Follow KVARTHA on Google news Follow Us!
ad

Lakshmika Sajeevan | 'കാക്ക' ഷോര്‍ട് ഫിലിമിലൂടെ ശ്രദ്ധനേടിയ നടി ലക്ഷ്മിക സജീവന്‍ അന്തരിച്ചു

ഹൃദയാഘാതമാണ് മരണകാരണമെന്നാണ് വിവരം Kakka, Short Film, Actress, Lakshmika Sajeevan, Passed Away, Died, Cinema, Heart Attack, Sharjah
കൊച്ചി: (KVARTHA) 'കാക്ക' എന്ന ജനപ്രീതി ഷോര്‍ട് ഫിലിമിലൂടെ ശ്രദ്ധനേടിയ നടി ലക്ഷ്മിക സജീവന്‍ അന്തരിച്ചു. ശാര്‍ജയില്‍വെച്ച് കഴിഞ്ഞ ദിവസമായിരുന്നു അന്ത്യം. ഹൃദയാഘാതമാണ് മരണകാരണമെന്നാണ് വിവരം. ഇക്കാര്യത്തില്‍ വ്യക്തത വരേണ്ടതുണ്ട്. പള്ളുരുത്തി സ്വദേശികളായ സജീവന്റേയും ലിമിറ്റയുടേയും മകളാണ്. കഴിഞ്ഞ കുറച്ച് നാളുകളായി ലക്ഷ്മിക ശാര്‍ജയില്‍ ജോലി ചെയ്ത് വരികയായിരുന്നു.

2021 ഏപ്രിലില്‍ ആണ് 'കാക്ക' റിലീസ് ചെയ്യുന്നത്. ചിത്രത്തിലെ പഞ്ചമി എന്ന നായിക വേഷം ആയിരുന്നു ലക്ഷ്മിക അവതരിപ്പിച്ചത്. കറുപ്പിനാല്‍ മാറ്റിനിര്‍ത്തപ്പെട്ടവരുടെ കഥ പറഞ്ഞ ചിത്രം പ്രേക്ഷക-നിരൂപക പ്രശംസകള്‍ ഏറെ നേടിയിരുന്നു.

കറുത്ത നിറമുള്ള, പല്ല് ഉന്തിയ ഒരു പെണ്‍കുട്ടിയായി ലക്ഷ്മിക ജീവിക്കുകയായിരുന്നു. തന്റെ രൂപം കാരണം വീട്ടുകാരില്‍ നിന്നുപോലും പഴികേള്‍ക്കേണ്ടിവന്ന, മാറ്റിനിര്‍ത്തപ്പെട്ട പഞ്ചമി, പിന്നീട് അവയെ എല്ലാം പോസിറ്റീവ് ആയി എടുത്ത് സധൈര്യം മുന്നേറുന്ന കഥയായിരുന്നു കാക്ക പറഞ്ഞത്.

ശേഷം മലയാള സിനിമയിലും ലക്ഷ്മിക തന്റെ സാന്നിധ്യം അറിയിച്ചു. യമണ്ടന്‍ പ്രേമകഥ, പഞ്ചവര്‍ണത്തത്ത, സൗദി വെള്ളക്ക, പുഴയമ്മ, ഉയരേ, ഒരു കുട്ടനാടന്‍ ബ്ലോഗ്, നിത്യഹരിത നായകന്‍ തുടങ്ങിയ ചിത്രങ്ങളിലും ലക്ഷ്മിക വേഷങ്ങള്‍ ചെയ്തിരുന്നു.




Keywords: News, Kerala, Kerala-News, Obituary, Obituary-News, Kakka, Short Film, Actress, Lakshmika Sajeevan, Passed Away, Died, Cinema, Heart Attack, Sharjah, Kakka short film actress Lakshmika Sajeevan passed away.

Post a Comment