Arrested | വസ്തു തരം മാറ്റുന്നതിന് കൈക്കൂലി; 5000 രൂപയുമായി ആലപ്പുഴയില്‍ 2 വിലേജ് ഉദ്യോഗസ്ഥര്‍ പിടിയില്‍

ആലപ്പുഴ: (KVARTHA) 5000 രൂപ കൈക്കൂലി പണവുമായി ആലപ്പുഴ പുന്നപ്രയിലെ രണ്ട് വിലേജ് ഓഫീസ് ഉദ്യോഗസ്ഥരെ വിജിലന്‍സ് പിടികൂടി. വിജിലന്‍സ് ഉദ്യോഗസ്ഥരെ കണ്ട് ഇരുവരും കൈക്കൂലിപ്പണം മുറ്റത്തേക്ക് വലിച്ചെറിഞ്ഞെങ്കിലും നിയമക്കുരുക്കില്‍ നിന്ന് രക്ഷപ്പെടാനായില്ല.

പുന്നപ്രയിലെ വിലേജ് അസിസ്റ്റന്റ് എംസി വിനോദ് (47), ഫീല്‍ഡ് അസിസ്റ്റന്റ് ബി അശോകന്‍ (55) എന്നിവരാണ് ആലപ്പുഴ റേന്‍ജ് വിജിലന്‍സ് ഉദ്യോഗസ്ഥര്‍ ഒരുക്കിയ കെണിയില്‍ കുടുങ്ങിയത്. വസ്തു തരം മാറ്റുന്നതിനുള്ള അപേക്ഷ ആര്‍ഡിഒ ഓഫീസിലേക്ക് അയക്കുന്നതിന് പുന്നപ്ര സ്വദേശിയായ ഒരു വീട്ടുടമയില്‍നിന്ന് പണം ആവശ്യപ്പെട്ടെന്നാണ് പരാതി.

കഴിഞ്ഞ ഓഗസ്റ്റില്‍ വീട്ടുടമ ഭൂമി തരം മാറ്റുന്നതിനുള്ള അപേക്ഷയുമായി വിലേജ് ഓഫീസിലെത്തുന്നതോടെയാണ് സംഭവങ്ങള്‍ക്ക് തുടക്കം. ഏറെ നാളത്തെ കാത്തിരിപ്പിന് ശേഷം കഴിഞ്ഞ ശനിയാഴ്ച ഭൂമിയുടെ അളവെടുക്കാന്‍ രണ്ട് ഉദ്യോഗസ്ഥരും വീട്ടിലെത്തി.