ഉഷ എന്ന സ്ത്രീയാണ് ആക്രമിക്കപ്പെട്ടത്. ഗുരുതരമായി പരുക്കേറ്റ ഉഷ തിരുവനന്തപുരം മെഡികല്‍ കോളജ് ആശുപത്രിയില്‍ ചികിത്സയിലാണ്. ഭാര്യയുമായി പ്രതി കുറച്ചുകാലമായി പിണക്കത്തില്‍ ആയിരുന്നുവെന്ന് പ്രദേശവാസികള്‍ പറഞ്ഞു.
സംഭവത്തെ കുറിച്ച് പൊലീസ് പറയുന്നത്: പുതുവത്സരദിനത്തില്‍ രാത്രി 7.30 ഓടെയായിരുന്നു സംഭവം. ഉഷ വീടിന് അടുത്ത് കടയില്‍ സാധനം വാങ്ങാന്‍ എത്തിയപ്പോഴായിരുന്നു ഭര്‍ത്താവില്‍ നിന്ന് അപ്രതീക്ഷിത ആക്രമണം ഉണ്ടായത്.
സൂര്യകാന്തിയിലുള്ള കടയില്‍ സാധനം വാങ്ങാന്‍ എത്തിയപ്പോള്‍ ആക്രമണത്തിനായി പ്രതി ആസിഡും കത്തിയുമായി കാത്തിരിക്കുകയായിരുന്നു. ഉഷയുടെ മുഖത്തേക്ക് ആസിഡ് ഒഴിച്ചതിനുശേഷം മുതുകത്ത് കത്തികൊണ്ട് കുത്തിയതിന് പിന്നാലെ ബൈകില്‍ കയറി രക്ഷപ്പെടാന്‍ ശ്രമിച്ച രാധാകൃഷ്ണനെ പ്രദേശവാസികള്‍ ചേര്‍ന്ന് പിടികൂടി പൊലീസിനെ ഏല്‍പിക്കുകയായിരുന്നു.
.jpg "Accused")
ഭാര്യയോടുള്ള സംശയവും ആക്‌സിഡന്റ് ക്ലെയിം ലഭിക്കാന്‍ ഒപ്പിട്ട് നല്‍കാത്തതുമായുള്ള വൈരാഗ്യമാണ് ആക്രമത്തിന് കാരണം. ദമ്പതികള്‍ക്ക് രണ്ട് മക്കളുണ്ട്. പ്രതിയെ നെടുമങ്ങാട് കോടതിയില്‍ ഹാജരാക്കി ശേഷം റിമാന്‍ഡ് ചെയ്തു.
പാലോട് സി ഐ പി ഷാജിമോന്‍, എസ് ഐമാരായ എ നിസാറുദ്ദീന്‍, റഹീം, രാജന്‍, ജി എസ് സിപിഒ സജുകുമാര്‍, അരുണ്‍ എന്നിവരുടെ സംഘമാണ് പ്രതിയെ പിടികൂടിയത്.
Keywords: News, Kerala, Kerala-News, Police-News, Local-News,Regional-News, Thiruvananthapuram News, Pour, Acid, Man, Arrested, Nedumangad News, Attempt, Kill, Woman, Wife, Face, Thiruvananthapuram: Man Arrested in Nedumangad after attempt to kill woman.