Period Problem | ആർത്തവ ലക്ഷണങ്ങൾ അനുഭവപ്പെടുന്നു, എന്നാൽ രക്തസ്രാവം ഉണ്ടാകുന്നില്ലേ? ഇതിന് പിന്നിലെ കാരണങ്ങൾ അറിയാം

ന്യൂഡെൽഹി: (KVARTHA) സ്ത്രീകൾക്ക് ആർത്തവം കൃത്യസമയത്ത് സംഭവിക്കുന്നത് വഴി പല തരത്തിലുള്ള രോഗങ്ങളും ഒഴിവാകുന്നു. ഇന്നത്തെ കാലത്ത്, എല്ലാവരുടെയും ജീവിതശൈലി വളരെ തിരക്കുള്ളതായി മാറുമ്പോൾ, അത് ശരീരത്തെയും ആർത്തവത്തെയും ബാധിക്കുന്നു. ഹോർമോൺ വ്യതിയാനങ്ങൾ, സമ്മർദം, യാത്ര, മോശം ജീവിതശൈലി, പോഷകാഹാരക്കുറവ് എന്നിവ കാരണം ആർത്തവം വൈകുന്നത് സാധാരണ പ്രശ്നമാണ്.

എന്നാൽ ചില സമയങ്ങളിൽ ആർത്തവ ലക്ഷണങ്ങൾ ഉണ്ടാകുമെങ്കിലും ആർത്തവം വരാത്ത പ്രശ്‌നവും സ്ത്രീകൾ നേരിടുന്നുണ്ട്. മലബന്ധം നേരിടുകയും ശരീരത്തിൽ ബലഹീനത അനുഭവപ്പെടുകയും ചെയ്യാം. പലപ്പോഴും സ്ത്രീകൾ ഇത് ഗർഭത്തിൻറെ ലക്ഷണമായി കണക്കാക്കുന്നു. എന്നാൽ ആർത്തവം നഷ്ടപ്പെട്ട് 10 ദിവസം കഴിഞ്ഞ് ഗർഭ പരിശോധന നടത്താം. പ്രെഗ്നൻസി ടെസ്റ്റ് നെഗറ്റീവായാലും, ആർത്തവം പോലെയുള്ള ലക്ഷണങ്ങൾ അനുഭവപ്പെടുകയും ആർത്തവം ഇല്ലാതിരിക്കുകയും ചെയ്താൽ, ഇതിന് മറ്റ് പല കാരണങ്ങളും ഉണ്ടാകാമെന്ന് ആരോഗ്യ വിദഗ്ധർ പറയുന്നു.

ഭാരക്കുറവ്

അമിതഭാരം അപകടകരമാണ്, എന്നാൽ പ്രായത്തിനനുസരിച്ച് ഭാരക്കുറവും ഒരുപോലെ അപകടകരമാണ്. ഭാരക്കുറവ് ഹോർമോൺ അസന്തുലിതാവസ്ഥയ്ക്ക് കാരണമാകുന്നു. പെട്ടെന്ന് ശരീരഭാരം കുറയുന്നത് മൂലം ആർത്തവ ലക്ഷണങ്ങൾ അനുഭവപ്പെടുമെങ്കിലും ആർത്തവം ഉണ്ടാകില്ല. ഭക്ഷണനിയന്ത്രണവും അമിത വ്യായാമവും പെട്ടെന്നുള്ള തടി കുറയാനുള്ള കാരണമാകാം..

സമ്മർദം

സമ്മർദം മിക്കവർക്കും ഇന്നത്തെ ജീവിതത്തിൻ്റെ ഭാഗമായി മാറിയിരിക്കുന്നു. അമിതമായ സമ്മർദം മൂലം സ്ത്രീകൾക്ക് ആർത്തവം ഉണ്ടാകുന്നതിൽ പ്രശ്നങ്ങൾ ഉണ്ടാകാം. അമിത സമ്മർദം കാരണം, ശരീരത്തിൽ കോർട്ടിസോൾ ഹോർമോണിൻ്റെ അളവ് വർധിക്കുന്നു, അതിനാൽ ആർത്തവം ഉണ്ടാകാതെ വരാം.

പോളിസിസ്റ്റിക് ഓവറി സിൻഡ്രോം (PCOS)

പിസിഒഎസ് ഹോർമോൺ അസന്തുലിതാവസ്ഥയുമായി ബന്ധപ്പെട്ട ഒരു പ്രശ്നമാണ്. ഇക്കാലത്ത് സ്ത്രീകളിൽ ഈ പ്രശ്നം കൂടുതലായി കണ്ടുവരുന്നു. പിസിഒഎസ് ശരീരത്തിൽ പുരുഷ ആൻഡ്രോജൻ ഹോർമോണുകളുടെ അധിക ഉൽപാദനത്തിന് കാരണമാകുന്നു, ഇത് വിവിധ പ്രശ്നങ്ങളിലേക്ക് നയിക്കുന്നു. പിസിഒഎസ് കാരണം, ക്രമരഹിതമായ ആർത്തവം, ശരീരഭാരം, മുടി കൊഴിച്ചിൽ , ശരീര ബലഹീനത തുടങ്ങിയ ലക്ഷണങ്ങൾ സ്ത്രീകൾക്ക് അനുഭവപ്പെടുന്നു .

തൈറോയ്ഡ്

മാറിയ ജീവിത ശൈലിയിൽ പലരേയും അലട്ടികൊണ്ടിരിക്കുന്ന പ്രശ്നമാണ് തൈറോയിഡ്. ഇതിന്റെ അളവ് കൂടുമ്പോൾ, ഓരോ മാസവും ആർത്തവത്തിൻറെ ലക്ഷണങ്ങൾ അനുഭവപ്പെടുമെങ്കിലും സ്ത്രീകൾക്ക് ആർത്തവം ഉണ്ടാകാതെ വരാം.

മരുന്നുകൾ

ചില മരുന്നുകൾ ഹോർമോണുകളുടെ അളവിനെ ബാധിക്കുന്നു, ഇത് ആർത്തവം നഷ്ടപ്പെടുന്ന പ്രശ്നത്തിലേക്ക് നയിച്ചേക്കാം. ആർത്തവം സംബന്ധമായ ഏതെങ്കിലും പ്രശ്നം ഉണ്ടായാൽ, സ്ത്രീകൾ തീർച്ചയായും ഡോക്ടറെ സമീപിക്കേണ്ടതാണ്.

Keywords: News-Malayalam-News, National, National-News, Health, Health-News, Lifestyle, Lifestyle-News, New Delhi, Period, Absence of Menstrual Periods, Women's Health Issues.

< !- START disable copy paste -->