അതിന്റെ 25 ശതമാനമെങ്കിലും ലഭിച്ചാല്‍ സാമ്പത്തിക പ്രതിസന്ധിയാല്‍ നട്ടം തിരിയുന്ന പൊതുജനതാത്പര്യം സംരക്ഷിച്ച് മുന്നോട്ട് പോകുന്ന സപ്ലൈകോയുടെയും അതിനെ ആശ്രയിച്ച് കഴിയുന്ന ജീവനക്കാരുടെയും പ്രശ്‌നങ്ങള്‍ക്ക് വലിയ പരിഹാരം ഉണ്ടാകും. അതുകൊണ്ട് തന്നെ സര്‍കാര്‍ ഈ വിഷയത്തിന് മുന്‍ഗണന നല്‍കണം.
സപ്ലൈകോയെ സംരക്ഷിക്കുക, ദിവസ വേതന - പാകിംഗ് തൊഴിലാളികള്‍ക്ക് വേതനം ഉറപ്പുവരുത്തുക, ടാര്‍ജറ്റ് സമ്പ്രദായം ഒഴിവാക്കുക, പത്ത് വര്‍ഷം പൂര്‍ത്തിയാക്കിയ തൊഴിലാളികളെ സ്ഥിരപ്പെടുത്തുക, മിനിമം വേതനം ലഭ്യമാക്കുക, ഔട് ലെറ്റുകളില്‍ സബ്‌സിഡി സാധനങ്ങള്‍ ഉറപ്പ് വരുത്തുക എന്നീ ആവശ്യങ്ങള്‍ ഉന്നയിച്ചായിരുന്നു മാര്‍ചും ധര്‍ണയും.
യൂനിയന്‍ ജില്ലാ പ്രസിഡന്റ് താവം ബാലകൃഷ്ണന്‍ അധ്യക്ഷത വഹിച്ചു. ജില്ലാ സെക്രടറി പി ലക്ഷ്മണന്‍ സ്വാഗതം പറഞ്ഞു. എഐടിയുസി ജില്ലാ ജെനറല്‍ സെക്രടറി കെ ടി ജോസ്, വര്‍കിങ് വിമന്‍സ് ഫോറം ജില്ലാ സെക്രടറി എന്‍ ഉഷ, എ ഐ വൈ എഫ് ജില്ലാ പ്രസിഡന്റ് കെ ആര്‍ ചന്ദ്രകാന്ത് എന്നിവര്‍ സംസാരിച്ചു.
ജില്ലാ വൈസ് പ്രസിഡന്റ് പി ഷൈമ നന്ദി പറഞ്ഞു. മാര്‍ചിനും ധര്‍ണക്കും സുജേഷ് പാനൂര്‍ പി സുനില്‍, കെ വി ഉഷ, പി അജിതമ്മ, സുരേഷ് ചക്കരക്കല്‍, റിനു ജോസഫ് എന്നിവര്‍ നേതൃത്വം നല്‍കി. ധര്‍ണക്കു ശേഷം യൂനിയന്‍ പ്രതിനിധികള്‍ സംസ്ഥാന ഭക്ഷ്യവകപ്പു മന്ത്രി ജില്ലാ കലക്ടര്‍ എന്നിവര്‍ക്ക് നിവേദനവും നല്‍കി.
Keywords: Adv.P Santhosh Kumar MP urges government to urgently sanction dues to be paid to Supplyco, Kannur, News, Adv.P Santhosh Kumar MP, Supply Co, Sanction, March, Dharna, Protection, Kerala News.