ചെന്നൈയില്‍ എത്തിയത് മുതലാണ് ശുഭ്മാന് പനി അനുഭവപ്പെടാന്‍ തുടങ്ങിയത്. പോസിറ്റീവ് ആയതിനെ തുടര്‍ന്ന് ഗില്‍ ചികിത്സയിലാണ്. താരത്തിന്റെ ആരോഗ്യ സ്ഥിതി വിലയിരുത്തിയ ശേഷം വെള്ളിയാഴ്ച വീണ്ടും പരിശോധന നടത്തും.
ഞായറാഴ്ച ചെന്നൈയിലെ എംഎ ചിദംബരം സ്റ്റേഡിയത്തിലാണ് ഇന്‍ഡ്യ - ഓസ്ട്രേലിയ ആദ്യ മത്സരം.ഓപണറായി ക്യാപ്റ്റന്‍ രോഹിത് ശര്‍മയോടൊപ്പം ഇഷാന്‍ കിഷന്‍ ഇറങ്ങാനാണ് സാധ്യത. മികച്ച ഫോമിലുള്ള ഗില്‍, വ്യാഴാഴ്ച ചെന്നൈ എം എ ചിദംബരം സ്റ്റേഡിയത്തില്‍ ടീമിനൊപ്പം പരിശീലനത്തിന് ഇറങ്ങിയിരുന്നു.
ശുഭ്മന്‍ ഗില്‍ ഈ വര്‍ഷം ആദ്യം ന്യൂസീലന്‍ഡിനെതിരെ ഡബിള്‍ സെഞ്ചറി നേടിയിരുന്നു. സ്ഥിരതയാര്‍ന്ന പ്രകടനം കാഴ്ച വച്ചതോടെ താരം ടീമില്‍ ഇടം ഉറപ്പിച്ചു. ഐപിഎല്ലിന്റെ കഴിഞ്ഞ സീസണില്‍ 890 റണ്‍സുമായി റണ്‍വേട്ടയില്‍ താരം മുന്നിലെത്തിയിരുന്നു.
302 റണ്‍സുമായി ശ്രീലങ്കയില്‍ നടന്ന ഏഷ്യാകപിലും താരം തിളങ്ങി. 104, 74, 27, 121, 19, 58, 67 എന്നിങ്ങനെയാണ് താരത്തിന്റെ അവസാന ഇനിങ്‌സുകളിലെ സ്‌കോറുകള്‍. ഇഷാന്‍ കിഷന്‍ ഇറങ്ങിയില്ലെങ്കില്‍, കെ എല്‍ രാഹുലിനെ ഓപണിങ്ങില്‍ ഇറക്കുന്ന കാര്യവും ബിസിസിഐ ആലോചിക്കുന്നുണ്ട്.
ജസ്പ്രീത് ബുമ്ര, കെ എല്‍ രാഹുല്‍, ശ്രേയസ് അയ്യര്‍ എന്നിവര്‍ പരുക്ക് ഭേദമായ ശേഷമാണ് ലോകകപിനായി ടീമില്‍ ചേര്‍ന്നത്. ഏഷ്യാകപിനിടെ അക്ഷര്‍ പട്ടേലിന് പരുക്കേറ്റതോടെ, വെറ്ററന്‍ സ്പിനര്‍ ആര്‍ അശ്വിനെ ഇന്‍ഡ്യ ലോകകപ് ടീമില്‍ ഉള്‍പെടുത്തി.
.jpg "Shubman Gill arrives at the Chennai Airport, in Chennai, Wednesday")
Keywords: News, National, National-News, Sports, Sports-News, Shubman Gill, Test Positive, Dengue, Doubtful, India, Australia, ICC ODI World Cup, MA Chidambaram Stadium, Chennai, Shubman Gill tests positive for dengue, doubtful for India's opener against Australia: Report.