എന്നാല്‍ കോടതി ഉത്തരവ് വിഡ്ഢിത്തമാണെന്ന് വടക്കുന്നാഥന്‍ ഉപദേശക സമിതി സെക്രടറി ഹരിഹരന്‍ പറഞ്ഞു. ഉത്തരവ് പുനഃപരിശോധിക്കണം. സുരക്ഷാ മാനദണ്ഡങ്ങള്‍ പാലിച്ചാണ് തൃശൂര്‍ പൂരം വെടിക്കെട്ട് നടത്തുന്നതെന്നും ഹരിഹരന്‍ പറഞ്ഞു. വെടിക്കെട്ട് ഒഴിവാക്കി പൂരം നടത്താന്‍ കഴിയില്ലെന്ന് തിരുവമ്പാടി ദേവസ്വം ജോയിന്റ് സെക്രടറി ശശിധരനും പ്രതികരിച്ചു. വെടിക്കെട്ട് ആചാരത്തിന്റെ ഭാഗമാണ്. എല്ലാ നടപടി ക്രമങ്ങളും പാലിച്ചാണ് വെടിക്കെട്ട് നടത്താറുള്ളത്. കോടതി വിധി ബാധകമായാല്‍ നിയമനടപടി സ്വീകരിക്കുമെന്നും ശശിധരന്‍ പറഞ്ഞു.
ഹൈകോടതി ഉത്തരവ് ചോദ്യം ചെയ്യുമെന്ന് പാറമേക്കാവ് ദേവസ്വം സെക്രടറി ജി രാജേഷ് കുമാര്‍ പ്രതികരിച്ചു. പെസോ അനുവാദത്തോടെ നടത്തുന്ന ഏക വെടിക്കെട്ട് തൃശൂര്‍ പൂരത്തിന്റേതാണ്. നിരോധിത ഉല്പന്നങ്ങള്‍ പൂരത്തിന് ഉപയോഗിക്കാറില്ല. ശബ്ദ നിരീക്ഷണവും ഉണ്ട്. ഹൈകോടതി ഉത്തരവ് എല്ലാവരേയും കേട്ടിട്ടുള്ളതല്ല. ഒരു പ്രത്യേക കേസിലുള്ളതാണ്. എന്നാല്‍ ഓഡറിനെ ചലന്‍ജ് ചെയ്യും. മതപരമായ കേന്ദ്രങ്ങളില്‍ നിരോധിച്ച് മറ്റിടങ്ങളില്‍ അനുവദിക്കുന്നത് തുല്യ നീതിയല്ല. കേരളത്തിലെയും തമിഴ് നാട്ടിലേയും തൊഴിലാളികളെ ബാധിക്കുമെന്നും ജി രാജേഷ് കുമാര്‍ പറഞ്ഞു.
Keywords: Ban on fireworks: Minister K Radhakrishnan says government will appeal against high court verdict, Thiruvananthapuram, News, Minister K Radhakrishnan, Appeal, Ban On Fireworks, High Court, Thrissur Pooram, Criticism, Raid, Kerala News.