MLAs | മധ്യപ്രദേശിൽ പുതുതായി തിരഞ്ഞെടുക്കപ്പെട്ട എംഎൽഎമാരിൽ 89% വും കോടീശ്വരന്മാർ; 90 പേർക്കെതിരെ ക്രിമിനൽ കേസ്; കൗതുകമുണർത്തുന്ന കണക്കുകൾ ഇങ്ങനെ

ക്രിമിനൽ കേസുകളുള്ള 90 എംഎൽഎമാരിൽ 51 പേർ ബിജെപിയിൽ നിന്നും 38 പേർ കോൺഗ്രസ് പാർട്ടിയിൽ നിന്നും ഒരാൾ ഭാരതീയ ആദിവാസി പാർട്ടിയിൽ നിന്നുമാണ്. സംസ്ഥാനത്തെ തിരഞ്ഞെടുക്കപ്പെട്ട 205 എംഎൽഎമാർ 205 പേരും, അതായത് ഏകദേശം 89 ശതമാനം പേരും കോടീശ്വരന്മാരാണ് എന്നതാണ് റിപ്പോർട്ടിലെ മറ്റൊരു കൗതുകകരമായ വിവരം. ഈ കോടീശ്വര എംഎൽഎമാരിൽ 144 പേർ ബിജെപിയിൽ നിന്നും 61 പേർ കോൺഗ്രസിൽ നിന്നുമാണ്.

രത്‌ലാം ജില്ലയിലെ രത്‌ലാം സിറ്റി നിയോജക മണ്ഡലത്തിൽ നിന്നുള്ള ബിജെപി എംഎൽഎ, ചേതന്യ കശ്യപാണ് സംസ്ഥാനത്തെ ഏറ്റവും ധനികനായ എംഎൽഎ, ആകെ സ്വത്ത് 296 കോടിയിലധികം. കട്‌നി ജില്ലയിലെ വിജയരാഘവ്ഗഡ് നിയമസഭാ സീറ്റിൽ നിന്നുള്ള ബിജെപി എംഎൽഎ, സഞ്ജയ് സത്യേന്ദ്ര പതക് 242 കോടിയിലധികം സ്വത്തുമായി രണ്ടാമത്തെ സമ്പന്നനായ എംഎൽഎയാണ്, തൊട്ടുപിന്നിലുള്ള കോൺഗ്രസ് നേതാവ് കമൽനാഥിന് മൊത്തം 134 കോടിയിലധികം സമ്പത്തുണ്ടെന്ന് റിപ്പോർട്ട് പറയുന്നു.

കൂടാതെ, വിജയിച്ച 161 പേർ ബിരുദധാരികളോ അതിനു മുകളിലുള്ള വിദ്യാഭ്യാസ യോഗ്യതയോ ഉള്ളവരാണ്. അതുപോലെ, 64 എംഎൽഎമാർ വിദ്യാഭ്യാസ യോഗ്യത അഞ്ചാം ക്ലാസിനും 12-ാം ക്ലാസിനും ഇടയിലാണെന്ന് നാമനിർദേശ പത്രികയിൽ വ്യക്തമാക്കിയിട്ടുണ്ട്. വിജയിച്ച മൂന്ന് സ്ഥാനാർത്ഥികൾ ഡിപ്ലോമ ഉള്ളവരും രണ്ട് പേർ വെറും സാക്ഷരതയുള്ളവരുമാണെന്ന് റിപ്പോർട്ട് ചൂണ്ടിക്കാട്ടുന്നു.

വിജയിച്ച 230 സ്ഥാനാർത്ഥികളിൽ 27 സ്ഥാനാർത്ഥികൾ (12%) സ്ത്രീകളാണ്. കഴിഞ്ഞ നിയമസഭാ തെരഞ്ഞെടുപ്പിനെ അപേക്ഷിച്ച് സംസ്ഥാനത്ത് വനിതാ എംഎൽഎമാരുടെ എണ്ണം അൽപ്പം കൂടുതലാണ്. തെരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളുടെ ക്രിമിനൽ, സാമ്പത്തിക, വിദ്യാഭ്യാസ പശ്ചാത്തലം വെളിപ്പെടുത്തുന്ന ഒരു ലാഭേച്ഛയില്ലാതെ പ്രവർത്തിക്കുന്ന സ്ഥാപനമാണ് എഡിആർ. കഴിഞ്ഞ ഞായറാഴ്ചയാണ് മധ്യപ്രദേശിൽ നിയമസഭാ തിരഞ്ഞെടുപ്പ് ഫലം വന്നത്. സംസ്ഥാനത്ത് ബിജെപി 163 സീറ്റുകൾ നേടി സമഗ്ര വിജയം നേടിയപ്പോൾ കോൺഗ്രസിന് 66 സീറ്റുകൾ മാത്രമാണ് നേടാനായത്. ഭാരത് ആദിവാസി പാർട്ടി ഒരു സീറ്റും നേടി.

Keywords: News, National, Bhopal, Election, Election Result, Congress, BJP, Madhya Pradesh, Criminal Case, MLAs, MP: 89% of newly-elected MLAs crorepatis, 39% have criminal cases: Report.
< !- START disable copy paste -->