ന്യൂഡെല്‍ഹി: (KVARTHA) വരാനിരിക്കുന്ന ലോക് സഭാ തിരഞ്ഞെടുപ്പില്‍ മത്സരിക്കുമെന്ന സൂചന നല്‍കി ബോളിവുഡ് താരം കങ്കണ റണാവത്. ശ്രീകൃഷ്ണന്റെ അനുഗ്രഹമുണ്ടെങ്കില്‍ തിരഞ്ഞെടുപ്പില്‍ മത്സരിക്കുമെന്നായിരുന്നു താരത്തിന്റെ പ്രതികരണം. ലോക്സഭാ തിരഞ്ഞെടുപ്പില്‍ താരം മാണ്ഡിയില്‍ നിന്നും മത്സരിച്ചേക്കുമെന്ന റിപോര്‍ടുകളാണ് പുറത്തുവരുന്നത്.
കഴിഞ്ഞ ദിവസം ദ്വാരകാദിഷ് ക്ഷേത്രത്തിലെ സന്ദര്‍ശനത്തിനിടെ തിരഞ്ഞെടുപ്പില്‍ മത്സരിക്കാന്‍ താത്പര്യമുണ്ടോ എന്ന മാധ്യമപ്രവര്‍ത്തകരുടെ ചോദ്യത്തോട് പ്രതികരിക്കുകയായിരുന്നു അവര്‍. 'ശ്രീകൃഷ്ണന്റെ അനുഗ്രഹമുണ്ടെങ്കില്‍ പോരാടും. 600 വര്‍ഷത്തെ പോരാട്ടത്തിനൊടുവില്‍ അയോധ്യയില്‍ ശ്രീരാമന്റെ പ്രതിഷ്ഠ സ്ഥാപിക്കാന്‍ സാധിച്ചതിന് ബിജെപി നയിക്കുന്ന കേന്ദ്രസര്‍കാരിന് നന്ദി പറയുന്നു' എന്നും കങ്കണ പറഞ്ഞു.
വലിയ ആഘോഷത്തോടെ ക്ഷേത്രം സ്ഥാപിക്കുമെന്നും സനാതന ധര്‍മത്തിന്റെ പതാക ലോകമെമ്പാടും ഉയര്‍ത്തപ്പെടണമെന്നും താരം പറയുകയുണ്ടായി. ഹിമാചല്‍ പ്രദേശിലെ നാലു ലോക്സഭാ മണ്ഡലങ്ങളില്‍ ഒന്നാണ് മാണ്ഡി. ബിജെപിയുടെ രാം സ്വരൂപ് ശര്‍മയാണ് ഇപ്പോള്‍ മണ്ഡലത്തില്‍ നിന്നുള്ള ലോക്സഭാംഗം. 2004 മുതല്‍ 2013 വരെ കോണ്‍ഗ്രസിന്റെ കൈവശമുണ്ടായിരുന്ന മണ്ഡലം 2014ലാണ് ബിജെപി പിടിച്ചെടുത്തത്.
വലിയ ആഘോഷത്തോടെ ക്ഷേത്രം സ്ഥാപിക്കുമെന്നും സനാതന ധര്‍മത്തിന്റെ പതാക ലോകമെമ്പാടും ഉയര്‍ത്തപ്പെടണമെന്നും താരം പറയുകയുണ്ടായി. ഹിമാചല്‍ പ്രദേശിലെ നാലു ലോക്സഭാ മണ്ഡലങ്ങളില്‍ ഒന്നാണ് മാണ്ഡി. ബിജെപിയുടെ രാം സ്വരൂപ് ശര്‍മയാണ് ഇപ്പോള്‍ മണ്ഡലത്തില്‍ നിന്നുള്ള ലോക്സഭാംഗം. 2004 മുതല്‍ 2013 വരെ കോണ്‍ഗ്രസിന്റെ കൈവശമുണ്ടായിരുന്ന മണ്ഡലം 2014ലാണ് ബിജെപി പിടിച്ചെടുത്തത്.
Keywords: Will Kangana Ranaut contest Lok Sabha elections?, New Delhi, News, Lok Sabha Election, Candidate, Temple, Visit, Religion, Prime Minister, BJP, National News.