ദുര്‍ബലര്‍ക്കുവേണ്ടി നടത്തിയിട്ടുള്ള പ്രവര്‍ത്തനങ്ങളുടെ പേരില്‍ ലി കെചിയാങ് പ്രശസ്തനാണ്. ഹെനാന്‍ പ്രവിശ്യയില്‍ ഗവര്‍ണറായിരുന്നപ്പോള്‍ പൊതുമേഖലാ വ്യവസായങ്ങളില്‍ വരുത്തിയ പരിഷ്‌കരണങ്ങളെ തുടര്‍ന്നുണ്ടായ പുരോഗതിയും അദ്ദേഹത്തിന്റെ പ്രശസ്തി ഉയര്‍ത്തി. പാര്‍ടി നേതാവിന്റെ മകനായാണ് ജനിച്ചതെങ്കിലും ആ സ്വാധീനം ഉപയോഗിച്ച് പാര്‍ടിയില്‍ വളരാന്‍ കെചിയാങ് തയാറായില്ല.
നിയമത്തില്‍ ബിരുദവും സാമ്പത്തികശാസ്ത്രത്തില്‍ ഡോക്ടറേറ്റും നേടി. മാവോ സെ ദുങ് ചിന്തകളുടെ പഠനത്തില്‍ പെകിങ് യൂനിവേഴ്സിറ്റിയില്‍ ഒന്നാമനായി. അവിടെ കമ്യൂനിസ്റ്റ് യൂത് ലീഗ് സെക്രടറിയായി. പഠനകാലത്ത് ജനാധിപത്യവാദികളോടൊപ്പമായിരുന്നു. മുന്‍ ചൈനീസ് പ്രസിഡന്റ് ഹു ജിന്റാവോയോടൊപ്പം യൂത് ലീഗില്‍ പ്രവര്‍ത്തിച്ചതാണ് അദ്ദേഹത്തിന്റെ വളര്‍ച്ചയ്ക്ക് സഹായകമായത്. പരിഷ്‌കരണവാദികളായ ധനശാസ്ത്രജ്ഞരുമായി അടുപ്പം പുലര്‍ത്തുന്നു.
2013 മുതലുള്ള 10 വര്‍ഷക്കാലം ചൈനയുടെ പ്രധാനമന്ത്രിയായി സേവനമനുഷ്ഠിച്ചു. ഈ വര്‍ഷം ആദ്യമാണ് പ്രധാനമന്ത്രി സ്ഥാനം ഒഴിയുന്നത്. ലിയുടെ നേതൃത്വത്തില്‍ ഒരു ദശകത്തിനുള്ളില്‍ ചൈനയുടെ സാമ്പത്തിക വളര്‍ച്ച ഇരട്ടിയായിരുന്നു. ഹു ജിന്റാവോ പ്രസിഡന്റ് ആയിരിക്കെ ഇപ്പോഴത്തെ ചൈനീസ് പ്രസിഡന്റ് ഷി ചിന്‍പിങ് വൈസ് പ്രസിഡന്റും ലി ഉപപ്രധാനമന്ത്രിയും ആയിരുന്നു. 2012ലാണ് ചൈനയുടെ പ്രസിഡന്റായി ഷി ചിന്‍പിങ്ങും പ്രധാനമന്ത്രിയായി ലി കെചിയാങ്ങും സ്ഥാനമേറ്റത്.
.jpg "Former Chinese Premier Li Keqiang")
Keywords: News, World, World-News, Obituary, Obituary-News, Former Chinese Premier, Li Keqiang, Died, Heart Attack, China, Beijing News, President, Xi Jinping, Former Chinese Premier Li Keqiang Dies At 68.