സൗജന്യ റേഷന്‍ പദ്ധതി അടുത്ത അഞ്ച് വര്‍ഷത്തേക്ക് കൂടി നീട്ടിയിട്ടുണ്ടെന്നും അദ്ദേഹം പറഞ്ഞു. പ്രധാനമന്ത്രി കിസാന്‍ സമ്മാന്‍ യോജനയ്ക്ക് കീഴില്‍ 2.07 ലക്ഷം കോടി രൂപ കര്‍ഷകരുടെ ബാങ്ക് അകൗണ്ടുകളിലേക്ക് നിക്ഷേപിക്കാനായത് അഴിമതി അവസാനിപ്പിച്ചതിനാലാണെന്നും മോദി പറഞ്ഞു. മധ്യപ്രദേശിലെ സിദ്ധി ജില്ലയില്‍ തിരഞ്ഞെടുപ്പ് പൊതുയോഗത്തില്‍ സംസാരിക്കുകയായിരുന്നു പ്രധാനമന്ത്രി.
കോണ്‍ഗ്രസ് എല്ലാ ദിവസവും തന്നെ അധിക്ഷേപിക്കുകയാണെന്നും മോദി കുറ്റപ്പെടുത്തി. രാജ്യത്തെ ആദ്യ ഗോത്രവര്‍ഗ വനിത രാഷ്ട്രപതിയാകുന്നതിനെ എതിര്‍ത്ത കോണ്‍ഗ്രസ് ആദിവാസി വിരുദ്ധരാണെന്നും മോദി വിമര്‍ശിച്ചു. കോണ്‍ഗ്രസ് ഗോത്രവര്‍ഗക്കാരെ വോട് ബാങ്കായി ഉപയോഗിക്കുകയാണെന്നും മോദി പറഞ്ഞു.
ചരിത്രത്തിലാദ്യമായി മുഖ്യ വിവരാവകാശ കമീഷണറായി ദളിത് ഐ എ എസ് ഉദ്യോഗസ്ഥന്‍ ഹീരാലാല്‍ സമരിയ സത്യപ്രതിജ്ഞ ചെയ്ത് സ്ഥാനമേറ്റപ്പോള്‍ മുന്‍കൂട്ടി ക്ഷണം ലഭിച്ചിട്ടും കോണ്‍ഗ്രസ് പങ്കെടുത്തില്ലെന്നും മോദി കുറ്റപ്പെടുത്തി.
Keywords: BJP stopped Cong govt's scams, used that money for free ration to poor: PM, New Delhi, News, PM Modi, Politics, Criticized, Congress, BJP, Corruption, National News.