ഇന്‍ഡ്യയും പാകിസ്താനും തമ്മിലുള്ള കളി ഇന്‍ഡ്യക്കാരെപ്പോലെ തന്നെ മറ്റ് രാജ്യങ്ങളിലുള്ളവരും ആകാംക്ഷയോടെയാണ് നോക്കാറുള്ളത്. ഏകദിന ലോകകപ്പുകളില്‍ പാകിസ്താനെതിരെ തുടര്‍ചയായ എട്ടാം ജയമായിരുന്നു ഇന്‍ഡ്യയുടേത്.
എന്നാല്‍ മത്സരം കഴിഞ്ഞ് ദിവസങ്ങളായപ്പോള്‍ മത്സരത്തിന്റെ ഫലത്തില്‍ സംശയം പ്രകടിപ്പിച്ച് രംഗത്തെത്തിയിരിക്കുകയാണ് പാകിസ്താനി മാധ്യമപ്രവര്‍ത്തകയും പ്രശസ്ത ടിക് ടോകറുമായ ഹരീം ഷാ. മത്സരത്തിന് മുമ്പായി ബിസിസിഐ സെക്രടറി ജെയ് ഷാ മന്ത്രവാദിയായ കാര്‍ത്തിക് ചക്രവര്‍ത്തി എന്നയാളെ കണ്ട് ദുര്‍മന്ത്രവാദം നടത്തിയതിന് വിശ്വസനീയമായ തെളിവ് ലഭിച്ചിട്ടുണ്ടെന്നാണ് ഹരീം ഷായുടെ ആരോപണം. രാജ്യാന്തര ക്രികറ്റ് കൗണ്‍സില്‍ (ICC) സംഭവത്തെ കുറിച്ച് അന്വേഷണം നടത്തണമെന്നും ഇവര്‍ ആവശ്യപ്പെടുന്നു.
സമൂഹ മാധ്യമമായ എക്‌സില്‍ ഹരീം ഷാ ഇട്ട പോസ്റ്റിന് താഴെ പരിഹാസവുമായി നിരവധി പേരാണ് എത്തുന്നത്. ഇത് വെറും ട്രെയിലറാണെന്നും പാകിസ്താന്‍-അഫ്ഗാനിസ്താന്‍ മത്സരത്തിന് മറ്റൊന്നുണ്ടെന്നും ഒരാള്‍ കുറിച്ചു. മത്സരത്തില്‍ ഇമാമുല്‍ ഹഖിനെ പുറത്താക്കുന്നതിന് മുമ്പ് ഹാര്‍ദിക് പാണ്ഡ്യ പന്ത് ചുണ്ടിനോട് ചേര്‍ത്തുപിടിച്ച് എന്തോ പറയുന്ന ചിത്രവും പലരും പങ്കുവെച്ചിട്ടുണ്ട്.
മത്സരത്തില്‍ രണ്ടിന് 155 എന്ന ശക്തമായ നിലയില്‍നിന്ന് പാകിസ്താന്‍ ടീം 191ല്‍ പുറത്തായതിനെതിരെ മുന്‍ പാക് താരങ്ങളടക്കം നിരവധി പേര്‍ രംഗത്തെത്തിയിരുന്നു.
According to credible source, BCCI Secretary Jay Shah hired famous Black magic expert / tantrik Kartick Chakraborty to do black magic on Team Pakistan. @ICC should investigate. This is unacceptable..!!!#INDvsPAK #PAKvIND pic.twitter.com/UPbY9RwAaD
— Hareem Shah (@_Hareem_Shah) October 14, 2023