XPoSat | ചുരുളഴിയാത്ത തമോഗർത്തങ്ങളുടെ രഹസ്യം തേടി ഇന്ത്യ; പുതുവർഷത്തിൽ ലോകത്തെ അമ്പരിപ്പിക്കാൻ 'എക്സ്പോസാറ്റ്' ദൗത്യവുമായി ഐഎസ്ആർഒ; അറിയാം കൂടുതൽ

 

എക്സ്പോസാറ്റ് (XPoSAT) ശാസ്ത്ര ഉപഗ്രഹമാണ് ഐഎസ്ആർഒ ഭ്രമണപഥത്തിലെത്തിക്കുന്നത്. ജനുവരി ഒന്നിന് രാവിലെ 9.10ൻ പോളാർ സാറ്റലൈറ്റ് ലോഞ്ച് വെഹിക്കിൾ (പിഎസ്എല്‍വി-സി58) എക്‌സ്‌പോസാറ്റിനെയും വഹിച്ചുകൊണ്ട് കുതിച്ചുയരും. മുമ്പ് അമേരിക്ക മാത്രമാണ് ഇത്തരം ഉപഗ്രഹം അയച്ചിട്ടുള്ളത്. നാസയുടെ ഇമേജിംഗ് എക്സറേ പോളാരിമെട്രി എക്സ്‌‌പ്ലോറർ 2021ഡിസംബർ ഒന്നിനാണ് വിക്ഷേപിച്ചത്. അത് ബഹിരാകാശത്തുണ്ട്.

ആ രഹസ്യങ്ങൾ തേടി

ഏറ്റവും വലിയ നക്ഷത്രങ്ങൾ ഇന്ധനം തീർന്ന് മരിക്കുമ്പോൾ, അവ സ്വന്തം ഗുരുത്വാകർഷണത്താൽ തകരുകയും തമോഗർത്തങ്ങളോ ന്യൂട്രോൺ നക്ഷത്രങ്ങളോ അവശേഷിപ്പിക്കുകയും ചെയ്യുന്നു. ഒരു നക്ഷത്രത്തിന്റെ അന്ത്യഘട്ടത്തില്‍ അതിന്റെ മരണത്തിന്റെ ഫലമായുണ്ടാകുന്ന ഒരു സ്വാഭാവിക പരിണാമാവസ്ഥയാണ് തമോഗര്‍ത്തം എന്ന് പറയാം. പ്രപഞ്ചത്തിലെ ഏറ്റവും നിഗൂഢമായ വസ്തുവാണ് തമോഗര്‍ത്തം.

പ്രപഞ്ചത്തിൽ ഏറ്റവും കൂടുതൽ ഗുരുത്വാകർഷണബലം ഉള്ളതും ന്യൂട്രോൺ നക്ഷത്രങ്ങളുടെ സാന്ദ്രത ഏറ്റവും കൂടിയതുമായ വസ്തുക്കളാണ് തമോഗർത്തങ്ങൾ.

അതിനാൽ ദൗത്യം ബഹിരാകാശത്ത് നിരീക്ഷിക്കപ്പെടുന്ന അതിതീവ്രമായ പരിസ്ഥിതിയുടെ രഹസ്യങ്ങൾ വെളിപ്പെടുത്തും. ന്യൂട്രോൺ നക്ഷത്രങ്ങൾ ചെറിയ വസ്തുക്കളാണെന്നും അവയുടെ വ്യാസം 20 മുതൽ 30 കിലോമീറ്റർ വരെയാണെന്നും ശാസ്ത്രജ്ഞർ പറയുന്നു. സൂപ്പർനോവ,ബ്ളാക്ക് ഹോൾ,പൾസാറുകൾ തുടങ്ങി ആകാശത്ത് തിളങ്ങുന്ന അൻപതോളം ഊർജ ഉറവകൾ, കോസ്മിക് എക്സ്റേ തുടങ്ങിയവയെ കുറിച്ചും എക്സ്പോസാറ്റ് പഠിക്കും.

ആയുസ് അഞ്ച് വർഷത്തിലധികം

ഒരു വർഷത്തിനുള്ളിൽ പ്രപഞ്ചം പര്യവേക്ഷണം ചെയ്യാനുള്ള ഇന്ത്യയുടെ മൂന്നാമത്തെ ദൗത്യമാണിത്. ആദ്യത്തേത് 2023 ജൂലൈ 14 ന് വിക്ഷേപിച്ച ചരിത്രപരമായ ചന്ദ്രയാൻ -3 ദൗത്യമായിരുന്നു, തുടർന്ന് 2023 സെപ്റ്റംബർ രണ്ടിന് ആദിത്യ-എൽ 1 വിക്ഷേപിച്ചു. എക്സ്പോസാറ്റ് ഉപഗ്രഹത്തിന് ഏകദേശം 250 കോടി രൂപ ചിലവുണ്ട്. നാസ ദൗത്യത്തിന്റെ ആയുസ് രണ്ട് വർഷമാണ്, അതേസമയം ഇന്ത്യയുടെ ഉപഗ്രഹം അഞ്ച് വർഷത്തിലധികം നീണ്ടുനിൽക്കുമെന്ന് പ്രതീക്ഷിക്കുന്നു. 469 കിലോഗ്രാം ഭാരമുള്ള എക്‌സ്‌പോസാറ്റിന് പുറമെ 44 മീറ്റർ നീളവും 260 ടൺ ഭാരവുമുള്ള റോക്കറ്റും 10 എണ്ണവുമായി പറക്കും.