ഒരു അക്കൗണ്ട് മറ്റൊന്നില്‍ നിന്ന് ഉപയോഗിക്കുന്നതിന്, ഉപയോക്താവിന് ആദ്യത്തെ അക്കൗണ്ടില്‍ നിന്ന് ലോഗ് ഔട്ട് ചെയ്യേണ്ട ആവശ്യമില്ല. വ്യക്തിപരവും തൊഴില്‍പരവുമായ പോലുള്ള രണ്ട് അക്കൗണ്ടുകള്‍ ഉപയോഗിക്കുന്നവര്‍ക്ക് ഈ ഫീച്ചര്‍ വളരെ സഹായകരമാണ്. ഓരോ തവണയും വ്യത്യസ്ത അക്കൗണ്ട് ഉപയോഗിക്കുന്നതിന് രണ്ട് ഫോണുകള്‍ കൊണ്ടുപോകുന്നതിനുള്ള ബുദ്ധിമുട്ടില്‍ നിന്ന് ഈ പുതിയ സവിശേഷത ഉപയോക്താക്കളെ രക്ഷിക്കും.
വാട്‌സ് ആപ്പിന്റെ ആന്‍ഡ്രോയിഡ്, ഐഒഎസ് ഉപയോക്താക്കള്‍ക്കാണ് ഈ ഫീച്ചര്‍ പുറത്തിറക്കിയത്. മെറ്റാ സിഇഒ മാര്‍ക്ക് സക്കര്‍ബര്‍ഗ് തന്നെയാണ് തന്റെ ഫേസ്ബുക്ക് അക്കൗണ്ടില്‍ നിന്ന് ഈ ഫീച്ചര്‍ അവതരിപ്പിക്കുന്ന വിവരം അറിയിച്ചത്. വാട്‌സ് ആപ്പിന്റെ മള്‍ട്ടിഅക്കൗണ്ട് ഫീച്ചറുമായി ബന്ധപ്പെട്ട ഒരു സ്‌ക്രീന്‍ഷോട്ടും മാര്‍ക്ക് സക്കര്‍ബര്‍ഗ് പങ്കുവെച്ചിട്ടുണ്ട്. ഈ സ്‌ക്രീന്‍ഷോട്ടില്‍, ഒരേ ആപ്പില്‍ രണ്ട് അക്കൗണ്ടുകള്‍ കാണാന്‍ കഴിയും. കൂടാതെ ഓരോ അക്കൗണ്ടിനും, സ്റ്റാറ്റസ് ആര്‍ക്കൊക്കെ കാണാം തുടങ്ങിയ വെവ്വേറെ സെറ്റിങ്സാണ് ഉണ്ടാവുക.
ഒരേ ഫോണില്‍ ഒന്നിലധികം വാട്‌സ്ആപുകള്‍ എങ്ങനെ ഉപയോഗിക്കാം?
ഈ ഫീച്ചര്‍ ഉപയോഗിക്കുന്നതിന്, ഉപയോക്താക്കള്‍ക്ക് മറ്റൊരു ഫോണ്‍ നമ്പറോ സിം കാര്‍ഡോ ഡ്യുവല്‍ സിം കാര്‍ഡുകളെ പിന്തുണയ്ക്കുന്ന ഒരു ഫോണോ ആവശ്യമാണ്.
* WhatsApp settings തുറക്കുക.
* നിങ്ങളുടെ പേരിന് അടുത്തുള്ള ചെറിയ അമ്പടയാളം ടാപ്പുചെയ്ത് 'Add account' തിരഞ്ഞെടുക്കുക.
* നിങ്ങളുടെ രണ്ടാമത്തെ ഫോണ്‍ നമ്പര്‍ നല്‍കി എസ് എം എസ് വഴിയോ കോളിലൂടെയോ നിങ്ങള്‍ക്ക് അയച്ച കോഡ് നല്‍കുക.
* നിങ്ങളുടെ പേരിന് അടുത്തുള്ള അമ്പടയാളം ക്ലിക്ക് ചെയ്ത് നിങ്ങള്‍ ഉപയോഗിക്കാന്‍ ആഗ്രഹിക്കുന്ന അക്കൗണ്ട് എപ്പോള്‍ വേണമെങ്കിലും തിരഞ്ഞെടുക്കാം
Keywords: WhatsApp, Technology, Lifestyle, Mobile Phone, WhatsApp now allows multiple accounts on same device: Here's how to set up.
< !- START disable copy paste -->