Keywords: 4 College Students Drowned in Valparai, Chennai, News, College Students, Drowned, Valparai, Dead Body, Natives, Police, Hospital, Kerala News.
Drowned | വാല്‍പ്പാറയില്‍ വിനോദയാത്രക്കെത്തിയ 5 കോളജ് വിദ്യാര്‍ഥികള്‍ മുങ്ങിമരിച്ചു
പ്രദേശവാസികളും പൊലീസും ചേര്‍ന്ന് മൃതദേഹങ്ങള്‍ മുങ്ങിയെടുക്കുകയായിരുന്നു
College Students, Drowned, Valparai, Dead Body, Kerala News
അതിരപ്പിള്ളി: (KVARTHA) വാല്‍പ്പാറയില്‍ വിനോദയാത്രക്കെത്തിയ അഞ്ച് കോളജ് വിദ്യാര്‍ഥികള്‍ മുങ്ങിമരിച്ചു. വെള്ളിയാഴ്ച ഉച്ചക്കുശേഷം വാല്‍പ്പാറക്ക് മൂന്ന് കിലോമീറ്റര്‍ അകലെ ചുങ്കം പുഴയിലാണ് അപകടം. കോയമ്പത്തൂര്‍ ഉക്കടം എസ് എന്‍ എം വി കോളജിലെ ബിരുദ വിദ്യാര്‍ഥികളും കോയമ്പത്തൂര്‍ കിണത്തുകടവ സ്വദേശികളുമായ ധനുഷ്, അജയ്, വിനീത് കുമാര്‍, ശരത്, നബീല്‍ എന്നിവരാണ് മരിച്ചത്.
അഞ്ച് ബൈകുകളിലായി എത്തിയ 10 അംഗ സംഘത്തിലുള്ളവരാണ് മരിച്ചത്. വാല്‍പ്പാറ സന്ദര്‍ശനത്തിനു ശേഷം തിരിച്ചുപോകുമ്പോള്‍ പുഴയില്‍ കുളിക്കാനിറങ്ങിയ ഇവര്‍ ഒഴുക്കില്‍പ്പെടുകയായിരുന്നു. കൂടെയുള്ളവരുടെ നിലവിളി കേട്ടെത്തിയ പ്രദേശവാസികളും പൊലീസും ചേര്‍ന്ന് മൃതദേഹങ്ങള്‍ മുങ്ങിയെടുക്കുകയായിരുന്നു. പിന്നീട് മൃതദേഹങ്ങള്‍ വാല്‍പ്പാറ സര്‍കാര്‍ ആശുപത്രി മോര്‍ചറിയിലേക്ക് മാറ്റി. വിവരമറിഞ്ഞ് ഇവരുടെ ബന്ധുക്കള്‍ വാല്‍പ്പാറയിലേക്ക് തിരിച്ചിട്ടുണ്ട്.