Follow KVARTHA on Google news Follow Us!
ad

Nileena Atholi | ജി വേണുഗോപാല്‍ മാധ്യമ പുരസ്‌കാരം നിലീന അത്തോളിക്ക്; ജനുവരിയില്‍ കോട്ടയത്ത് നടക്കുന്ന ചടങ്ങില്‍ സമ്മാനിക്കും

15,000 രൂപയും ശില്‍പവും പ്രശസ്തിപത്രവും അടങ്ങുന്നതാണ് അവാര്‍ഡ് Nileena Atholi, G Venugopal Media Award, Award, Media, Journalist, Lakshadweep Series,
കണ്ണൂര്‍: (KVARTHA) പ്രമുഖ മാധ്യമ പ്രവര്‍ത്തകനും മംഗളം ദിനപത്രം ന്യൂസ് എഡിറ്ററുമായിരുന്ന ജി വേണുഗോപാലിന്റെ സ്മരണാര്‍ഥം മികച്ച രാഷ്ട്രീയ റിപോര്‍ടിങ്ങിന് കോട്ടയം പ്രസ് ക്ലബ് ഏര്‍പെടുത്തിയ മാധ്യമ പുരസ്‌കാരത്തിന് മാതൃഭൂമി ഓണ്‍ലൈന്‍ കോഴിക്കോട് യൂനിറ്റിലെ സബ് എഡിറ്റര്‍ നിലീന അത്തോളി അര്‍ഹയായി.

ലക്ഷദ്വീപിലെ തദ്ദേശീയരായ പൗരന്മാര്‍ അനുഭവിക്കുന്ന മനുഷ്യാവകാശ ലംഘനങ്ങളുടെ രാഷ്ട്രീയ ചിത്രം അനാവരണം ചെയ്ത് മാതൃഭൂമി ദിനപത്രത്തില്‍ പ്രസിദ്ധീകരിച്ച 'രക്ഷയില്ലല്ലോ ലക്ഷദ്വീപിന്' എന്ന പരമ്പരയാണ് നിലീനയെ പുരസ്‌കാരത്തിന് അര്‍ഹയാക്കിയത്. 15,000 രൂപയും ശില്‍പവും പ്രശസ്തിപത്രവും അടങ്ങുന്നതാണ് പുരസ്‌കാരം.

മുതിര്‍ന്ന മാധ്യമ പ്രവര്‍ത്തകന്‍ ജോര്‍ജ് പൊടിപാറ, ദീപിക ചീഫ് ന്യൂസ് എഡിറ്റര്‍ സി കെ കുര്യാച്ചന്‍, രാഷ്ട്രീയ നിരീക്ഷകന്‍ നിസാം സെയ്ത് എന്നിവരടങ്ങിയ ജൂറിയാണ് പുരസ്‌കാര ജേതാവിനെ കണ്ടെത്തിയത്. ജനുവരിയില്‍ കോട്ടയത്ത് നടക്കുന്ന ചടങ്ങില്‍ പുരസ്‌കാരം സമ്മാനിക്കും.




Keywords: News, Kerala, Kerala-News, Kannur-News, Kannur, Nileena Atholi, G Venugopal Media Award, Award, Media, Journalist, Lakshadweep Series, Kottayam Press Club, Reporter, Kannur News, G Venugopal Media Award to Nileena Atholi.

Post a Comment