രാജ്യത്തിന്റെ വന്നഗരങ്ങളില് പുതുവത്സരം ആരംഭിച്ചത് വന് ഗതാഗതക്കുരുക്കോടെയാണ്. മണിക്കൂറുകള് നീളുന്ന ഗതാഗതക്കുരുക്കില് ആളുകള് കുടുങ്ങിക്കിടക്കുന്നതിനെക്കുറിച്ച് സാമൂഹ്യമാധ്യമങ്ങളില് ഉള്പ്പടെ നിരവധി പരാതികളണ് ഉയര്ന്നിരിക്കുന്നത്. ആംബുലന്സുകള് ഉള്പ്പടെ അത്യാവശ്യ വാഹനങ്ങളുടെ യാത്രവരെ തടസപ്പെടുത്തുന്ന രീതിയിലുള്ള ഗതാഗതക്കുരുക്കാണ് തിങ്കളാഴ്ച വിവിധയിടങ്ങളിലുണ്ടായിരുന്നത്. ഇത് കാരണം പുതുവത്സാരാഘോഷങ്ങള്ക്കായി നാട്ടിലേക്ക് മടങ്ങിയ പലര്ക്കും ലക്ഷ്യസ്ഥാനത്ത് എത്തിച്ചേരാന് സാധിച്ചിരുന്നില്ല. ഇതും ട്രക്ക് ഡ്രൈവര്മാരുടെ പണിമുടക്കിന് കാരണമായി.
എന്താണ് പുതിയ ഹിറ്റ്-ആന്ഡ്-റണ് നിയമം..?
ഭാരതീയ ന്യായ് സന്ഹിതയുടെ (B N S) സെക്ഷന് 104-ലാണ് പുതിയ ഹിറ്റ് ആന്ഡ് റണ് നിയമം ഉള്പ്പെടുത്തിയിരിക്കുന്നത്.
അശ്രദ്ധയോടെ വാഹനമോടിച്ചുണ്ടാവുന്ന അപകട മരണത്തിനാണ് ഈ നിയമപ്രകാരം കുറ്റക്കാരെ ശിക്ഷിക്കുക. നിയമത്തില് രണ്ട് ഉപവകുപ്പുകളാണുള്ളത്. ആദ്യത്തത് 104(1), ഇതുപ്രകാരം മനഃപ്പൂര്വമല്ലാത്ത നരഹത്യയാണ്. അശ്രദ്ധയോടുള്ള ഡ്രൈവിംഗ് കാരണം ഏതെങ്കിലും വ്യക്തിയുടെ മരണം സംഭവിച്ചാല് അഞ്ച് വര്ഷം വരെ തടവും പിഴയുമാണ് ശിക്ഷ.
104(2) മനഃപൂര്വമല്ലാത്ത നരഹത്യ അല്ലെങ്കില് അശ്രദ്ധമായ ഡ്രൈവിംഗ് മൂലം ആരുടെയങ്കിലും മരണത്തിന് കാരണമാവുകയും സംഭവസ്ഥലത്ത് നിന്ന് രക്ഷപ്പെടാന് ശ്രമിക്കുകയും ചെയ്യുന്നതിനുള്ള ശിക്ഷയാണ് രണ്ടാമത്തെ ഉപവകുപ്പില് പ്രതിപാദിക്കുന്നത്. അപകട വിവരം പോലീസുകാരെ അറിയിക്കാതെ രക്ഷപ്പെുന്നത് തടയുകയണ് ഇതിന്റെ ലക്ഷ്യം. പത്ത് വര്ഷം വരെ തടവും പിഴയുമാണ് ഇതിനുള്ള ശിക്ഷ.
ഇന്ത്യന് പീനല് കോഡ് (IPC) സെക്ഷന് 304 (എ)യിലായിരുന്നു ഹിറ്റ് ആന്ഡ് റണ്ണിനുള്ള ശിക്ഷ മുന്പ് വിവരിച്ചിരുന്നത്. ഈ വകുപ്പ് പ്രകാരം അശ്രദ്ധമായ ഡ്രൈവിംഗിലൂടെ ഏതെങ്കിലും വ്യക്തിയുടെ മരണത്തിന് കാരണമായാല് രണ്ട് വര്ഷം വരെ തടവും പിഴയുമായിരുന്നു ശിക്ഷ.
Keywords: News, Malayalam-News, Lifestyle, Lifestyle-News, National, Hit and Run, IPC, How The New Hit-And-Run Law Is Different from the Old | EXPLAINED.