സമ്മേളനത്തിന്റെ ഉദ്ഘാടനം രാവിലെ 11ന് മുഖ്യമന്ത്രി പിണറായി വിജയന്‍ നിര്‍വഹിക്കും. യൂണിയന്റെ നവീകരിച്ച വെബ്സൈറ്റിന്റെ പ്രകാശനവും മുഖ്യമന്ത്രി നിര്‍വഹിക്കും. പുതിയ കാലത്തിന്റെ ഒഴുക്കിനൊപ്പം സഞ്ചരിക്കാന്‍ പത്രപ്രവര്‍ത്തക യൂണിയന്‍ അംഗങ്ങളേയും സജ്ജരാക്കുന്ന വിധത്തിലാണ് വെബ്സൈറ്റ് രൂപകല്പന ചെയ്തിരിക്കുന്നത്.
മുന്‍ പ്രതിപക്ഷ നേതാവ് രമേശ് ചെന്നിത്തല ഉദ്ഘാടന സദസില്‍ മുഖ്യാതിഥിയായിരിക്കും. പതിറ്റാണ്ടുകളായി യൂണിയന്റെ നിയമപോരാട്ടങ്ങളിലെ വഴികാട്ടിയായ മുന്‍ ലോക്സഭാ എംപിയും മുതിര്‍ന്ന അഭിഭാഷകനുമായ അഡ്വ തമ്പാന്‍ കെ തോമസിനെ വേദിയില്‍ ആദരിക്കും. മേയര്‍ ടി ഒ മോഹനന്‍, കടന്നപ്പള്ളി രാമചന്ദ്രന്‍ എം എല്‍ എ, ജില്ലാ പഞ്ചായത് പ്രസിഡന്റ് പി പി ദിവ്യ എന്നിവര്‍ ആശംസ നേരും.
മാധ്യമ മേഖലയും മാധ്യമപ്രവര്‍ത്തകരും തൊഴില്‍പരമായ ഒട്ടേറെ പ്രതിസന്ധികള്‍ നേരിടുന്ന കാലഘട്ടത്തിലാണ് യൂണിയന്റെ വാര്‍ഷിക സമ്മേളനം കണ്ണൂരില്‍ നടക്കുന്നത്. അത്തരം പ്രതിസന്ധികള്‍ യോഗം വിശദമായി ചര്‍ച ചെയ്യും. കേരളത്തിനകത്തുനിന്നും പുറത്തുനിന്നുമായി ആയിരത്തോളം പ്രതിനിധികള്‍ യോഗത്തില്‍ പങ്കെടുക്കും.
യോഗത്തിന് മുന്നോടിയായുള്ള സംസ്ഥാന എക്സിക്യൂടീവ് കമിറ്റി യോഗം 13ന് ഉച്ചയ്ക്ക് രണ്ടിന് കണ്ണൂര്‍ പ്രസ് ക്ലബില്‍ നടക്കും. വൈകുന്നേരം ആറിന് പയ്യാമ്പലത്ത് സ്വദേശാഭിമാനി സ്മാരക സ്തൂപത്തില്‍ സംസ്ഥാന കമിറ്റി അംഗങ്ങള്‍ ദീപം തെളിക്കും. 59-ാം വാര്‍ഷിക സമ്മേളനത്തെ ഓര്‍മിപ്പിച്ചുകൊണ്ട് 59 ദീപങ്ങളാണ് തെളിക്കുക. രാത്രി ഏഴിന് കണ്ണൂര്‍ ടൗണ്‍ സ്‌ക്വയറില്‍ റംശി പട്ടുവവും സംഘവും നയിക്കുന്ന നാടന്‍പാട്ട് അരങ്ങേറും.
പത്രസമ്മേളനത്തില്‍ കേരള പത്രപ്രവര്‍ത്തക യൂണിയന്‍ സംസ്ഥാന പ്രസിഡന്റ് എം വി വിനീത, സംഘാടക സമിതി ചെയര്‍മാന്‍ സിജി ഉലഹന്നാന്‍, ജെനറല്‍ കണ്‍വീനര്‍ കെ വിജേഷ്, പ്രോഗ്രാം കമിറ്റി ചെയര്‍മാന്‍ പ്രശാന്ത് പുത്തലത്ത് എന്നിവര്‍ പങ്കെടുത്തു.
.jpg "Kerala Journalists Union State Conference (press Meet)")
Keywords: News, Kerala, Kerala-News, Kannur, Kannur-News, Press Meet, Kannur News, Kerala Journalists Union, State Conference, November 14, Kannur, Kerala Journalists Union State Conference on November 14 in Kannur.