Clash | തളിപ്പറമ്പില്‍ സി പി എം - സി പി ഐ ഏറ്റുമുട്ടല്‍: എല്‍ ഡി എഫ് നേതൃത്വം ഇടപെടണമെന്ന ആവശ്യം ശക്തമാകുന്നു; ലോക്‌സഭാ തെരഞ്ഞെടുപ്പിനെ പ്രതികൂലമായി ബാധിക്കുമോയെന്ന് ആശങ്ക
Oct 23, 2023, 13:34 IST
തളിപ്പറമ്പ്: (KVARTHA) കണ്ണൂര്‍ ജില്ലയിലെ തളിപറമ്പ് നഗരസഭയില്‍ സി പി എം - സി പി ഐ തര്‍ക്കം. പ്രവര്‍ത്തകര്‍ തമ്മിലുള്ള ചേരിപ്പോര് തെരുവിലെത്തിയതോടെ വരുന്ന ലോക്‌സഭാ തെരഞ്ഞെടുപ്പില്‍ എല്‍ ഡി എഫിന് തിരിച്ചടിയാകുമോയെന്ന ആശങ്ക ശക്തമാകുന്നു. ഇരു പാര്‍ടികളിലെയും പ്രവര്‍ത്തകര്‍ തമ്മില്‍ രഷ്ട്രീയ എതിരാളികളെ പോലെ ഏറ്റുമുട്ടുന്നത് തടയാന്‍ എല്‍ ഡി എഫ് കണ്‍വീനര്‍ ഇ പി ജയരാജന്‍, സി പി ഐ രാജ്യസഭാ എം പി അഡ്വ. പി സന്തോഷ് കുമാര്‍ തുടങ്ങിയ നേതാക്കള്‍ ഇടപെടണമെന്നാണ് ഒരു വിഭാഗം സമാധാനകാംക്ഷികളായ പ്രദേശിക നേതാക്കളും പ്രവര്‍ത്തകരും ആവശ്യപെടുന്നത്.
ലോക്‌സഭാ തെരെഞ്ഞെടുപ്പിന് മാസങ്ങള്‍ മാത്രം ബാക്കി നില്‍ക്കവെ ഇരു പാര്‍ടിയിലെയും പ്രവര്‍ത്തകര്‍ തളിപ്പറമ്പ് മണ്ഡലത്തിലാണ് പരസ്പരം ഏറ്റുമുട്ടുന്നത്. സി പി എം സംസ്ഥാന സെക്രടറിയുടെ മണ്ഡലമായ തളിപ്പറമ്പില്‍ ഇരു പാര്‍ടികളും വേറെ വേറെ കുടുംബ സംഗമങ്ങള്‍ നടത്തിയത് ചേരി പോരിനെ ആളിക്കത്തിച്ചിട്ടുണ്ട്. ഇതിന്റെ തുടര്‍ച്ചയായിട്ടാണ് കമ്യുനിസ്റ്റ് പാര്‍ടിയിലെയും പ്രവര്‍ത്തകര്‍ പരസ്പരം ഏറ്റുമുട്ടുന്നത്.
സി പി എം പ്രവര്ത്തകന് മര്‍ദനമേറ്റു, കള്ളക്കഥയെന്ന് സി പി ഐ
ഇരു പാര്‍ടികള്‍ തമ്മില്‍ സംഘര്‍ഷം നിലനില്‍ക്കുന്ന തളിപ്പറമ്പ് നഗരസഭയിലെ മാന്തംകുണ്ടില്‍ സി പി എം പ്രവര്‍ത്തകനെ സി പി ഐക്കാര്‍ അക്രമിച്ചതായുള്ള പരാതിയില്‍ പൊലീസ് കേസെടുത്ത് അന്വേഷണമാരംഭിച്ചു.
ഞായറാഴ്ച രാവിലെ 11.30 ന് മാന്തംകുണ്ടിലെ ഒരു വീട്ടില്‍ അസുഖബാധിതനെ കാണാന്‍ പോയ സി പി എം പ്രവര്‍ത്തകനായ നവനീത് കരിയിലിനെയാണ് സി പി ഐക്കാര്‍ ആക്രമിച്ചതായി പരാതിയുയര്‍ന്നത്.
സി പി ഐ ജില്ലാ കൗണ്‍സില്‍ അംഗം കോമത്ത് മുരളീധരന്‍, വിജേഷ് മണ്ടൂര്‍, ബിജു കരിയില്‍ എന്നിവര്‍ നവനീതിനെ ഇരുമ്പുവടി കൊണ്ട് ആക്രമിച്ചതായാണ് പരാതി.
പരുക്കേറ്റ നവനീതിനെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു. സംഭവത്തില്‍ തളിപ്പറമ്പ് പൊലീസ് കേസെടുത്തു അന്വേഷണം ശക്തമാക്കിയിട്ടുണ്ട്.
എന്നാല്‍ സി പി ഐ നേതാക്കള്‍ക്കെതിരെ എടുത്ത കള്ളക്കേസ് പിന്‍വലിക്കണമെന്ന് സി പി ഐ തളിപ്പറമ്പ് മണ്ഡലം സെക്രടറി പി കെ മുജീബ് റഹ്മാന്‍ പ്രസ്താവനയില്‍ ആവശ്യപ്പെട്ടു. സി പി ഐ
ജില്ലാ കൗണ്‍സില്‍ അംഗം കോമത്ത് മുരളീധരന്‍, മാന്തംകുണ്ട് ബ്രാഞ്ച് സെക്രടറി എം വിജേഷ്, അസി. സെക്രടറി കെ ബിജു എന്നിവര്‍ക്കെതിരെ വസ്തുതാവിരുദ്ധമായ കാര്യങ്ങള്‍ പ്രചരിപ്പിച്ച് നാട്ടില്‍ സംഘര്‍ഷാവസ്ഥ ഉണ്ടാക്കുന്നതിനാണ് ഇത്തരം വ്യാജപ്രചാരണങ്ങള്‍ അഴിച്ചുവിടുന്നത്.
യഥാര്‍ഥ വസ്തുത അന്വേഷിച്ച് സത്യസന്ധമായ വിവരങ്ങള്‍ പുറത്തുകൊണ്ടുവരണമെന്നും മുജീബ് റഹ്മാന്‍ പ്രസ്താവനയില്‍ ആവശ്യപ്പെട്ടു.
നേതാക്കളുടെ പേരില്‍ കള്ളക്കേസെടുത്തതിലും മണ്ഡലം കമിറ്റി ശക്തമായി പ്രതിഷേധിച്ചു. ലോകല്‍ സെക്രടറി എം രഘുനാഥും കള്ളക്കേസെടുത്ത നടപടിയില്‍ പ്രതിഷേധിച്ചു.
സി പി ഐ കുടുംബസംഗമത്തില്‍ കൂവിയെന്ന് കോമത്ത്
ഇതിനിടെ മാന്ധം കുണ്ടില്‍ സി പി എം പ്രവര്‍ത്തകനെ മര്‍ദിച്ചതായി ആരോപിച്ച് തന്റെ പേരില്‍ എടുത്തത് തികഞ്ഞ കള്ളക്കേസാണെന്ന് സി പി ഐ ജില്ലാ കൗണ്‍സില്‍ അംഗം കോമത്ത് മുരളീധരന്‍ പ്രതികരിച്ചു.
സംഭവത്തെക്കുറിച്ച് കോമത്ത് മുരളീധരന്റെ വിശദീകരണം ഇപ്രകാരമാണ്: സി പി ഐ പ്രവര്‍ത്തന തുക ശേഖരണത്തിന്റെ ഭാഗമായി പ്രവര്‍ത്തകര്‍ ഭവനന്ദര്‍ശനം നടത്തിക്കൊണ്ടിരിക്കെ അസുഖ ബാധിതനായി വിശ്രമിക്കുന്ന പോള മനോഹരനെ സന്ദര്‍ശിക്കാന്‍ അദ്ദേഹത്തിന്റെ വീട്ടില്‍ കയറിയിരുന്നു. ഈ സമയത്ത് അവിടയെത്തിയ സി പി എം പ്രവര്ത്തകന് നവനീതിനോട് സി പി ഐ കുടുംബസംഗമ സമയത്ത് കൂവിയതിനെപ്പറ്റി അഭിപ്രായം പറയുക മാത്രമേ ഉണ്ടായിട്ടുള്ളൂ. കൂവലിന്റെ കാലഘട്ടമൊക്കെ കഴിഞ്ഞുപോയെന്നും ഇതൊന്നും ശരിയായ രീതിയല്ലെന്നും ഈ സമയത്ത് അവിടെയെത്തിയ ബന്ധു കൂടിയായ കോമത്ത് ബിനോയിയോട് പറഞ്ഞ് സൗഹൃദത്തില്‍ പിരിയുകയാണുണ്ടായത്. വസ്തുത ഇതാണെന്ന് പോള മനോഹരന്‍ ഉള്‍പെടെ പൊലീസിനോട് പറയുകയും ചെയ്തിരുന്നു. ഇത്തരം സാഹചര്യത്തില്‍ കള്ളക്കേസെടുത്താല്‍ ഇവിടെ എങ്ങിനെ രാഷ്ട്രീയ പ്രവര്‍ത്തനം നടത്തുമെന്നും കോമത്ത് മുരളീധരന്‍ പറഞ്ഞു..
ചേരിപ്പോരിന്റെ ചരിത്രം
പാര്‍ടിയുമായുള്ള അഭിപ്രായ ഭിന്നതയെ തുടര്‍ന്നാണ് കഴിഞ്ഞ സമ്മേളന കാലയളവില്‍ തളിപ്പറമ്പ് മുന്‍ നഗരസഭാ വൈസ് ചെയര്‍മാനും ഏരിയാ കമിറ്റി അംഗവുമായ കോമത്ത് മുരളിധരന്റെ നേതൃത്വത്തില്‍ അന്‍പതോളം പ്രവര്‍ത്തകര്‍ സി പി ഐയില്‍ ചേര്‍ന്നത്. സി പി ഐ സാമ്പത്തിക ക്രമക്കേട് ആരോപിച്ച് പുറത്താക്കിയ മണ്ഡലം സെക്രടറി പുല്ലായിക്കൊടി ചന്ദ്രനെ സി പി എം സ്വീകരിച്ച് തളിപ്പറമ്പ് നോര്‍ത് ലോകല്‍ സെക്രടറിയാക്കിയതായിരുന്നു കാരണം. ഇതോടെയാണ് കോമത്തിന്റെ നേത്യത്വത്തില്‍ ഒരു വിഭാഗം പാര്‍ടി നേതൃത്വവുമായി തെറ്റുന്നത്.
സി പി എം വിട്ടുവെന്ന കോമത്തിനെ ജില്ലാ കൗണ്‍സില്‍ അംഗമായി സി പി ഐ ഉയര്‍ത്തുകയും ചെയ്തു. ഇതോടെ പാര്‍ടി ഗ്രാമങ്ങളായ മാന്ധം കുണ്ട്, കീഴാറ്റൂര് എന്നിവടങ്ങളില്‍ സി പി ഐ പ്രവര്‍ത്തനങ്ങള്‍ക്ക് വിലക്കും ഏര്‍പെടുത്തി. 'ബി ജെ പിയെ തോല്‍പിക്കൂ രാജ്യത്തെ രക്ഷിക്കൂ' എന്ന മുദ്രാവാക്യമുയര്‍ത്തി സി പി ഐ നടത്തിയ അഖിലേന്‍ഡ്യാ പ്രക്ഷോഭത്തിന്റെ ഭാഗമായുള്ള കാല്‍നട പ്രചാരണജാഥ മാന്ധം കുണ്ടില്‍ സി പി എം പ്രവര്‍ത്തകര്‍ തടയുകയും കോമത്ത് മുരളീധരനെതിരെ കയ്യേറ്റം നടത്തുകയും ചെയ്തിരുന്നു. സി പി ഐ കൊടി മരങ്ങളും ബോര്‍ഡുകളും പിഴുതുമാറ്റുന്നതും മാന്ധം കുണ്ടില്‍ നിത്യസംഭവങ്ങളിലൊന്നാണ്.
Keywords: News, Kerala, Kerala-News, Politics, Politics-News, Political Issue, CPM, CPI, Clash, Taliparamba News, Demand, Intervention, LDF, Leadership, Lok Sabha Election, CPM-CPI clash in Taliparamba: Demand for intervention of LDF leadership grows stronger.
ലോക്‌സഭാ തെരെഞ്ഞെടുപ്പിന് മാസങ്ങള്‍ മാത്രം ബാക്കി നില്‍ക്കവെ ഇരു പാര്‍ടിയിലെയും പ്രവര്‍ത്തകര്‍ തളിപ്പറമ്പ് മണ്ഡലത്തിലാണ് പരസ്പരം ഏറ്റുമുട്ടുന്നത്. സി പി എം സംസ്ഥാന സെക്രടറിയുടെ മണ്ഡലമായ തളിപ്പറമ്പില്‍ ഇരു പാര്‍ടികളും വേറെ വേറെ കുടുംബ സംഗമങ്ങള്‍ നടത്തിയത് ചേരി പോരിനെ ആളിക്കത്തിച്ചിട്ടുണ്ട്. ഇതിന്റെ തുടര്‍ച്ചയായിട്ടാണ് കമ്യുനിസ്റ്റ് പാര്‍ടിയിലെയും പ്രവര്‍ത്തകര്‍ പരസ്പരം ഏറ്റുമുട്ടുന്നത്.
സി പി എം പ്രവര്ത്തകന് മര്‍ദനമേറ്റു, കള്ളക്കഥയെന്ന് സി പി ഐ
ഇരു പാര്‍ടികള്‍ തമ്മില്‍ സംഘര്‍ഷം നിലനില്‍ക്കുന്ന തളിപ്പറമ്പ് നഗരസഭയിലെ മാന്തംകുണ്ടില്‍ സി പി എം പ്രവര്‍ത്തകനെ സി പി ഐക്കാര്‍ അക്രമിച്ചതായുള്ള പരാതിയില്‍ പൊലീസ് കേസെടുത്ത് അന്വേഷണമാരംഭിച്ചു.
ഞായറാഴ്ച രാവിലെ 11.30 ന് മാന്തംകുണ്ടിലെ ഒരു വീട്ടില്‍ അസുഖബാധിതനെ കാണാന്‍ പോയ സി പി എം പ്രവര്‍ത്തകനായ നവനീത് കരിയിലിനെയാണ് സി പി ഐക്കാര്‍ ആക്രമിച്ചതായി പരാതിയുയര്‍ന്നത്.
സി പി ഐ ജില്ലാ കൗണ്‍സില്‍ അംഗം കോമത്ത് മുരളീധരന്‍, വിജേഷ് മണ്ടൂര്‍, ബിജു കരിയില്‍ എന്നിവര്‍ നവനീതിനെ ഇരുമ്പുവടി കൊണ്ട് ആക്രമിച്ചതായാണ് പരാതി.
പരുക്കേറ്റ നവനീതിനെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു. സംഭവത്തില്‍ തളിപ്പറമ്പ് പൊലീസ് കേസെടുത്തു അന്വേഷണം ശക്തമാക്കിയിട്ടുണ്ട്.
എന്നാല്‍ സി പി ഐ നേതാക്കള്‍ക്കെതിരെ എടുത്ത കള്ളക്കേസ് പിന്‍വലിക്കണമെന്ന് സി പി ഐ തളിപ്പറമ്പ് മണ്ഡലം സെക്രടറി പി കെ മുജീബ് റഹ്മാന്‍ പ്രസ്താവനയില്‍ ആവശ്യപ്പെട്ടു. സി പി ഐ
ജില്ലാ കൗണ്‍സില്‍ അംഗം കോമത്ത് മുരളീധരന്‍, മാന്തംകുണ്ട് ബ്രാഞ്ച് സെക്രടറി എം വിജേഷ്, അസി. സെക്രടറി കെ ബിജു എന്നിവര്‍ക്കെതിരെ വസ്തുതാവിരുദ്ധമായ കാര്യങ്ങള്‍ പ്രചരിപ്പിച്ച് നാട്ടില്‍ സംഘര്‍ഷാവസ്ഥ ഉണ്ടാക്കുന്നതിനാണ് ഇത്തരം വ്യാജപ്രചാരണങ്ങള്‍ അഴിച്ചുവിടുന്നത്.
യഥാര്‍ഥ വസ്തുത അന്വേഷിച്ച് സത്യസന്ധമായ വിവരങ്ങള്‍ പുറത്തുകൊണ്ടുവരണമെന്നും മുജീബ് റഹ്മാന്‍ പ്രസ്താവനയില്‍ ആവശ്യപ്പെട്ടു.
നേതാക്കളുടെ പേരില്‍ കള്ളക്കേസെടുത്തതിലും മണ്ഡലം കമിറ്റി ശക്തമായി പ്രതിഷേധിച്ചു. ലോകല്‍ സെക്രടറി എം രഘുനാഥും കള്ളക്കേസെടുത്ത നടപടിയില്‍ പ്രതിഷേധിച്ചു.
സി പി ഐ കുടുംബസംഗമത്തില്‍ കൂവിയെന്ന് കോമത്ത്
ഇതിനിടെ മാന്ധം കുണ്ടില്‍ സി പി എം പ്രവര്‍ത്തകനെ മര്‍ദിച്ചതായി ആരോപിച്ച് തന്റെ പേരില്‍ എടുത്തത് തികഞ്ഞ കള്ളക്കേസാണെന്ന് സി പി ഐ ജില്ലാ കൗണ്‍സില്‍ അംഗം കോമത്ത് മുരളീധരന്‍ പ്രതികരിച്ചു.
സംഭവത്തെക്കുറിച്ച് കോമത്ത് മുരളീധരന്റെ വിശദീകരണം ഇപ്രകാരമാണ്: സി പി ഐ പ്രവര്‍ത്തന തുക ശേഖരണത്തിന്റെ ഭാഗമായി പ്രവര്‍ത്തകര്‍ ഭവനന്ദര്‍ശനം നടത്തിക്കൊണ്ടിരിക്കെ അസുഖ ബാധിതനായി വിശ്രമിക്കുന്ന പോള മനോഹരനെ സന്ദര്‍ശിക്കാന്‍ അദ്ദേഹത്തിന്റെ വീട്ടില്‍ കയറിയിരുന്നു. ഈ സമയത്ത് അവിടയെത്തിയ സി പി എം പ്രവര്ത്തകന് നവനീതിനോട് സി പി ഐ കുടുംബസംഗമ സമയത്ത് കൂവിയതിനെപ്പറ്റി അഭിപ്രായം പറയുക മാത്രമേ ഉണ്ടായിട്ടുള്ളൂ. കൂവലിന്റെ കാലഘട്ടമൊക്കെ കഴിഞ്ഞുപോയെന്നും ഇതൊന്നും ശരിയായ രീതിയല്ലെന്നും ഈ സമയത്ത് അവിടെയെത്തിയ ബന്ധു കൂടിയായ കോമത്ത് ബിനോയിയോട് പറഞ്ഞ് സൗഹൃദത്തില്‍ പിരിയുകയാണുണ്ടായത്. വസ്തുത ഇതാണെന്ന് പോള മനോഹരന്‍ ഉള്‍പെടെ പൊലീസിനോട് പറയുകയും ചെയ്തിരുന്നു. ഇത്തരം സാഹചര്യത്തില്‍ കള്ളക്കേസെടുത്താല്‍ ഇവിടെ എങ്ങിനെ രാഷ്ട്രീയ പ്രവര്‍ത്തനം നടത്തുമെന്നും കോമത്ത് മുരളീധരന്‍ പറഞ്ഞു..
ചേരിപ്പോരിന്റെ ചരിത്രം
പാര്‍ടിയുമായുള്ള അഭിപ്രായ ഭിന്നതയെ തുടര്‍ന്നാണ് കഴിഞ്ഞ സമ്മേളന കാലയളവില്‍ തളിപ്പറമ്പ് മുന്‍ നഗരസഭാ വൈസ് ചെയര്‍മാനും ഏരിയാ കമിറ്റി അംഗവുമായ കോമത്ത് മുരളിധരന്റെ നേതൃത്വത്തില്‍ അന്‍പതോളം പ്രവര്‍ത്തകര്‍ സി പി ഐയില്‍ ചേര്‍ന്നത്. സി പി ഐ സാമ്പത്തിക ക്രമക്കേട് ആരോപിച്ച് പുറത്താക്കിയ മണ്ഡലം സെക്രടറി പുല്ലായിക്കൊടി ചന്ദ്രനെ സി പി എം സ്വീകരിച്ച് തളിപ്പറമ്പ് നോര്‍ത് ലോകല്‍ സെക്രടറിയാക്കിയതായിരുന്നു കാരണം. ഇതോടെയാണ് കോമത്തിന്റെ നേത്യത്വത്തില്‍ ഒരു വിഭാഗം പാര്‍ടി നേതൃത്വവുമായി തെറ്റുന്നത്.
സി പി എം വിട്ടുവെന്ന കോമത്തിനെ ജില്ലാ കൗണ്‍സില്‍ അംഗമായി സി പി ഐ ഉയര്‍ത്തുകയും ചെയ്തു. ഇതോടെ പാര്‍ടി ഗ്രാമങ്ങളായ മാന്ധം കുണ്ട്, കീഴാറ്റൂര് എന്നിവടങ്ങളില്‍ സി പി ഐ പ്രവര്‍ത്തനങ്ങള്‍ക്ക് വിലക്കും ഏര്‍പെടുത്തി. 'ബി ജെ പിയെ തോല്‍പിക്കൂ രാജ്യത്തെ രക്ഷിക്കൂ' എന്ന മുദ്രാവാക്യമുയര്‍ത്തി സി പി ഐ നടത്തിയ അഖിലേന്‍ഡ്യാ പ്രക്ഷോഭത്തിന്റെ ഭാഗമായുള്ള കാല്‍നട പ്രചാരണജാഥ മാന്ധം കുണ്ടില്‍ സി പി എം പ്രവര്‍ത്തകര്‍ തടയുകയും കോമത്ത് മുരളീധരനെതിരെ കയ്യേറ്റം നടത്തുകയും ചെയ്തിരുന്നു. സി പി ഐ കൊടി മരങ്ങളും ബോര്‍ഡുകളും പിഴുതുമാറ്റുന്നതും മാന്ധം കുണ്ടില്‍ നിത്യസംഭവങ്ങളിലൊന്നാണ്.
Keywords: News, Kerala, Kerala-News, Politics, Politics-News, Political Issue, CPM, CPI, Clash, Taliparamba News, Demand, Intervention, LDF, Leadership, Lok Sabha Election, CPM-CPI clash in Taliparamba: Demand for intervention of LDF leadership grows stronger.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
