Malavika Jayaram | മാളവിക ജയറാമിന്റെ വിവാഹനിശ്ചയം കഴിഞ്ഞു; വരന്‍ നവനീത് ഗിരീഷ്
Dec 8, 2023, 14:05 IST
ചെന്നൈ: (KVARTHA) ജയറാം-പാര്‍വതി താരദമ്പതികളുടെ ഇളയമകള്‍ മാളവിക ജയറാമിന്റെ വിവാഹനിശ്ചയം കഴിഞ്ഞു. നവനീത് ഗിരീഷ് ആണ് വരന്‍. വിവാഹനിശ്ചയത്തിന്റെ ചിത്രങ്ങളും വീഡിയോകളും സാമൂഹിക മാധ്യമത്തില്‍ വൈറല്‍. ഏറെ നാളത്തെ പ്രണയത്തിനൊടുവിലാണ് വിവാഹനിശ്ചയം നടക്കുന്നത്.
കാളിദാസും താരിണിയും പാര്‍വതിയും ചേര്‍ന്നാണ് മാളവികയെ വേദിയിലേക്ക് ആനയിച്ചത്. മോതിര മാറ്റ ചടങ്ങിന് ശേഷം മാളവികയുടെ കണ്ണുനനയുന്നതും വീഡിയോയില്‍ കാണാം. ഐവറി നിത്തിലുള്ള ഫുള്‍ സ്ലീവ് ബ്ലൗസും ലെഹംഗയുമാണ് മാളവിക ധരിച്ചത്. കഴുത്തുനിറഞ്ഞു കിടക്കുന്ന മാലയും വലിയ കമ്മലും സുതാര്യമായ ദുപ്പട്ടയുമൊക്കെ മാളവികയുടെ മാറ്റുകൂട്ടി. ഐവറി നിറത്തിലുള്ള കുര്‍ത്തയും മുണ്ടുമാണ് നവനീത് ധരിച്ചത്.
അടുത്തിടെയാണ് കാമുകനേക്കുറിച്ച് മാളവിക ഇന്‍സ്റ്റഗ്രാമില്‍ പോസ്റ്റിടുന്നത്. നവനീതിന് പിറന്നാളാശംസ നേര്‍ന്നും ചിത്രംപങ്കുവെച്ചിരുന്നു. കാളിദാസിന്റെ വിവാവ നിശ്ചയദിനത്തിലും നവനീതിനൊപ്പമുള്ള ചിത്രങ്ങള്‍ മാളവിക പങ്കുവെച്ചിരുന്നു.
ഒരു മാസം മുമ്പാണ് സഹോദരന്‍ കാളിദാസ് ജയറാമും താരിണിയും തമ്മിലുള്ള വിവാഹനിശ്ചയം നടന്നത്. കാളിദാസിന്റെ വിവാഹത്തിന് മുമ്പുതന്നെ മാളവികയുടെ വിവാഹം ഉണ്ടാകുമെന്ന് അടുത്തിടെ ഒരു അഭിമുഖത്തില്‍ പാര്‍വതി വെളിപ്പെടുത്തിയിരുന്നു.
Keywords: Malavika Jayaram got Engaged; Video Out, Chennai, News, Malavika Jayaram, Engagement, Social Media, Parvathi, Jayaram, Kalidasan, National News.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
