നവവധുവായ മേഘയ്ക്കെതിരെ നടന്ന ഗാര്‍ഹിക പീഡനത്തിന്റെ തെളിവുകള്‍ നിരത്തി പബ്ലിക് പ്രൊസിക്യൂടര്‍ അഡ്വ കെ അജിത് കുമാര്‍ നടത്തിയ വാദത്തിനൊടുവിലാണ് കോടതി ജാമ്യാപേക്ഷ തളളിയത്. കോളിളക്കം സൃഷ്ടിച്ച മേഘയുടെ മരണത്തില്‍ ദുരൂഹതയുണ്ടെന്ന് ആരോപിച്ച് പിതാവ് പിണറായി പടന്നക്കര സ്വദേശി മനോഹരന്‍ അന്വേഷണമാവശ്യപ്പെട്ടു മുഖ്യമന്ത്രി പിണറായി വിജയന്‍, കണ്ണൂര്‍ സിറ്റി പൊലീസ് കമിഷണര്‍ എന്നിവര്‍ക്ക് നിവേദനം നല്‍കിയിരുന്നു.
തുടര്‍ന്നാണ് കേസ് അന്വേഷണം കതിരൂര്‍ പൊലീസില്‍ നിന്നും കണ്ണൂര്‍ ക്രൈംബ്രാഞ്ചിനെ ഏല്‍പ്പിച്ചത്. കോഴിക്കോട്ടെ ഐടി പ്രൊഫഷനലായ മേഘയെ പ്രണയവിവാഹത്തിനു ശേഷം ഭര്‍ത്താവ് സചിന്‍ ശാരീരികമായും മാനസികമായും പീഡിപ്പിച്ചുവെന്നായിരുന്നു ബന്ധുക്കളുടെ പരാതി.
പൊലീസ് അന്വേഷണത്തില്‍ സചിന്‍ മേഘയെ അതിക്രൂരമായി മര്‍ദിച്ചതായി തെളിഞ്ഞിരുന്നു. സംഭവദിവസം കണ്ണൂരിലെ ഭര്‍തൃബന്ധുവിന്റെ കുഞ്ഞിന്റെ പിറന്നാള്‍ ആഘോഷം കഴിഞ്ഞു പതിനൊന്നു മണിയോടെ മേഘയും സചിനും ഭര്‍തൃവീട്ടിലെത്തുകയും തുടര്‍ന്ന് ഇവര്‍ തമ്മില്‍ വഴക്കുണ്ടാവുകയും സചിന്‍ മര്‍ദിക്കുകയും ചെയ്തതായും പറയുന്നു. ഇതിന്റെ മനോവിഷമത്തിലാണ് യുവതി വീടിന്റെ ഒന്നാം നിലയിലെ ബെഡ് റൂമിലെ ജനലില്‍ ഷാള്‍ കൊണ്ടു കെട്ടി തൂങ്ങിമരിച്ചതെന്നാണ് പൊലീസിന്റെ അന്വേഷണ റിപോര്‍ട്.
Keywords: IT professional's suicide case; Court denied husband's bail, Kannur, News, IT professional, Suicide Case, Court, Rejected, Bail, Megha, Sachin, Kerala News.