വഴിയരികില്‍ ഒരാളെ സംശയാസ്പദമായ രീതിയില്‍ കണ്ടെന്ന് പറഞ്ഞ് മാള പൊലീസിന് ലഭിച്ച അജ്ഞാത ഫോണ്‍ സന്ദേശത്തെ തുടര്‍ന്നാണ് വടമ പാമ്പുമേക്കാട്ട് മനയുടെ അടുത്തുള്ള ബസ് സ്റ്റോപില്‍ നൈറ്റ് പെട്രോളിംഗില്‍ ഉണ്ടായിരുന്ന എസ് ഐ സുരേഷും സംഘവും എത്തിയത്. അബോധാവസ്ഥയില്‍ യുവാവിനെ കണ്ടതോടെ, ഒട്ടും അമാന്തിക്കാതെ ആംബുലന്‍സിന് കാത്തുനില്‍ക്കാതെ സുരേഷും സംഘവും യുവാവിനെ പൊലീസ് ജീപില്‍ കയറ്റി മാളയിലെ ഗുരുധര്‍മ്മം മിഷന്‍ ഹോസ്പിറ്റലില്‍ എത്തിക്കുകയായിരുന്നു.
പിന്നീട് മാള പൊലീസ് യുവാവിന്റെ വീട്ടില്‍ വിവരം അറിയിക്കുകയും യുവാവിന്റെ അച്ഛന്‍ ആശുപത്രിയില്‍ എത്തിച്ചേരുകയും ചെയ്തു. പൊലീസ് അവസരോചിതമായി ഇടപെട്ട് ആശുപത്രിയില്‍ എത്തിച്ചതുകൊണ്ട് മാത്രമാണ് യുവാവിന്റെ ജീവന്‍ രക്ഷിക്കാനായതെന്ന് യുവാവിനെ ചികിത്സിച്ച ഗുരുധര്‍മ്മം മിഷന്‍ ഹോസ്പിറ്റലിലെ ഡോക്ടര്‍ മാര്‍ട്ടിന്‍ പറഞ്ഞു.
.jpg "Police Rescued")
Keywords: News, Kerala, Kerala-News, Thrissur-News, Police-News, Thrissur News, Roadside, Kerala Police, Rescued, Epilepsy, Man, Help, Phone Call, Suspicious Person, Thrissur: Kerala police rescued Epilepsy man.