പൊലീസ് നടത്തിയ ലാത്തിച്ചാര്‍ജില്‍ സംസ്ഥാന നിര്‍വാഹകസമിതി അംഗം നസിയ മുണ്ടപ്പള്ളിക്ക് ഗുരുതരമായി പരുക്കേറ്റു. ജില്ലാ ഭാരവാഹി അഭിജിത്തിനും നിരവധി പ്രവര്‍ത്തകര്‍ക്കും ലാത്തിച്ചാര്‍ജില്‍ പരുക്കേറ്റു. ബാരികേഡ് മറികടക്കാന്‍ പ്രവര്‍ത്തകര്‍ ശ്രമിച്ചതോടെ പൊലീസുമായി ഉന്തുംതള്ളും അരങ്ങേറി. തുടര്‍ന്ന് മാര്‍ച് സംഘര്‍ഷത്തിലേക്ക് നീങ്ങുകയായിരുന്നു.
പൊലീസ് മൂന്നു തവണ പ്രവര്‍ത്തകര്‍ക്ക് നേരെ ജലപീരങ്കി പ്രയോഗിച്ചു. പിരിഞ്ഞു പോകാന്‍ കൂട്ടാക്കാത്ത പ്രവര്‍ത്തകര്‍ മുദ്രാവാക്യം വിളികളുമായി പ്രതിഷേധം തുടര്‍ന്നു. വീണ്ടും പ്രവര്‍ത്തകര്‍ തള്ളിക്കയറാന്‍ ശ്രമിച്ചതോടെ സംഘര്‍ഷം രൂക്ഷമായി. തുടര്‍ന്ന് പൊലീസ് ലാത്തിച്ചാര്‍ജ് നടത്തി. നിലത്തുവീണ പ്രവര്‍ത്തകരെ ക്രൂരമായി തല്ലിച്ചതച്ചു.
ഇതിനിടയിലാണ് പൊലീസിന്റെ ലാത്തിയടിയേറ്റ് നസിയായുടെ മൂക്കിന് ഗുരുതരമായി പരുക്കേറ്റത്. ചോരയൊഴുകി നിലത്തുവീണ ഇവരെ ഉടന്‍ തന്നെ ജെനറല്‍ ആശുപത്രിയിലും അവിടെനിന്ന് പിന്നീട് മെഡികല്‍ കോളജ് ആശുപത്രിയിലേക്കും മാറ്റി. സംഭവത്തില്‍ പ്രതിഷേധിച്ച് ചൊവ്വാഴ്ച കെ എസ് യു സംസ്ഥാന വ്യാപകമായി വിദ്യാഭ്യാസ ബന്ദിന് ആഹ്വാനം ചെയ്തിരുന്നു.
സംഭവത്തില്‍ പ്രതിപക്ഷ നേതാവ് വിഡി സതീശന്‍ അടക്കമുള്ള നേതാക്കള്‍ പൊലീസിനെതിരെ രൂക്ഷവിമര്‍ശനമാണ് നടത്തിയത്. തലസ്ഥാനത്ത് ഇതുവരെ ഇല്ലാത്ത വിധം ക്രൂരമായ സംഭവമാണ് നടന്നതെന്ന് നേതാക്കള്‍ പറഞ്ഞു.
Keywords: KSU Protest at Minister R Bindu Residence Again, Thiruvananthapuram, News, KSU Protest, Minister R Bindu, Resignation, Clash, March, Police, Injury, Kerala.