CPM | രാജസ്താനിൽ 2 സീറ്റുകളിൽ സിപിഎം മുന്നിൽ; ലീഡ് ചെയ്യുന്നത് സിറ്റിംഗ് എംഎൽഎമാർ

  
ഭദ്ര മണ്ഡലത്തിൽ സിപിഎം സ്ഥാനാർഥി ബൽവാൻ പൂപുനിയയ്ക്ക് 11,785 വോട്ടുകളാണ് ഇതുവരെ ലഭിച്ചത്. 601 വോട്ടുകൾക്കാണ് അദ്ദേഹം ലീഡ് ചെയ്യുന്നത്. 11,184 വോട്ടുകളുമായി ബിജെപി സ്ഥാനാർത്ഥി സഞ്ജീവ് കുമാറാണ് രണ്ടാം സ്ഥാനത്ത്. ബല്‍വാന്‍ പൂനിയ 23153 വോട്ടിനാണ് 2018ല്‍ വിജയിച്ചത്.

ദുംഗാർഗഡിൽ സിപിഎം സ്ഥാനാർഥി ഗിർദാരിലാൽ മഹിയ 2,269 വോട്ടുകൾക്ക്‌ മുന്നിലാണ്‌. ഇതുവരെ അദ്ദേഹത്തിന് 4,566 വോട്ടുകളാണ് ലഭിച്ചത്. കോൺഗ്രസ് സ്ഥാനാർത്ഥി മംഗൽറാം ഗോദരയാണ് രണ്ടാം സ്ഥാനത്ത്. 2,297 വോട്ടുകൾ. 23896 വോട്ടുകളായിരുന്നു 2018ല്‍ ഗിർദാരിലാൽ മഹിയയുടെ ഭൂരിപക്ഷം.

ശക്തമായ കര്‍ഷക പ്രക്ഷോഭങ്ങളും മാവോയിസ്റ്റ് ആക്രമണങ്ങളുമുണ്ടായ മണ്ഡലങ്ങളിലാണ് സിപിഎം ഇത്തവണയും മുന്നിലുള്ളത്. അഖിലേന്ത്യാ കിസാന്‍ സഭയ്ക്ക് കീഴില്‍ സംസ്ഥാനത്തുടനീളം കര്‍ഷകര്‍ നടത്തിയ സമരങ്ങളാണ് സിപിഎമ്മിന് കരുത്തായത്. 2008ലാണ് സിപിഎം രാജസ്ഥാനില്‍ ഏറ്റവും കൂടുതല്‍ നേട്ടമുണ്ടാക്കിയത്. ധോദ്, ദാന്തരാംഗഡ്, അനുപ്ഗഡ് എന്നീ മണ്ഡലങ്ങളില്‍ അന്ന് വിജയിക്കാനായി. എന്നാല്‍, 2013ല്‍ രാജസ്ഥാനില്‍ സിപിഎമ്മിന് ഒരാളെ പോലും ജയിപ്പിക്കാന്‍ സാധിച്ചിരുന്നില്ല. < !- START disable copy paste -->