അക്കര കടക്കാനാവും. വല്ലപ്പോഴും കിട്ടുന്ന മഴയേയും പഴിചാരി, ഇനി രണ്ടുമൂന്ന് ദിവസത്തേക്ക് കച്ചവടം വെള്ളത്തിലായി എന്ന് പറയുന്ന മലയാളികൾക്ക് പാഠമാണ് ഈ പാകിസ്താനിയെന്നാണ് നെറ്റിസൻസ് പ്രതികരിച്ചത്.
Keywords: News, Malayalam-News, World, World-News, Gulf, Gulf-News, Dubai,UAE News, Viral Video, Interesting viral video from UAE