ബാഹുബലി നടനെ താരത്തിന്റെ സഹനടി അനുഷ്‌ക ഷെട്ടിയുമായി ബന്ധപ്പെടുത്തിയും പലപ്പോഴും വാര്‍ത്തകള്‍ പുറത്തുവന്നിരുന്നു. ഇരുവരും എന്നെങ്കിലും വിവാഹിതരാകുമെന്നാണ് പലരും സ്ഥിരീകരിച്ചിരുന്നത്. ഇതിന് പിന്നിലെ കാരണം ഇരുവരും അവിവാഹിതരായി തുടരുന്നതും അവരെക്കുറിച്ച് പതിവായി പ്രചരിക്കുന്ന അഭ്യൂഹങ്ങളുമാണ്. എന്നാല്‍ തങ്ങള്‍ ആത്മസുഹൃത്തുക്കളാണെന്ന് ഇരുവരും പലതവണ വ്യക്തമാക്കിയിരുന്നു.
40 കഴിഞ്ഞിട്ടും ക്രോണിക് ബാചിലറായി തെലുങ്ക് നടന്‍ വിവാഹവാര്‍ത്തകളെ സംബന്ധിച്ചുള്ള ചോദ്യങ്ങളില്‍ നിന്ന് ഒഴിഞ്ഞ് മാറുകയും ചെയ്തിട്ടുണ്ട്. എന്നാല്‍ ഇപ്പോള്‍ പ്രഭാസിന്റെ വിവാഹത്തെ കുറിച്ചുള്ള ഒരു റിപോര്‍ടാണ് ചര്‍ചയാകുകയാണ്.
അന്തരിച്ച കൃഷ്ണം രാജുവിന്റെ ഭാര്യയും താരത്തിന്റെ അമ്മായിയുമായ ശ്യാമള ദേവിയാണ് ഇപ്പോള്‍ വിവാഹത്തെ കുറിച്ച് ഒരു വിവരം പങ്കുവെച്ചിരിക്കുന്നത്. വിവാഹം എന്തായാലും ഉറപ്പാണ്. മിക്കവാറും അടുത്ത ദസറയ്ക്ക് മുമ്പ് വിവാഹം നടക്കും. തിയതി എപ്പോഴായിരിക്കുമെന്ന് ഇപ്പോള്‍ തനിക്ക് വ്യക്തമാക്കാനാകില്ല. എന്തായാലും വൈകാതെ ഒരു നല്ല വാര്‍ത്ത കേള്‍ക്കാനാകും എന്നുമാണ് ശ്യാമള ദേവി വെളിപ്പെടുത്തിയിരിക്കുന്നത്.
പ്രഭാസ് നായകനായി വേഷമിടുന്ന പുതിയ ചിത്രമായി റിലീസ് ചെയ്യാനുള്ളത് സലാറാണ്. ഡിസംബര്‍ 21നാണ് പ്രഭാസിന്റെ പുതിയ ചിത്രം യുഎസില്‍ റിലീസ് ചെയ്യുകയെന്നും സലാറിന്റെ അഡ്വാന്‍സ് ബുകിംഗ് തുടങ്ങുകയാണെന്നും റിപോര്‍ടുകളുണ്ട്.
സംവിധായകന്‍ പ്രശാന്ത് നീലിന്റെ ചിത്രത്തിന്റെ ഒടിടി റൈറ്റ്‌സ് ഇതിനകം നെറ്റ്ഫ്‌ലിക്‌സ് നേടിയിട്ടുണ്ട്. പ്രഭാസിന്റെ സലാര്‍ 350 കോടിയാണ് ഒടിടി, സാറ്റലൈറ്റ് റൈറ്റ്‌സ് ബിസിനസില്‍ നേടിയിരിക്കുന്നത് എന്ന് ട്രേഡ് അനലിസ്റ്റ് മനോബാല വിജയകുമാര്‍ ട്വീറ്റ് ചെയ്തിരുന്നു.
'കെജിഎഫി'ന്റെ ലെവലില്‍ തന്നെ വമ്പന്‍ ചിത്രമായി പ്രശാന്ത് നീല്‍ സലാര്‍ ഒരുക്കുന്നത്. മലയാളത്തിന്റെ പൃഥ്വിരാജും സലാറില്‍ പ്രധാന കഥാപാത്രമായി എത്തുന്നു. പൃഥ്വിരാജ് വരദരാജ് മന്നാറായിട്ടാണ് സലാറില്‍. ചിത്രത്തില്‍ വിലനായി എത്തുന്നത് മധു ഗുരുസ്വാമിയാണ്.
.jpg "Prabhas")
Keywords: News, National, National-News, Krishnam Raju, Wife, Prabhas, Marriage, Aunty, Shyamala Devi, Baahubali Actor, Cinema, Dussehra, Telugu, Actor, Cinema, Krishnam Raju Wife About Prabhas Marriage.