Gautam Adani | രാജ്യത്തെ ഏറ്റവും സമ്പന്നനെന്ന സ്ഥാനം ഇനി ഗൗതം അദാനിക്ക്; മുകേഷ് അംബാനി ഇനി രണ്ടാമന്‍
Jan 5, 2024, 13:58 IST
മുംബൈ: (KVARTHA) രാജ്യത്തെ ഏറ്റവും സമ്പന്നനെന്ന സ്ഥാനം മുകേഷ് അംബാനിയില്‍നിന്ന് തിരികെ പിടിച്ച് ഗൗതം അദാനി. പട്ടിക പ്രകാരം അദാനിയുടെ മൊത്തം ആസ്തി 8,11,836 കോടി രൂപ (97.6 ബില്യണ്‍ ഡോളര്‍)ആണ്. അംബാനിയുടേത് 8,06,845 കോടി രൂപ (97 ബില്യണ്‍ ഡോളര്‍)യും. ഇരുവരും തമ്മില്‍ ഇഞ്ചോടിഞ്ച് പോരാട്ടമാണ്.
ഹിന്‍ഡെന്‍ബെര്‍ഗ് റിപോര്‍ടിനെ തുടര്‍ന്ന് അദാനി ഗ്രൂപ് ഓഹരികളില്‍ കുത്തനെ ഇടിവുണ്ടായതാണ് കഴിഞ്ഞവര്‍ഷം അദാനിക്ക് തിരിച്ചടിയായത്. അദാനി ഗ്രൂപിന് എതിരായുള്ള ഹിന്‍ഡന്‍ബര്‍ഗ് ആരോപണങ്ങളില്‍ പുതിയ അന്വേഷണം വേണമെന്ന ആവശ്യം സുപ്രീം കോടതി കഴിഞ്ഞദിവസം നിരസിച്ചതോടെ അദാനി ഗ്രൂപിന്റെ ലിസ്റ്റ് ചെയ്ത കംപനികളുടെ ഓഹരികള്‍ എല്ലാം കുതിച്ചുയര്‍ന്നിരുന്നു. ഇതോടെയാണ് മുകേഷ് അംബാനിയെ പിന്തള്ളി അദാനി ആസ്തിയില്‍ മുന്നിലായത്. നിലവില്‍ ഇന്‍ഡ്യയിലെയും ഏഷ്യയിലെയും ഏറ്റവും വലിയ സമ്പന്നനാണ് ഗൗതം അദാനി.
ബ്ലൂംബെര്‍ഗ് ബില്യണയര്‍ സൂചിക പ്രകാരം ലോകത്തിലെ ഏറ്റവും സമ്പന്നരായ വ്യക്തികള്‍
1 ഇലോണ്‍ മസ്‌ക് - 220 ബില്യണ്‍ ഡോളര്‍
2 ജെഫ് ബെസോസ് - 169 ബില്യണ്‍ ഡോളര്‍
3 ബെര്‍ണാഡ് അര്‍നോള്‍ട്ട് - 168 ബില്യണ്‍ ഡോളര്‍
4 ബില്‍ ഗേറ്റ്‌സ് - 138 ബില്യണ്‍ ഡോളര്‍
5 സ്റ്റീവ് ബാല്‍മര്‍ - 128 ബില്യണ്‍ ഡോളര്‍
6 മാര്‍ക് സകര്‍ബര്‍ഗ് - 126 ബില്യണ്‍ ഡോളര്‍
7 ലാറി പേജ് - 124 ബില്യണ്‍ ഡോളര്‍
8 വാറന്‍ ബഫറ്റ് - 122 ബില്യണ്‍ ഡോളര്‍
9 ലാറി എല്ലിസണ്‍ - 120 ബില്യണ്‍ ഡോളര്‍
10 സെര്‍ജി ബ്രിന്‍ - 117 ബില്യണ്‍ ഡോളര്‍
11 കാര്‍ലോസ് സ്ലിം - 102 ബില്യണ്‍ ഡോളര്‍
12 ഗൗതം അദാനി - 97.6 ബില്യണ്‍ ഡോളര്‍
13 മുകേഷ് അംബാനി - 97 ബില്യണ്‍ ഡോളര്‍
Keywords: Bloomberg Billionaires Index: Gautam Adani surpasses Mukesh Ambani to become Asia’s richest person with net worth of $97.6 billion, Mumbai, News, Business, Business Men, Bloomberg Billionaires Index, Gautam Adani, Mukesh Ambani, Asia’s Richest Person, National News.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
