Resigned | ഹംഗറിയുടെ ചരിത്രത്തിലെ ആദ്യത്തെ വനിതാ പ്രസിഡന്റ് രാജിവെച്ചു; കാരണം ഇതാണ്

ഇതിനെതിരെ ഹംഗറിയിൽ വിവിധ കോണുകളിൽ നിന്ന് വിമർശനം ഉയർന്നിരുന്നു. ഇതിന് പിന്നാലെ, 2022 മുതൽ താൻ വഹിച്ചിരുന്ന പ്രസിഡൻറ് സ്ഥാനത്തുനിന്നും ഒഴിയുന്നുവെന്ന് ടെലിവിഷൻ സന്ദേശത്തിലൂടെ 46 കാരിയായ കാറ്റലിൻ അറിയിച്ചു. തൻ്റെ തീരുമാനത്തിൽ ഖേദം പ്രകടിപ്പിക്കുകയും ഈ ക്ഷമാപണം നൽകിയതിൽ തനിക്ക് തെറ്റ് പറ്റിയെന്നും അവർ പറഞ്ഞു. ഹംഗറിയുടെ ചരിത്രത്തിലെ ആദ്യത്തെ വനിതാ പ്രസിഡൻ്റും ഈ പദവി വഹിക്കുന്ന ഏറ്റവും പ്രായം കുറഞ്ഞ വ്യക്തിയുമായിരുന്നു കാറ്റലിൻ.

കഴിഞ്ഞ വർഷം ഏപ്രിലിൽ ഫ്രാൻസിസ് മാർപാപ്പ ഹംഗറിയിൽ എത്തിയപ്പോൾ പ്രസിഡൻ്റ് കാറ്റലിൻ 25 പേരുടെ ശിക്ഷയിൽ മാപ്പുനൽകിയിരുന്നു. ഈ 25 തടവുകാരുടെ പേരുകൾ കഴിഞ്ഞയാഴ്ചയാണ് പുറത്തുവന്നത്. ഇതിൽ ശിശുഭവനിലെ ഡയറക്ടർക്കെതിരെ ഉയർന്ന ലൈംഗികാരോപണം പിൻവലിക്കാൻ കുട്ടികളിൽ സമ്മർദം ചെലുത്തിയെന്ന കേസിൽ എട്ട് വർഷം തടവിന് ശിക്ഷിക്കപ്പെട്ടയാൾക്ക് പ്രസിഡന്റ് മാപ്പ് നൽകിയതാന് വിമർശനത്തിന് വിധേയമായത്. നൊവാക്കിനെ ഹംഗേറിയിൽ ഏറ്റവും സ്വാധീനമുള്ള സ്ത്രീയായി ഫോർബ്സ് മാഗസിൻ കഴിഞ്ഞ വർഷം തിരഞ്ഞെടുത്തിരുന്നു.