ഏകദിന ലോകകപ്പിന്റെ ചരിത്രത്തിലെ ഏറ്റവും കൂടുതൽ റൺസ് നേടുന്ന മൂന്നാമത്തെ കളിക്കാരനായും കോഹ്ലി മാറി. ശ്രീലങ്കൻ ഇതിഹാസം കുമാർ സംഗക്കാരയെ മറികടന്നാണ് എക്കാലത്തെയും ഉയർന്ന റൺസ് നേടിയവരുടെ പട്ടികയിൽ കോഹ്ലി മൂന്നാം സ്ഥാനത്തേക്ക് കുതിച്ചത്.
ഏകദിനത്തിൽ ഏറ്റവും കൂടുതൽ സെഞ്ചുറികൾ
സച്ചിൻ തന്റെ ഏകദിന കരിയറിൽ 463 മത്സരങ്ങളാണ് കളിച്ചത്. ഇക്കാലയളവിൽ 452 ഇന്നിങ്‌സുകളിൽ നിന്നായി 18426 റൺസ് നേടി. 44.83 ആയിരുന്നു അദ്ദേഹത്തിന്റെ ശരാശരി. 49 സെഞ്ചുറികളും 96 അർധസെഞ്ചുറികളും സച്ചിൻ നേടിയിട്ടുണ്ട്. സച്ചിനും കോഹ്ലിക്കും ശേഷം ഏറ്റവും കൂടുതൽ ഏകദിന സെഞ്ചുറികൾ നേടിയ താരം ഇന്ത്യൻ ക്യാപ്റ്റൻ രോഹിത് ശർമ്മയാണ്. 259 മത്സരങ്ങളിൽ നിന്നായി 31 സെഞ്ചുറികളാണ് രോഹിത് നേടിയത്.
49 വിരാട് കോഹ്ലി (277 ഇന്നിംഗ്‌സ്)
49 സച്ചിൻ ടെണ്ടുൽക്കർ (452 ഇന്നിംഗ്‌സ്)
31 രോഹിത് ശർമ്മ (251 ഇന്നിംഗ്‌സ്)
30 റിക്കി പോണ്ടിംഗ് (365 ഇന്നിംഗ്‌സ്)
28 സനത് ജയസൂര്യ (433 ഇന്നിംഗ്‌സ്)
പിറന്നാൾ ദിനത്തിൽ 50+ സ്കോർ
ഏകദിനത്തിൽ പിറന്നാൾ ദിനത്തിൽ 50+ സ്കോർ ചെയ്യുന്ന ആറാമത്തെ ഇന്ത്യൻ താരമായും കോഹ്ലി മാറി. സച്ചിൻ ടെണ്ടുൽക്കർ, വിനോദ് കാംബ്ലി, നവജ്യോത് സിംഗ് സിദ്ധു, ഇഷാൻ കിഷൻ, യൂസഫ് പത്താൻ എന്നിവർക്ക് മുമ്പ് ഈ നേട്ടം കൈവരിച്ചിട്ടുണ്ട്. ഇന്ത്യയിൽ ഏകദിനത്തിൽ 6000 റൺസും കോഹ്ലി തികച്ചു. സച്ചിൻ ടെണ്ടുൽക്കറിന് ശേഷം ഇന്ത്യൻ മണ്ണിൽ 6000+ റൺസ് തികയ്ക്കുന്ന രണ്ടാമത്തെ താരമാണ് അദ്ദേഹം. 6976 റൺസാണ് സച്ചിൻ ഇന്ത്യയിൽ നേടിയത്.
ഇന്ത്യക്കായി പിറന്നാൾ ദിനത്തിൽ ഏകദിനത്തിൽ 50+ സ്കോർ ചെയ്ത കളിക്കാർ
* സച്ചിൻ ടെണ്ടുൽക്കർ (134) vs ഓസ്‌ട്രേലിയ, ഷാർജ, 1998 (25-ാം ജന്മദിനം)
* വിനോദ് കാംബ്ലി (100*) vs ഇംഗ്ലണ്ട്, ജയ്പൂർ, 1993 (21-ാം ജന്മദിനം)
* നവജ്യോത് സിംഗ് സിദ്ധു (65*) vs വെസ്റ്റ് ഇൻഡീസ്, മുംബൈ, 1994 (31-ാം ജന്മദിനം)
* ഇഷാൻ കിഷൻ (59) vs ശ്രീലങ്ക, കൊളംബോ, 2021 (23-ാം ജന്മദിനം)
* യൂസഫ് പത്താൻ (50*) vs ഇംഗ്ലണ്ട്, ഇൻഡോർ, 2008 (26-ാം ജന്മദിനം)
* വിരാട് കോഹ്ലി vs ദക്ഷിണാഫ്രിക്ക, കൊൽക്കത്ത, 2023 (35-ാം ജന്മദിനം).
Keywords: Cricket, Sports, Virat Kohli, Sachin, World Cup, South Africa, Kolkata, Sanath Jaysurya, On birthday, Virat Kohli scores 49th ODI century.